“Mən narkomaniyanı belə görürəm” mövzusunda keçirilmiş müsabiqənin qalibləri mükafatlandırılıblar

Bakı:

28 °C

56 %

7 m/s

Əlaqə

AZ RU EN

Ana səhifə / Sosial / “Mən narkomaniyanı belə görürəm” mövzusunda keçirilmiş müsabiqənin qalibləri mükafatlandırılıblar

“Mən narkomaniyanı belə görürəm” mövzusunda keçirilmiş müsabiqənin qalibləri mükafatlandırılıblar

25.06.2014 [10:19]

İyunun 24-də “Park Bulvar” alış-veriş mərkəzində Narkotiklərə Qarşı Milli Təbliğat Ofisinin və Bakı şəhər Gənclər və İdman Baş İdarəsinin (BŞGİBİ) birgə təşkilatçılığı ilə paytaxtdakı orta ümumtəhsil məktəblərinin şagirdləri arasında “Mən narkomaniyanı belə görürəm” mövzusunda keçirilmiş rəsm müsabiqəsinin qalibləri mükafatlandırılıblar.
AzərTAc xəbər verir ki, Ofisin rəhbəri Məzahir Əfəndiyev 26 iyun - BMT-nin Dünya Narkotiklər Əleyhinə Mübarizə Günü ərəfəsində keçirilən tədbirin əhəmiyyətindən söz açıb. O bildirib ki, cəmiyyətdə, xüsusən gənclər arasında narkomaniyanın yayılmasına qarşı mübarizədə ölkənin əsas qeyri-hökuməti təşkilatı sayılan Ofis bu istiqamətdə maarifləndirmə, təbliğatı daha da gücləndirmək məqsədilə uşaq rəsmlərinin və şüarlarının seçilməsinə dair müsabiqə və sərgi keçirib. Paytaxtın bütün rayonlarının gənclər və idman idarələrinə müraciət edilib, müsabiqə elan olunaraq bu istiqamətdə rəsm və şüarlar toplanıb. Tədbirin təşkilində əsas məqsəd ictimaiyyətin diqqətini bu məsələyə cəlb etməkdir.
Qeyd olunub ki, BŞGİBİ, Azərbaycan Rəssamlar İttifaqı və Ofisin mütəxəssislərinin verdiyi rəylər əsasında qaliblər müəyyənləşdirilib.
BŞGİBİ-yə, Təhsil Nazirliyinə və digər təşkilatlara göstərilən dəstəyə görə minnətdarlığını bildirən M.Əfəndiyev vurğulayıb ki, cəmiyyət, xüsusən də məktəblilər belə tədbirlər vasitəsilə narkomaniyanın zərərləri haqqında kifayət qədər maariflənəcək, rəsmləri, şüarları vasitəsilə insanların sağlamlığı naminə narkomaniya əleyhinə təbliğatda fəallıq göstərərək bu işin qurulmasında özlərini lazımlı və gərəkli hiss edəcəklər.
BŞGİBİ-nın rəisi Raqif Abbasov, Azərbaycan Milli Qeyri-Hökumət Təşkilatları Forumunun prezidenti Rauf Zeyni, Azərbaycan Rəssamlar İttifaqının üzvləri Asif Rzayev, Həşim Elçiyev və digərləri çıxış edərək ümumbəşəri problem sayılan narkomaniya ilə mübarizədə müxtəlif təşkilatlar arasında əməkdaşlığın daha da gücləndirilməsinin əhəmiyyətini vurğulayıblar.
Sonra rəsm müsabiqəsinin qalibləri olan məktəblilər üç nominasiya üzrə mükafatlandırılıblar.
Müsabiqənin qaydalarına əsasən, qaliblərin rəsmləri və şüarları “Park Bulvar” alış-veriş mərkəzində təşkil olunmuş sərgidə nümayiş etdirilib.
Tədbirdə, həmçinin narkomaniyaya qarşı mübarizə tədbirlərini geniş işıqlandırmış KİV-lərin nümayəndələri sertifikatlarla təltif olunublar.

Paylaş:

Baxılıb: 1202 dəfə