“Heydər Əliyev ideyaları və Azərbaycan gəncliyi”

Bakı:

14 °C

88 %

6 m/s

Əlaqə

AZ RU EN

Ana səhifə / Sosial / “Heydər Əliyev ideyaları və Azərbaycan gəncliyi”

“Heydər Əliyev ideyaları və Azərbaycan gəncliyi”

01.05.2014 [09:08]

Gənclər və İdman Nazirliyində bu mövzuda konfrans keçirilib
Dünən Nərimanov rayonunda Ümummilli lider Heydər Əliyevin anadan olmasının 91-ci ildönümünə həsr olunmuş tədbirlər çərçivəsində Gənclər və İdman Nazirliyində “Heydər Əliyev ideyaları və Azərbaycan gəncliyi” mövzusunda konfrans keçirilib. Konfransı giriş sözü ilə açan Yeni Azərbaycan Partiyası (YAP) Nərimanov rayon təşkilatının Gənclər və İdman Nazirliyi ərazi ilk partiya təşkilatının sədri Əli Məmmədov Ulu öndər Heydər Əliyevin əsasını qoyduğu gənclər siyasətinin əhəmiyyətindən danışıb.
Çıxış edən gənclər və idman nazirinin müavini İntiqam Babayev deyib ki, bu gün bütün sahələrdə olduğu kimi, gənclərlə iş sahəsində də Azərbaycan böyük uğurlara imza atıb. Onun sözlərinə görə, artıq gənclərimiz dünyanın böyük idman arenalarında çıxış edərək Azərbaycanın bayrağını yüksəldir, ölkəmizi beynəlxalq aləmə tanıtdırırlar: “Azərbaycanın sürətli iqtisadi inkişafı şəraitində və ölkəmizin beynəlxalq nüfuzunun gücləndiyi dövrdə cəmiyyətdə gənclərin rolu artmaqdadır”.
Gənclər və idman nazirinin müavini İsmayıl İsmayılov isə bildirib ki, Ümummilli lider Heydər Əliyevin ideyaları əsasında inkişaf edən müasir müstəqil Azərbaycanın intensiv tərəqqisi ölkəmizin perspektivinə optimist yanaşmağa əsas verir. Onun sözlərinə görə, bütün sahələrdə praqmatik islahatların həyata keçirilməsi, inkişafın strateji prioritetlərinin müasir dövrün tələblərinə müvafiq surətdə müəyyənləşdirilməsi tərəqqinin Azərbaycan modelinin əsasının qoyulmasını şərtləndirib.
Tədbirdə çıxış edən YAP Nərimanov rayon təşkilatının sədri Təmraz Tağıyev deyib ki, müstəqil dövlətimiz məhz Ümummilli lider Heydər Əliyevin müəyyənləşdirdiyi siyasət nəticəsində inkişaf edir və bu gün Prezident İlham Əliyevin rəhbərliyi ilə bu siyasət uğurla davam etdirilir: “Bu gün Azərbaycanda böyük quruculuq işləri aparılır. Ölkəmizin inkişafı məhz Ulu öndər Heydər Əliyevin müəyyənləşdirdiyi siyasət nəticəsində baş verir. Təbii ki, həmin siyasətdən gənclərimizə də pay düşür. Gənclərimiz isə öz növbəsində, onlar üçün yaradılan şəraiti düzgün dəyərləndirməli və bu siyasətin yerlərdə icrası işində yaxından iştirak etməlidirlər”.
Konfrasda, həmçinin, Gənclər və İdman Nazirliyinin aparat rəhbəri Fuad Hacıyev, YAP Nərimanov rayon təşkilatı Gənclər Birliyinin sədri Yusif Babanlı, Nərimanov rayon Gənclər və İdman İdarəsinin rəisi Nəcəf Novruzov və digər şəxslər çıxış edərək, ilk növbədə, Heydər Əliyev siyasətinin dünyada örnək və nümunəvi siyasət olmasından, bu siyasətin əsas qolunu təşkil edən gənclər siyasətinin Azərbaycan gəncliyinə yaratdığı imkanlar və bu imkanların verdiyi töhfələrdən bəhs ediblər.
Tədbirin sonunda Yeni Azərbaycan Partiyasının sıralarına yeni daxil olan gənclərə partiyanın üzvlük vəsiqələri təqdim olunub.
Nardar BAYRAMLI

Paylaş:

Baxılıb: 1240 dəfə