Heydər Əliyev Fondunun prezidenti Mehriban xanım Əliyeva Şüvəlan qəsəbəsindəki 78 nömrəli körpələr evi-uşaq bağçasının əsaslı təmir və yenidənqurmadan sonra açılışında iştirak edib

Bakı:

11 °C

58 %

6 m/s

AZ RU EN

Ana səhifə / Siyasət / Heydər Əliyev Fondunun prezidenti Mehriban xanım Əliyeva Şüvəlan qəsəbəsindəki 78 nömrəli körpələr evi-uşaq bağçasının əsaslı təmir və yenidənqurmadan sonra açılışında iştirak edib

Heydər Əliyev Fondunun prezidenti Mehriban xanım Əliyeva Şüvəlan qəsəbəsindəki 78 nömrəli körpələr evi-uşaq bağçasının əsaslı təmir və yenidənqurmadan sonra açılışında iştirak edib

11.05.2012 [00:52]

Azərbaycanın birinci xanımı, Heydər Əliyev Fondunun prezidenti, Xəzər rayonundan Milli Məclisin deputatı Mehriban Əliyeva Şüvəlan qəsəbəsindəki 78 nömrəli körpələr evi-uşaq bağçasının əsaslı təmir və yenidənqurmadan sonra açılışında iştirak edib.
Mehriban xanım Əliyeva rəmzi açılışı bildirən lenti kəsib və körpələr evi-uşaq bağçasında yaradılmış şəraitlə yaxından tanış olub.
Binanın foyesində ümummilli lider Heydər Əliyevin uşaqlara diqqət və qayğısını əks etdirən fotostend qurulub.
Bildirilib ki, Heydər Əliyev Fondunun həyata keçirdiyi “Yeniləşən Azərbaycana yeni məktəb” layihəsi çərçivəsində aparılmış yenidənqurma işləri nəticəsində 120 yerlik körpələr evi-uşaq bağçasında uşaqların təlim-tərbiyəsi və əyləncəsi üçün hər cür şərait yaradılıb. İki mərtəbədən və zirzəmidən ibarət binada yenidənqurma işlərinə 2011-ci ilin fevralında başlanıb.
Körpələr evi-uşaq bağçasında balacalar xüsusi otaqlarda gimnastika və intellektual idman növü sayılan şahmatla məşğul olacaqlar. Uşaqların öz fantaziyalarını rəsm vasitəsilə reallaşdırmaq imkanı da olacaq. Onların musiqi zövqünü formalaşdırmaq üçün isə xüsusi otaq yaradılıb.
Diqqətə çatdırılıb ki, körpələr evi-uşaq bağçasının idman zalı təhlükəsiz qurğularla təchiz olunub. Burada altı qrup - bir orta, bir kiçik, iki böyük və iki məktəbə hazırlıq qrupları var.
Məlumat verilib ki, binanın zirzəmisində anbar, camaşırxana, qabyuma, arxiv və digər otaqlar yerləşir. Yeməkxana da müasir tələblərə cavab verir. Uşaqların naharla təminatı mərkəzləşmiş qaydada həll edilir. Bunun üçün binanın zirzəmisindəki mətbəxdə hazırlanan yeməklər yük lifti vasitəsilə mərtəbələrə paylanır. Hər qrupun ayrıca mətbəxi var.
Azərbaycanın birinci xanımının diqqətinə çatdırılıb ki, körpələr evi-uşaq bağçasının həyətyanı sahəsində abadlıq işləri aparılıb. Həyətdə uşaq oyun meydançaları yaradılıb, 50 kubmetrlik içməli su, 80 kubmetrlik yanğın əleyhinə su anbarları tikilib. İşıqlandırma sisteminin tamamilə yeniləndiyi körpələr evi-uşaq bağçasında təhlükəsizlik kameraları və siqnal sistemləri də quraşdırılıb.
Beləliklə, Azərbaycanın gələcəyini təmin edəcək sağlam ruhlu, müasir düşüncəli uşaqlar yetişdirmək üçün Heydər Əliyev Fondu növbəti uğurlu layihələri həyata keçirib.

Paylaş:

Baxılıb: 1101 dəfə