Şuşakənd, Xanyurdu, Qırmızı Bazar, Məmmədbəyli...

Bakı:

18 °C

59 %

5 m/s

Əlaqə

AZ RU EN

Ana səhifə / Sosial / Şuşakənd, Xanyurdu, Qırmızı Bazar, Məmmədbəyli...

Şuşakənd, Xanyurdu, Qırmızı Bazar, Məmmədbəyli...

26.12.2025 [08:11]

Bu kəndlərə köç karvanı yola salındı

Vətən Müharibəsində qazandığımız qələbə yalnız döyüş meydanında deyil, həm də məcburi köçkünlərimizin yurdlarına geri dönüşü üçün yeni bir dövrün başlanğıcını qoydu. Onlar bir zamanlar məcbur qalıb tərk etdiyi torpaqlarına qayıdırlar. Demək olar ki, hər gün köç karvanları yola salınır. Bu, müharibədən sonrakı bərpa prosesinin sadəcə bir başlanğıcıdır. Qarşıda uzun bir yol, həyata keçiriləcək möhtəşəm layihələr var. Ancaq hər bir addım Azərbaycanın bütövlüyü və ərazi vahidliyinin qorunması üçün atılan mühüm bir addımdır. Bu baxımdan köç karvanlarının yola salınması yeni gələcəyimizi formalaşdırır.

Azərbaycanın şimal-qərb bölgəsində yerləşən Xocalı, Xocavənd və Zəngilan rayonları 30 ildən artıq bir müddətdə işğal altında olub. Lakin son bir neçə ildir ki, işğaldan azad edilmiş digər rayonlarımız kimi böyük və müsbət dəyişiklərə məruz qalıb. Bu rayonlar tarixi və mədəni irsimizin önəmli bir parçası olmaqla yanaşı, həm də keçmiş məcburi köçkünlərin acı taleyinin simvoluna çevrilib.

Üç kənd, bir qəsəbə...

Dünən Xocalı rayonunun Şuşakənd və Xanyurdu kəndlərinə, Xocavənd rayonunun Qırmızı Bazar qəsəbəsinə və Zəngilan rayonunun Məmmədbəyli kəndinə köç karvanı yola salınıb. Köç edənlər respublikanın müxtəlif bölgələrində, əsasən yataqxanalarda, sanatoriyalarda və inzibati binalarda müvəqqəti məskunlaşmış ailələrdir.

Bu mərhələdə Xocalı rayonunun Şuşakənd kəndinə 20 ailə (83 nəfər), Xanyurdu kəndinə 12 ailə (50 nəfər), Xocavənd rayonunun Qırmızı Bazar qəsəbəsinə 37 ailə (169 nəfər), Zəngilan rayonunun Məmmədbəyli kəndinə isə 29 ailə (147 nəfər) köçürülüb.

Xocalı rayonunun Şuşakənd kəndinə, cəmi - 20 ailə (83 nəfər), o cümlədən:

Bakı şəhərindən - 7 ailə (23 nəfər);

Abşeron rayonundan - 5 ailə (20 nəfər);

İsmayıllı rayonundan - 3 ailə (13 nəfər);

Ağsu rayonundan - 2 ailə (13 nəfər);

Ucar rayonundan - 1 ailə (7 nəfər);

Gəncə şəhərindən - 1 ailə (5 nəfər);

Ağdaş rayonundan - 1 ailə (2 nəfər).

- cəmi 113 ailə (424 nəfər) köçürülüb.

Xocalı rayonunun Xanyurdu kəndinə, cəmi - 12 ailə (50 nəfər), o cümlədən:

Goranboy rayonundan - 3 ailə (14 nəfər);

Bakı şəhərindən - 3 ailə (9 nəfər);

Gəncə şəhərindən - 2 ailə (10 nəfər);

Bərdə rayonundan - 2 ailə (7 nəfər);

Abşeron rayonundan - 1 ailə (6 nəfər);

Oğuz rayonundan - 1 ailə (4 nəfər).

Cəmi 123 ailə (431 nəfər) köçürülüb.

Xocavənd rayonunun Qırmızı Bazar qəsəbəsinə, cəmi - 37 ailə (169 nəfər), o cümlədən:

Beyləqan rayonundan - 19 ailə (89 nəfər);

Bakı şəhərindən - 14 ailə (64 nəfər);

Füzuli rayonundan - 3 ailə (11 nəfər);

Abşeron rayonundan - 1 ailə (5 nəfər).

Cəmi 122 ailə (513 nəfər) köçürülüb.

Zəngilan rayonunun Məmmədbəyli kəndinə, cəmi - 29 ailə (147 nəfər), o cümlədən:

Bakı şəhərindən - 20 ailə (105 nəfər);

Abşeron rayonundan - 7 ailə (36 nəfər);

Sumqayıt şəhərindən - 2 ailə (6 nəfər).

Cəmi 132 ailə (653 nəfər) köçürülüb.

Doğma yurdlarına qayıdan sakinlər hərtərəfli dövlət qayğısı ilə əhatə olunduqlarına görə Prezident İlham Əliyevə və Birinci vitse prezident Mehriban xanım Əliyevaya minnətdarlıqlarını bildiriblər. Onlar, həmçinin torpaqlarımızı işğaldan azad edən rəşadətli Azərbaycan Ordusuna, qəhrəman əsgər və zabitlərimizə təşəkkür edib, bu yolda canlarından keçən şəhidlərimizə Allahdan rəhmət diləyiblər.

Ümid yolu: Yeni həyat, yeni üfüqlər...

İllərdir ki, başqa şəhər və rayonlarda məskunlaşan, öz evlərindən didərgin düşən insanlar, bir gün həmin torpaqlara qayıdacaqlarını bilirdilər. Keçmiş məcburi köçkünlər iki hissi - sevinc və həyəcanı birlikdə yaşayır. Sevinclərinin, həyəcanlarının həddi-hüdudu yoxdur. Xalqımız heç zaman ümidini itirməmişdi. Bir zamanlar dağılan ailələr bir araya gəlir, köhnə xatirələr canlanır və yeni həyatlar qurulur, yeni üfüqlər açılır. Bütün bunlar, Azərbaycanın gücünü, xalqın sarsılmaz iradəsini və mübarizəsini bir daha təsdiq etmiş oldu.

Yeganə BAYRAMOVA

Paylaş:

Baxılıb: 369 dəfə