Milli Mətbuat günü qeyd edilib

Bakı:

15 °C

94 %

0 m/s

Əlaqə

AZ RU EN

Ana səhifə / YAP xəbərləri / Milli Mətbuat günü qeyd edilib

Milli Mətbuat günü qeyd edilib

23.07.2024 [11:22]

2024-cü il İyulun 22-də Lökbatan Tibb Mərkəzində Azərbaycanda milli mətbuatın yaranmasının 149-cu ildönümünə həsr olunmuş tədbir keçirilıib.

Tədbirdə Yeni Azərbaycan Partiyası Qaradağ rayon təşkilatının sədri Qafar Əliyev, Lökbatan Tibb Mərkəzinin direktoru, professor Elçin Hüseynov, mərkəzin əməkdşalrı iştirak ediblər.

Əvvəlcə Ulu öndər Heydər Əliyevin və Azərbaycanın ərazi bütövlüyü uğrunda canlarından keçən şəhidlərimizin, o cümlədən şəhid jurnalistlərin əziz xatirəsi bir dəqiqəlik sükutla anılıb.

Tədbiri giriş sözü ilə açan Tibb Mərkəzinin direktoru, professor Elçin Hüseynov Milli mətbuatımızın yaranmasından 149 il ötdüyünü bildirb və müsair mətbuatımızın formalaşmasında Ümummilli lider Heydər Əliyevin xidmnətlərindən bəhs edib.

Tədbirdə çıxış edən YAP Qaradağ rayon təşkilatının sədri Qafar Əliyev bildirib ki, 149 illik tarixi olan Azərbaycan milli mətbuatı özünəməxsus ənənələr yaradıb. Mətbuatımızın yaradıcısı Həsən bəy Zərdabidən başlayaraq, günümüzə qədər böyük qələm ustaları milli təfəkkürün inkişafı üçün misilsiz xidmətlər göstərərək xalqımızın maariflənməsinə böyük töhfələr veriblər. Ümummilli lider Heydər Əliyev demokratik dövlət quruculuğu prosesində kütləvi informasiya vasitələrinin rolunu daim yüksək qiymətləndirərək, Azərbaycanda senzuranın ləğvi və bir sıra digər sərəncamlarla milli mətbuatın inkişafına böyük dəstək göstərib. YAP rayon təşkilatının sədri bildirdi ki, Ulu öndər Heydər Əliyevin siyasi iradəsi və səyləri nəticəsində mətbuata, söz azadlığına qoyulan bütün süni maneələr aradan qaldırılıb, kütləvi informasiya vasitələrinin işini tənzimləyən, beynəlxalq standartlara uyğun qanunvericilik bazasının formalaşmasına dəstək verən “KİV haqqında Qanun” təsdiq olunub. Bu gün Prezident İlham Əliyev tərəfinən milli mətbuatın inkişafına xüsusi qayğı göstərildiyini vurğulayan Qafar Əliyev bu diqqət və qayğı nəticəsində mətbuatın maddi-texniki bazasının gücləndirildiyini, Bu sahədə çalışan insanların sosial vəziyyətinin yaxşılaşdırılması istiqamətində mühüm tədbirlərin həyata keçirildiyini qeyd edib.

Tədbirdə digər çıxış edənlər 44 günlük Vətən müharibəsində Azərbaycanın Müzəffər Ali Baş Komandan İlham Əliyevin rəhbərliyi, qalib Ordumuzun rəşadətini, xalq-ordu birliyini, eyni zamanda ölkə rəhbərinin apardığı daxili və xarici siyasətin mətbuat nümayəndələri tərəfindən dəstəklənməsini xüsusi qeyd etdilər.

Tədbirin sonunda Lökbatan Tibb Mərkəzinin mətbuat xidmətinin rəhbəri Gül Qədirliyə YAP Qaradağ rayon təşkilatının təşəkkürnaməsi və çiçək təqdim olundu.

Paylaş:

Baxılıb: 567 dəfə