Siyasi Sənədlər Arxivində “Azərbaycan tarixində alman səhifələri” mövzusunda sərgi keçirilib

Bakı:

26 °C

60 %

3 m/s

Əlaqə

AZ RU EN

Ana səhifə / Sosial / Siyasi Sənədlər Arxivində “Azərbaycan tarixində alman səhifələri” mövzusunda sərgi keçirilib

Siyasi Sənədlər Arxivində “Azərbaycan tarixində alman səhifələri” mövzusunda sərgi keçirilib

13.11.2018 [09:31]

Noyabrın 12-də Azərbaycan Respublikası Prezidentinin İşlər İdarəsinin Siyasi Sənədlər Arxivində “Azərbaycan tarixində alman səhifələri” mövzusunda sərgi keçirilib.
AZƏRTAC xəbər verir ki, qurumun direktoru Elmira Ələkbərova sərgidə çıxış edərək bildirib ki, Ulu öndər Heydər Əliyev Azərbaycanda multikulturalizmin inkişafına hər zaman xüsusi diqqət ayırıb. Bu gün Prezident İlham Əliyev Ümummilli lider Heydər Əliyevin siyasi xəttini uğurla davam etdirir. Prezident İlham Əliyevin 2016-cı il avqustun 30-da imzaladığı “Cənubi Qafqaz regionunda alman məskənlərinin salınmasının 200 illiyi haqqında” Sərəncam bu diqqət və qayğının bariz göstəricisidir. Siyasi Sənədlər Arxivi də bu Sərəncamdan irəli gələn məsələlərlə bağlı müxtəlif tədbirlər həyata keçirir. Bugünkü sərgi arxivdə qorunub saxlanılan, alman kolonistlərinin iqtisadi-sosial vəziyyətini əks etdirən sənədlərlə, kitablarla yanaşı, Alman-Azərbaycan Cəmiyyətinin təqdim etdiyi fotoşəkillər əsasında təşkil edilib.
Bildirilib ki, sərgidəki sənədlər “Azərbaycan tarixində alman səhifələri”nin sovet dövrünü əks etdirir və ilk dəfə olaraq almanların Cənubi Qafqazdan deportasiyasına start verən SSRİ-nin daxili işlər komissarı Beriyanın Azərbaycan SSR daxili işlər naziri Yaqubova göndərdiyi 1941-ci il 11 oktyabr tarixli, 001487 saylı əmr və deportasiyanın həyata keçirilməsi üçün təlimat, 1945-ci il mayın 8-dən 1950-ci il yanvarın 5-dək əsirlikdə olmuş Villi Deşin gündəliyi və İkinci Dünya müharibəsində alman millətindən əsir düşmüş şəxslərlə bağlı sənədlərdən bir sıra nümunələr nümayiş olunub.
Diqqətə çatdırılıb ki, bu sənədlər tədqiqatçıların araşdırmaları üçün açıqdır.
Sərgidə respublikanın tanınmış ziyalıları, Azərbaycan Respublikası Prezidentinin İşlər İdarəsinin Prezident Kitabxanasının elmi katibi Kəmalə Sarıcalinskaya, Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyasının İşçi Qrupunun rəhbərinin müavini Eldar Səmədov, Azərbaycan İlahiyyat İnstitutunun rektoru Ceyhun Məmmədov, Prezident yanında Strateji Araşdırmalar Mərkəzinin şöbə müdiri Araz Qurbanov, professorlar Çingiz Abdullayev, Güllü Yoloğlu, tanınmış tarixçi alimlər Firdovsiyə Əhmədova, İkram Ağasiyev, Abbas Seyidov, Məhəbbət Paşayeva, Təvəkkül Əliyev, Ülviyyə Hacıyeva iştirak ediblər.
Tədbirdə mövzu ilə bağlı film göstərilib.

Paylaş:

Baxılıb: 649 dəfə