“Bakcell” “Ulduzum” proqramının yenilənmiş internet səhifəsini təqdim edib

Bakı:

29 °C

53 %

2 m/s

Əlaqə

AZ RU EN

Ana səhifə / Sosial / “Bakcell” “Ulduzum” proqramının yenilənmiş internet səhifəsini təqdim edib

“Bakcell” “Ulduzum” proqramının yenilənmiş internet səhifəsini təqdim edib

24.05.2017 [09:55]

Azərbaycanın ilk mobil operatoru və aparıcı mobil internet provayderi “Bakcell” şirkəti “Ulduzum” proqramının yeni internet səhifəsini istifadəyə verib. Yeni sayt müasir və kreativ dizayna malik olmaqla yanaşı daha da funksionaldır. Belə ki, istifadəçi sayta daxil olarkən istənilən bölməni rahatlıqla tapmaq imkanı əldə edir.
Yenilənmiş saytda “Ulduzum” tərəfdaşlarının axtarışı daha da asanlaşdırılıb. İndi saytın ana səhifəsində “Ulduzum” abunəçilərinə endirim təqdim edən tərəfdaşları ərazi, kateqoriya, təqdim olunan endirim faizlərinə və digər göstəricilərə uyğun asanlıqla tapmaq olar.
Bundan əlavə, sayt “Ulduzum” istifadəçiləri üçün əlavə imkanlar da açır. Məsələn, sayta daxil olan “Bakcell” abunəçiləri pulsuz SMS göndərə biləcəklər. Bundan əlavə, burada “Ulduzum”un müxtəlif kampaniyaları haqqında ətraflı məlumatlar “Yeniliklər” səhifəsində yerləşdirilib. Abunəçilərin endirim təqdim edən tərəfdaşların ünvanını daha rahat tapa bilmələri üçün saytda xüsusi xəritə də yerləşdirilib. Bununla yanaşı, bir müddət öncə tərəfdaşlar siyahısına qatılan “Türk Hava Yolları” şirkətinin “Ulduzum” proqramının üzvlərinə təqdim etdiyi pulsuz əlavə milləri əldə etməyin yolları asan şəkildə izah edilir.
“Ulduzum” proqramının tərəfdaşları siyahısına asanlıqla daxil olmaq istəyənlər üçün onlayn müraciət forması da yaradılıb.
Vaxtına qənaət edən və rahatlığa üstünlük verən smartfon istifadəçiləri isə yenilənmiş sayta daxil olmaqla “Bakcell”in “Ulduzum” mobil tətbiqetməsini (həm iOS, həm də Android platforması üçün) yükləyə bilərlər. “Ulduzum”la bağlı xəbərləri hamıdan tez almaq istəyən abunəçilər isə yeniliklərə pulsuz abunə ola bilərlər. Sayta daxil olmaq üçün keçid: http://ulduzum.az
Şirkətdən verilən məlumatda həmçinin qeyd olunur ki, 2,4 milyon nəfərdən çox abunəçisi və 210-dan çox tərəfdaşı olan “Ulduzum” bu gün abunəçilərə müxtəlif çeşidli güzəşt və xidmətlər təklif edən, həmçinin öz abunəçilərinin və proqramının tərəfdaşları olan şirkət müştərilərinin sadiqliyini təşviq etməklə təkcə Azərbaycanda deyil, Yaxın Şərq, Mərkəzi və Cənubi Asiya və Şimali Afrika regionunda da ən yaxşı müştəri xidməti göstərən proqramlardan biridir.
Xatırladaq ki, “Ulduzum” proqraminin istifadəsində heç bir abunə haqqı yoxdur və istənilən “Bakcell” istifadəçisi bu proqrama qoşula bilər.
Səlim LOĞMANOĞLU

Paylaş:

Baxılıb: 565 dəfə