Vətəndaş məsuliyyəti COVID-19 pandemiyası ilə mübarizədə həlledici amildir

Bakı:

25 °C

67 %

4 m/s

Əlaqə

AZ RU EN

Ana səhifə / Sosial / Vətəndaş məsuliyyəti COVID-19 pandemiyası ilə mübarizədə həlledici amildir

Vətəndaş məsuliyyəti COVID-19 pandemiyası ilə mübarizədə həlledici amildir

25.09.2020 [08:33]

Ekspertlərin fikrincə, yeni növ koronaviruas infeksiyanın ölkə ərazisində geniş yayılmaması üçün hər bir şəxs müəyyən olunmuş qaydalara riayət etməlidir
Dünya miqyasında koronavirus pandemiyasının yenidən aktivləşəcəyi barədə səslənən proqnozlar artıq təsdiqlənməkdədir. Belə ki, hətta yoluxmanın az olduğu ölkələrdə belə statistik rəqəmlər artmaqdadır və bu da həmin dövlətlərin koronavirusla mübarizə çərçivəsində yeni sərt tədbirlər görməsinə yol açır. Bildirmək lazımdır ki, ölkəmizdə COVİD-19 infeksiyasına qarşı aparılan effektiv tədbirlər pandemiyanın yayılma miqyasını azaltmaqla yanaşı, ölüm hallarının sayının da az olmasını şərtləndirib. Məhz bu səbəbdəndir ki, Nazirlər Kabineti sentyabr ayının əvvəlində bir sıra yumşalmalarla bağlı qərar imzaladı. Bu yumşalmalar isə vətəndaşlarda əlavə məsuliyyət yaratmalı, santir-gigiyenik qaydalara daha çox riayət olunmalıdır. Əks halda payız-qış mövsümündə respirator xəstəliklərlə paralel olaraq COVİD-19-a yoluxmanın sayında yenidən artım yarana bilər.
Milli Məclisin üzvü Ramin Məmmədov bildirib ki, ölkəmizdə pandemiya ilə əlaqədar məsələlər ciddi nəzarətdə saxlanılır və virusun geniş yayılmasının qarşısını almaq, insanların həyatını maksimum şəkildə qorumaq üçün zəruri, effektiv tədbirlər davam etdirilir. Millət vəkili qeyd edib ki, payızda koronavirus pandemiyasının yenidən aktivləşəcəyi haqda səslənən proqnozlar, təəssüf ki, təsdiqlənir. Onun sözlərinə görə, təhlükəli virusun ram edilməsi, lokallaşdırılması, nəzarət altına alınması elə də asan məsələ deyil: “Təhsilin başlanması, o cümlədən şəhər və rayonlararası gediş-gəlişin bərpası qaydalara daha ciddi riayət olunmasını qaçılmaz edir. Sərt karantin rejimində məhdudiyyətlər aradan qaldırılsa da, arxayınlaşmaq hələ tezdir. Bir balaca laqeydlik, məsuliyyətsizlik çəkilən bu qədər zəhmətin hədər getməsinə, yoluxma sayının daha da artmasına səbəb ola bilər. Operativ Qərargah tərəfindən karantin qaydalarında yumşalmalar vətəndaşlarımızı arxayınlaşdırmamalıdır. Unutmayaq ki, dövlət tərəfindən atılan bütün lazımi addımlar vətəndaşların təhlükəsizliyinin təmin edilməsinə, hər bir sakinin sağlamlığının qorunmasına hesablanıb”.
Azərbaycan Həkimləri İctimai Birliyinin həmtəsisçisi, radioloq-həkim Aydın Əliyev isə KİV-ə açıqlamasında bildirib ki, Azərbaycan koronavirusla mübarizədə təcrübə qazanıb. Bu baxımdan, kəskin yoluxma halı qeydə alınarsa belə dərhal qarşısı alınacaq: “Ən sərt karantin rejimindən tutmuş yumşalmalara qədər bizim artıq təcrübəmiz var. Yoluxma sayında hər hansı bir atım olacağı təqdirdə müəyyən karantin rejimləri və izolyasiya qaydaları vasitəsilə bunun qarışısın almaq mümkündür və qısa müddətdə artan yoluxma hallarının sayı azalacaq. Bu gün yoluxma sayı artan ölkələrdə bizdəki qədər təcrübə yoxdur. Düzdür, o ölkələrdə yoluxma sayları əhali sayına görə bizdən daha çox olmuşdu. Amma bizdə də gündəlik təxminən 600 civarında yoluxma qeydə alınmışdı. Biz bu rəqəmləri azalda bildik. Təbii ki, ən əsas şərt vətəndaşların məsuliyyətli olması, ehtiyatı əldən verməməkdir. Hər bir kəs sanitar-gigiyenik qaydalara riayət etməldidir. Belə olacağı təqdirdə, çoxsaylı yoluxmalar da qeydə alınmayacaq”.
Pərviz SADAYOĞLU

Paylaş:

Baxılıb: 536 dəfə