Çoxcildliyin müəlliflər heyətinin iştirakı ilə müşavirə keçirilib

Bakı:

24 °C

65 %

10 m/s

Əlaqə

AZ RU EN

Ana səhifə / Sosial / Çoxcildliyin müəlliflər heyətinin iştirakı ilə müşavirə keçirilib

Çoxcildliyin müəlliflər heyətinin iştirakı ilə müşavirə keçirilib

12.03.2020 [09:36]

Azərbaycan Milli Elmlər Akademiyasının (AMEA) prezidenti, akademik Ramiz Mehdiyevin sədrliyi ilə “İstiqlal salnaməsi: Azərbaycan Respublikasının müstəqillik tarixi (1991-2020)” çoxcildliyinin müəlliflər heyətinin qarşısında duran vəzifələrlə bağlı müşavirə keçirilib.
AMEA-dan AZƏRTAC-a bildirilib ki, Rəyasət Heyətində keçirilən müşavirədə kitabın baş redaktoru, akademik Ramiz Mehdiyev çıxış edib. Bildirib ki, çoxcildliyin hazırlanması və nəşri haqqında AMEA Rəyasət Heyətinin müvafiq qərarı qəbul olunub.
Ölkəmizin müstəqillik dövrünün elmi-nəzəri salnaməsi olacaq çoxcildliyin tarixi əhəmiyyətindən danışan akademik Ramiz Mehdiyev nəşrin tematik və metodoloji xüsusiyyətlərindən ətraflı bəhs edib.
Kitabda Ulu Öndər Heydər Əliyevin və Azərbaycan Prezidenti İlham Əliyevin siyasi hakimiyyətləri dövründə ölkəmizdə baş vermiş ictimai-siyasi proseslər, dövlət quruculuğu məsələləri, daxili və xarici siyasət, elm, təhsil və mədəniyyətin inkişafı və sair kimi prioritet istiqamətlərin yer alacağını qeyd edən akademik Ramiz Mehdiyev əsərin böyük tarixi əhəmiyyətə malik olduğunu xüsusi vurğulayıb. Akademiya rəhbəri ölkəmizin müstəqillik tarixinin bütün proseslərini əhatə edəcək “İstiqlal salnaməsi: Azərbaycan Respublikasının müstəqillik tarixi (1991-2020)” çoxcildliyinin humanitar və ictimai elmlər sahəsində çalışan alimlərimizin sanballı elmi araşdırmaları əsasında vaxtında və keyfiyyətlə işıq üzü görəcəyinə əminliyini bildirib.
AMEA-nın birinci vitse-prezidenti, akademik İsa Həbibbəyli çoxcildliyin yazılıb hazırlanması ilə bağlı qarşıda duran vəzifələr barədə danışıb, nəzərdə tutulan istiqamətlər, hər bir fəsil üzrə işlənəcək mövzular və müəlliflər heyəti haqqında ətraflı şərhlərini diqqətə çatdırıb.
Müşavirədə Tarix İnstitutunun direktoru, akademik Yaqub Mahmudov, İqtisadiyyat İnstitutunun direktoru, professor Nazim İmanov, Fəlsəfə İnstitutunun direktor müavini, professor Eynulla Mədətli, Azərbaycan Respublikasının Prezidenti yanında Dövlət İdarəçilik Akademiyasının kafedra müdiri, professor Əli Həsənov və başqaları müzakirə aparılan mövzu üzrə fikir və mülahizələrini bildirib, tapşırılan işləri vaxtında və keyfiyyətlə yerinə yetirəcəklərini qeyd ediblər.
Sonda akademik Ramiz Mehdiyev “İstiqlal salnaməsi: Azərbaycan Respublikasının müstəqillik tarixi (1991-2020)” çoxcildliyinin müəlliflər kollektivinə müvafiq tövsiyə və tapşırıqlarını verib.

Paylaş:

Baxılıb: 1280 dəfə