Səbuhi Abbasov: Cəmiyyətimizin bütün təbəqələri torpaqlarımızın azad edilməsi uğrunda mübarizədə Ali Baş Komandanı dəstəkləyir

Bakı:

24 °C

65 %

3 m/s

AZ RU EN

Ana səhifə / Sosial / Səbuhi Abbasov: Cəmiyyətimizin bütün təbəqələri torpaqlarımızın azad edilməsi uğrunda mübarizədə Ali Baş Komandanı dəstəkləyir

Səbuhi Abbasov: Cəmiyyətimizin bütün təbəqələri torpaqlarımızın azad edilməsi uğrunda mübarizədə Ali Baş Komandanı dəstəkləyir

06.10.2020 [09:36]

“Ermənistan silahlı qüvvələrinin növbəti hərbi təxribatına cavab olaraq Azərbaycan Ordusunun əks-hücum əməliyyatına başlaması ölkə vətəndaşları tərəfindən böyük ruh yüksəkliyi ilə qarşılanıb. Silahlı Qüvvələrimizin Ali Baş Komandanı İlham Əliyevin yürütdüyü qətiyyətli siyasət nəticəsində torpaqlarımızın bir hissəsinin düşməndən azad edilməsi Azərbaycan xalqının illərdir həsrətlə gözlədiyi addımın təcəssümüdür”.
Bu fikirləri qəzetimizə açıqlamasında Azərbaycan-Slavyan Gəncləri Assosiasiyası İctimai Birliyinin sədri Səbuhi Abbasov deyib.
Onun sözlərinə görə, münaqişənin həlli ilə bağlı aparılan danışıqlar prosesində Ermənistan tərəfi daim vaxt uzatmaqla status-kvonu saxlamağa çalışıb: “Təbii ki, Ali Baş Komandanımız İlham Əliyevin dediyi kimi, bu prosesin daha 30 il davam etməsi mümkün deyildi. Çünki Azərbaycan xalqının səbri də tükənməz deyil. Digər tərəfdən, dövlət başçısının xalqımıza son müraciətində xüsusi vurğuladığı kimi, Ermənistan tərəfi, o cümlədən işğalçı dövlətin yeni hakimiyyəti sülh danışıqlarını konstruktiv məcraya yönəltəmək əvəzinə xalqımıza, dövlətimizə qarşı qəbuledilməz addımlara yol verdi. Qarşı tərəf elə zənn edirdi ki, Azərbaycan bunun qarşısında yenə də səbr nümayiş etdirəcək. Amma hər şeyin həddi var və bu gün Ali Baş Komandanın qətiyyəti nəticəsində Azərbaycan Ordusu tərəfindən işğalçılara layiqli cavab verilir”.
S.Abbasov onu da deyib ki, əksər siyasi partiyalar, cəmiyyətimizin bütün təbəqələri torpaqlarımızın azad edilməsi uğrunda mübarizədə Ali Baş Komandanı dəstəkləyir: “Prezident İlham Əliyevin son illərdə apardığı islahatlar kursuna uyğun olaraq ölkədə fəaliyyət göstərən siyasi qüvvələrlə, həmçinin qeyri-hökumət təşkilatları ilə dialoqun genişləndirilməsi milli həmrəyliyin gücləndirilməsinə mühüm töhfə olub. Ümumiyyətlə, indiki məqamda siyasi partiya, vətəndaş cəmiyyəti institutları təmsilçilərinin yekdillik nümayiş etdirməsi də həmin islahatların nəticəsidir. İlk gündən 50 siyasi partiyanın Ali Baş Komandanı dəstəkləyən bəyanat verməsi, okyabrın 3-də videoformatda keçirilən görüşdə həmin partiyalar tərəfindən bu dəstəyin bir daha ifadə edilməsi böyük siyasi əhəmiyyətə malikdir”.
Qaşqay

Paylaş:

Baxılıb: 526 dəfə