Səbuhi Abbasov: Ali Baş Komandan İlham Əliyevin qətiyyətli mövqeyi xalqın iradəsini əks etdirir

Bakı:

15 °C

94 %

1 m/s

Əlaqə

AZ RU EN

Ana səhifə / Sosial / Səbuhi Abbasov: Ali Baş Komandan İlham Əliyevin qətiyyətli mövqeyi xalqın iradəsini əks etdirir

Səbuhi Abbasov: Ali Baş Komandan İlham Əliyevin qətiyyətli mövqeyi xalqın iradəsini əks etdirir

15.10.2020 [08:50]

“Sentyabrın 27-dən başlayaraq ermənilərin cəbhə xəttində törətdikləri hərbi təxribatlara qarşı aparılan əks-həmlə əməliyyatları nəticəsində işğal altındakı bir sıra ərazilərimizin azad edilməsi Azərbaycan cəmiyyətində böyük ruh yüksəkliyi yaradıb. İstər xalq olaraq nümayiş etdirdiyimiz milli birlik, istər siyasi palitranın ortaya qoyduğu həmrəylik, istərsə də ölkəmizdə fəaliyyət göstərən qeyri-hökumət təşkilatlarının vahid mövqedən çıxış etməsi bir daha düşmənə qarşı gücümüzün səfərbər olunduğunu deməyə əsas verir. Bu gün hər bir kəs təmsil olunduğu plaftformada ölkəmizin haqq mübarizəsinə öz dəstəyini göstərməlidir. Bütün səylər qələbənin yaxınlaşmasında böyük əhəmiyyət daşıyır”.
Bunu “Yeni Azərbaycan” qəzetinə açıqlamasında “Azərbaycan-Slavyan Gəncləri Assosasiyası” İctimai Birliyinin sədri Səbuhi Abbasov deyib. Onun sözlərinə görə, ölkə Prezidenti, Silahlı Qüvvələrin Ali Baş Komandanı İlham Əliyevin qətiyyətli mövqeyi xalqın iradəsini əks etdirir. Erməni tərəfinin Gəncə, Mingəçevir, Ağdam, Tərtər və başqa ərazilərimizdə dinc əhalini hədəfə almasının düşmən ölkənin heç bir müharibə qanununa, beynəlxalq konvensiyalara riayət etmədiyini bir daha təsdiqlədiyini deyən S.Abbasov vurğulayıb ki, beynəlxalq ictimaiyyət öz ərazi bütövlüyü uğrunda mübarizə aparan Azərbaycana qarşı deyil, işğalçı, günahsız insanları qətlə yetirən, müharibə zonasından kənarda yaşayan dinc əhaliyə qarşı soyqırımı həyata keçirən Ermənistana qarşı təzyiqlər göstərməlidir.
“Gəncə şəhərinə edilən raket hücumu mənfur ölkənin öz işğalçı siyasətindən əl çəkmədiyinin göstəricisidir. Oraya səfər edən diplomatik korpusların nümayəndələri hər şeyi öz gözləri ilə gördülər. Bu, bir daha işğalçını öz adı ilə çağırmaq zərurətini şərtləndirir. Bütün dünya anlamalıdır ki, bu gün Azərbaycan xalqı vahid bir mövqedədir. Torpaqlarımız işğaldan azad edilməli, 30 ildir ki, öz doğma yurd-yuvalarından didərgin düşmüş vətəndaşlarımız öz torpaqlarına geri dönməlidirlər. Azərbaycan Prezidenti xarici KİV-lərə müsahibələrində də xüsusi olaraq vurğulayıb ki, ölkəmizin ərazi bütövlüyü danışıqlar predmeti ola bilməz. İnanırıq ki, ordumuzun, Ali Baş Komandanımızın, bütövlükdə cəmiyyətimizin bu istiqamətdə göstərdiyi səylər yaxın zamanda öz bəhrəsini verəcək və işğal altındakı Azərbaycan torpaqları öz azadlığına qovuşacaq”, - deyə S.Abbasov əlavə edib.
PƏRVİZ

Paylaş:

Baxılıb: 494 dəfə