Uşaqları “Tik Tok”dan necə uzaqlaşdırmaq olar?

Bakı:

23 °C

68 %

12 m/s

Əlaqə

AZ RU EN

Ana səhifə / Sosial / Uşaqları “Tik Tok”dan necə uzaqlaşdırmaq olar?

Uşaqları “Tik Tok”dan necə uzaqlaşdırmaq olar?

11.10.2023 [15:43]

M.BAYRAMLI

Heç özünüzə sual vermisiniz, Çin özünün yaratdığı “TikTok”dan uşaqlarını niyə qoruyur? Niyə ölkədə giriş istifadəçilərə məhdudiyyətlər qoyulur? Böyüklər 22:00-dan sonra sözügedən platformaya niyə daxil ola bilmirlər?
Hazırda 689 milyon aktiv istifadəçisi olan və ölkəmizdə də populyarlığını günü-gündən artıran TikTok sosial media tətbiqi ilə bağlı hər gün tükürpərdici xəbərlər yayılır. Mütəxəssislər TikTok tətbiqinin zorakılıq, seksuallıq, narahatedici çılpaqlıq, narkotik istifadəsini təşviq edən, kiber təqib və cinsi sui-istifadə kimi hallarda təşviqedici rol oynadığını vurğulayırlar. Eləcə də son zamanlar terrorizm və terror təşkilatları üçün təbliğat kanalına çevrildiyini bildirirlər. Tətbiqdə canlı yayım məzmununa xüsusi diqqət çəkən ekspertlər uşaqların pul qazanmaq üçün bəzi xoşagəlməz davranış nümunələri göstərə və milli-mənəvi və əxlaqi dəyərlərə məhəl qoymadıqlarını bildiriblər. Qeyd olunub ki, müəyyən filtrlər sayəsində valideynlər uşaqlarını bəzi zərərli məzmunlardan uzaqlaşdıra, həm də tanımadıqları insanlardan mənfi şərhlər almalarının və psixoloji zorakılığa məruz qalmalarının qarşısını ala bilərlər. Eləcə də uşaqlarının hər kəsi izləməsinin qarşısını almaq üçün ekran vaxtının idarə edilməsindən TikTok-da keçirdikləri vaxtı məhdudlaşdıra bilərlər. Yəni, uşaqları proqramları silməyə məcbur etmək və ya telefonlarını müsadirə etmək düzgün həll yolu kimi görünmür. Bunun əvəzinə tətbiqdəki məzmuna daha dəqiq nəzarət edilməli və şəxsi məlumatların və uşaqların daha təhlükəsiz sosial media təcrübəsinə malik olmasını təmin etmək üçün addımlar atılmalıdır.
Ölkəmizdə vəziyyət necədir?
Məlum olduğu kimi, sentyabrın 19-dan etibarən Azərbaycanda “Tiktok”a giriş məhdudlaşdırılıb. Artıq bir aya yaxın vaxt keçməsinə baxmayaraq, sosial platformanın istifadəsinə qoyulan qadağa aradan götürülməyib. Yaranmış vəziyyət ölkəmizdə on minlərlə “Tiktok” istifadəçini narahat etsə də, bu qərardan şad olanlar da az deyil. Xüsusilə də, valideynlər... Görəsən, platformaya giriş yenidən təmin olunacaq? Yoxsa bu “bəla” ilə əbədi vidalaşmışıq. Azərbaycan Respublikasının Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidmətində mətbuata verilən məlumata görə, hazırda “Tiktok”a giriş məhdudiyyəti ilə bağlı tətbiq edilən qərar qüvvədədir. Qərarda hər hansı bir dəyişiklik yoxdur. Dəyişiklik olduğu təqdirdə ictimaiyyətə məlumat veriləcək.

Paylaş:

Baxılıb: 629 dəfə