Heydər Əliyev
yeni azerbaycan logo

Ana səhifə / Sosial / GİZ tərəfindən jurnalistlər üçün daha bir təlim təşkil olunub

GİZ tərəfindən jurnalistlər üçün daha bir təlim təşkil olunub

24.09.2018 [15:41]

Almaniya Beynəlxalq Əməkdaşlıq Cəmiyyəti (GİZ) tərəfindən "Cənubi Qafqazda hüquq sahəsində Avropa standartlarına yaxınlaşma" regional proqramı çərçivəsində Nabranda jurnalistlər üçün növbəti təlim kursu təşkil olunub. 21-23 sentyabr tarixlərində "Media və uşaq hüquqları: uşaqlar haqqında informasiya hazırlanmasının şərtləri" mövzusunda keçirilən təlimin ilk günündə GİZ-in əməkdaşı Şakir Səfərbəyov kursun məqsədi, strukturu, gözlənilən nəticələr barədə danışıb. 
Sonra ekspert, Jurnalistlərin Həmkarlar İttifaqının (JuHİ) sədri, Mətbuat Şurası sədrinin müavini Müşfiq Ələsgərli "Uşaq hüquqları və onun qorunmasının hüquqi əsasları", "KİV və uşaq hüquqları: KİV-də uşaq hüquqlarının qorunmasını tənzimləyən qanunlar", "Ənənəvi KİV və internet informasiya resurslarında, sosial şəbəkələrdə uşaqlar haqqında informasiya verilməsinin mövcud durumu", "Jurnalistlərin peşə davranışı qaydaları və uşaq haqları" mövzusunda təqdimatlar edib. 
Qarşılıqlı fikir mübadiləsi şəraitində keçirilən təlimdə uşaqların malik olduqları müstəsna hüquqlar və hüquqi normalar, uşaq hüquqlarını qoruyan beynəlxalq normalar, uşaq hüquqlarını təminat altına alan yerli və beynəlxalq qanunlar media mənsublarının diqqətinə çatdırılıb. 
Təlimin sonunda keçirilənlərin möhkəmləndirilməsi üçün praktiki iş görülüb, məqalələr hazırlanıb, biliklər qiymətləndirilib.

Paylaş:
Baxılıb: 459 dəfə

Xəbər lenti

Hamısına bax

Gündəm

Gündəm

İqtisadiyyat

Ədəbiyyat

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31