“Borsa İtaliana”: Azərbaycan Avropa üçün getdikcə daha önəmli tərəfdaşa çevrilir

Bakı:

26 °C

67 %

4 m/s

Əlaqə

AZ RU EN

Ana səhifə / Xarici siyasət / “Borsa İtaliana”: Azərbaycan Avropa üçün getdikcə daha önəmli tərəfdaşa çevrilir

“Borsa İtaliana”: Azərbaycan Avropa üçün getdikcə daha önəmli tərəfdaşa çevrilir

02.08.2014 [11:32]

İtaliyanın “Borsa İtaliana” saytında Azərbaycan-İtaliya münasibətlərinin son durumunun təhlil olunduğu yazılar yerləşdirilib.
Məqalələrdə bildirilir ki, İtaliya hökuməti Azərbaycan ilə əlaqələri strateji tərəfdaşlıq səviyyəsinə yüksəltməyə qərar verib. Münasibətlərin siyasi və iqtisadi sahələrdə bu cür sürətli inkişafı enerji, infrastruktur, sənaye, turizm, İKT və digər sektorlarda qarşılıqlı əməkdaşlıq üçün geniş imkanlar yaradır: “Bütün bunlar Azərbaycan Prezidentinin cari ildə İtaliyaya rəsmi səfərinin məntiqi nəticəsidir. Reallıq budur ki, Azərbaycan Avropa, o cümlədən İtaliya üçün getdikcə daha önəmli tərəfdaşa çevrilir”.
Məqalələrdə vurğulanır ki, Azərbaycan multikulturalizm ənənələrinin mövcud olduğu və Mərkəzi Asiyada, Qafqazda ekstremist hərəkatların genişlənməsinə qarşı mübarizənin geniş vüsət aldığı bir ölkədir. Bu baxımdan İtaliya ilə müvafiq istiqamətlərdə birgə təşəbbüslərin həyata keçirilməsi nəzərdə tutulur.
Portal Azərbaycan və İtaliya arasında əlaqələrdə digər vacib məqam kimi TAP layihəsini qeyd edir. “Şübhəsiz, gələcək aylarda da bu layihənin icrası iki ölkə arasında dialoqun əsas mövzusu olacaq. Hazırda enerji məsələsi Avropa, o cümlədən İtaliya üçün böyük əhəmiyyət kəsb edir. Çünki Avropanın enerji təminatının şaxələndirilməsi zərurəti yaranıb”.
Ermənistan-Azərbaycan münaqişəsinə toxunulan yazılarda bildirilir ki, Dağlıq Qarabağ ermənilər tərəfindən işğal olunmuş Azərbaycan ərazisidir. Bu ərazi ətraf yeddi rayonla birgə 20 ildən artıqdır Ermənistanın işğalı altındadır. Münaqişə nəticəsində bir milyondan çox azərbaycanlı qaçqın və məcburi köçkün halına düşüb. Rəsmi Yerevan bir çox nüfuzlu beynəlxalq təşkilatların erməni silahlı qüvvələrinin işğal olunmuş Azərbaycan ərazilərindən çıxarılmasına dair sənədlərinə məhəl qoymur. Azərbaycan Prezidenti İlham Əliyev və İtaliyanın Baş naziri Matteo Renzi tərəfindən qəbul edilən “Azərbaycan Respublikası ilə İtaliya Respublikası arasında strateji tərəfdaşlıq haqqında Birgə Bəyannamə”də məhz Dağlıq Qarabağ ilə bağlı məqam da yer alır. İtaliya münaqişənin Azərbaycanın ərazi bütövlüyü çərçivəsində həllini dəstəkləyir.
Oxucuların diqqətinə çatdırılır ki, Romada dünyanın ən önəmli arxeologiya komplekslərindən biri olan Aleksandria ərazisində qazıntıların aparılmasına Azərbaycan tərəfindən maddi yardım göstərilməsi ilə bağlı sənədin imzalanması İtaliya rəsmiləri tərəfindən yüksək qiymətləndirilir. Bu addım ölkələrimiz arasında mədəni sahədə mövcud olan geniş əməkdaşlığın göstəricisidir.

Paylaş:

Baxılıb: 1745 dəfə