Yaşlı nəslin təcrübəsindən faydalanaq

Bakı:

17 °C

63 %

9 m/s

Əlaqə

AZ RU EN

Ana səhifə / Sosial / Yaşlı nəslin təcrübəsindən faydalanaq

Yaşlı nəslin təcrübəsindən faydalanaq

21.02.2014 [09:13]

Binəqədi rayonunda bu mövzuda tədbir keçirilib
Azərbaycan Respublikası Ailə Qadın və Uşaq Problemləri üzrə Dövlət Komitəsi və Binəqədi rayon İcra Hakimiyyətinin birgə təşkilatçılığı ilə “Yaşlı nəslin təcrübəsindən faydalanaq” adlı tədbir keçirilib. Yeni Azərbaycan Partiyası Binəqədi rayon təşkilatının inzibati binasında keçirilən tədbirdə Ailə, Qadın və Uşaq Problemləri üzrə Dövlət Komitəsinin sədr müavini Aynur Sofiyeva, Binəqədi rayon İcra Hakimiyyəti başçısının müavini Aygün Əliyeva, Binəqədi rayon Qeydiyyat şöbəsinin rəisi Tavat İsmayılova, psixoloq Narınc Rüstəmova, din xadimi Musa İbrahimov, həmçinin, yaşlı və gənc nəslin nümayəndələri iştirak ediblər.
Tədbiri giriş sözü ilə açan Binəqədi rayon İcra Hakimiyyəti başçısının müavini Aygün Əliyeva möhkəm və sağlam ailənin cəmiyyətdəki rolundan danışıb, güclü dövlətin məhz belə ailələrdən təşkil olunduğunu bildirib.
Hazırda dövlət tərəfindən ailələrə göstərilən qayğıdan bəhs edən A.Əliyeva gənclərin ailə dəyərlərini qorumaq və ailəni möhkəm təməllər üzərində formalaşdırmaq baxımından yaşlı nəslin əldə etdiyi sosial təcrübədən faydalanmasının vacibliyini vurğulayıb. RİH başçısının müavini bu nöqteyi-nəzərdən belə maarifləndirici tədbirlərin əhəmiyyət daşıdığını diqqətə çatdırıb.
Ailə, Qadın və Uşaq Problemləri üzrə Dövlət Komitəsinin sədr müavini Aynur Sofiyeva çıxışında ölkədə ailə məsələlərinə önəm verildiyini diqqətə çatdıraraq, bu tədbirin yaşlı nəsil ilə gənc nəsil arasında dialoq funksiyası daşıdığını bildirib.
Ailə məsələlərindən hüquqi müstəvidə bəhs edən Binəqədi rayon Qeydiyyat şöbəsinin rəisi Tavat İsmayılova möhkəm və davamlı ailənin qurulmasında hüquqi maarifləndirmənin zəruri olduğunu iştirakçıların diqqətinə çatdırıb.
Psixoloq Narınc Rüstəmova isə tədbir iştirakçılarının diqqətini ailə münasibətlərinin psixoloji aspektlərinə yönəldərək sağlam həyat tərzinin fiziki, qarşılıqlı hörmət və ehtiramın isə psixoloji baxımdan sağlam ailənin təminatçısı olduğunu qeyd edib.
Ailə dəyərlərini milli-mənəvi prizmadan izah edən din xadimi Musa İbrahimov İslam dinində ailənin xüsusi önəm daşıdığını bildirib, o, ailə münasibətlərində milli-mənəvi dəyərlərin qorunmasını ailələrin davamlı və dayanıqlı olmasının təminatçısı kimi səciyyələndirib.
Tədbirdə uzunömürlü ailə örnəyi kimi professor Dünyamalı Vəliyev möhkəm ailə münasibətlərinin yaranmasının səbəblərini izah edib, gənc ailələrə dəyərli tövsiyələr verib.
Daha sonra tədbir iştirakçıları mövzu ətrafında müzakirələr aparıblar. Sonda ən uzunömürlü və gənc ailələrə Binəqədi rayon İcra Hakimiyyətinin hədiyyələri təqdim edilib.
NADİR

Paylaş:

Baxılıb: 1193 dəfə