Azərbaycan qadınları tariximizə parlaq səhifələr yazıb

Bakı:

23 °C

94 %

1 m/s

Əlaqə

AZ RU EN

Ana səhifə / YAP xəbərləri / Azərbaycan qadınları tariximizə parlaq səhifələr yazıb

Azərbaycan qadınları tariximizə parlaq səhifələr yazıb

06.03.2025 [20:11]

Anar Nəbiyev,

YAP Qazax rayon təşkilatının sədri

Ölkəmizdə dövlət qadın siyasətinin başlıca prinsipləri çoxəsrlik zəmin üzərində formalaşıb. Azərbaycan qadınları Şərqin ilk demokratik respublikası olan Azərbaycan Xalq Cümhuriyyəti dövründə seçib-seçilmək hüququ qazanaraq ölkəmizin ictimai-siyasi həyatında yaxından iştirak etməyə başlamışlar. Ölkəmizdə qadınların hüquqlarının qorunması, onların ictimai fəallığının artırılması dövlət siyasətinin əsasını təşkil edir. Əsası Ulu Öndər Heydər Əliyev tərəfindən qoyulan dövlət-qadın, gender bərabərliyi siyasəti bu gün dövlət başçısı İlham Əliyev tərəfindən yeni meyarlarla zənginləşdirilərək yüksək səviyyədə davam etdirilir. 1998-ci il sentyabrın 25-də keçirilmiş Azərbaycan qadınlarının ilk qurultayı dövlət qadın siyasətinin tarixində mühüm hadisədir. Respublikada cərəyan edən mürəkkəb ictimai-siyasi proseslərin gedişində Azərbaycan qadınlarının daim milli dövlətçilik mövqeyindən çıxış etdiklərini nümayiş etdirən qurultayda mühüm məsələlər müzakirə olunmuşdur. 1998-ci ildən etibarən hər beş ildən bir Azərbaycan qadınlarının qurultayları keçirilir. Bu qurultaylar dövlət qadın siyasəti sahəsində ən əlamətdar və böyük hadisələrdən biri kimi qiymətləndirilir.

Cənab İlham Əliyevin rəhbərliyi ilə yeni siyasi və iqtisadi sistemlə sürətlə inkişaf edərək bölgənin lider dövlətinə çevrilmiş Azərbaycan gender siyasətinin reallaşdırılması məsələsində yeniliklərə imza atmışdır. Qadın hüquqlarının müdafiəsi, onlar üçün yaradılan bütün imkanların genişləndirilməsi Prezident İlham Əliyevin dövlət siyasətində müəyyən etdiyi prioritet istiqamətlərdəndir. 2006-cı ildə qadınlarla bağlı işlərin daha mütəşəkkil və ardıcıl şəkildə aparılması, ictimai həyatın bütün sahələrində bərabər hüquqların təmin olunması sahəsində hüquqi bazanın təkmilləşdirilməsi üçün 2006-cı ildə “Gender bərabərliyinin təminatları haqqında”, 2010-cu ildə “Məişət zorakılığının qarşısının alınması haqqında” Azərbaycan Respublikasının qanunları qəbul olunmuşdur. Bu qanunların qəbul edilməsi insanların təfəkküründə yeni düşüncə tərzinin formalaşmasına təkan verərək bir çox stereotiplərin qırılmasına səbəb olmuşdur.

Dövlətimizin başçısı İlham Əliyevin 8 Mart - Beynəlxalq Qadınlar Günü münasibətilə təbrikində daim bu mühüm məqam xüsusi qeyd edilir ki, gözəlliyi, zərifliyi və nəcibliyi ilə seçilən Azərbaycan qadınları həmçinin hünər və igidlik göstərərək tariximizə parlaq səhifələr yazmışlar. Onlar taleyüklü bütün sınaq anlarında həmişə cəmiyyətimizə əsl mənəvi dayaq olmuş, 44 günlük Vətən müharibəsindəki fədakarlıqları ilə bu gerçəkliyi bir daha sübuta yetirmişlər.

Azərbaycanın Birinci vitse-prezidenti, Heydər Əliyev Fondunun prezidenti Mehriban xanım Əliyevanın fəaliyyəti Azərbaycan qadınlarına nümunədir. Mehriban Əliyevanın hərtərəfli parlaq fəaliyyəti, xeyirxahlıq missiyası, tariximizin, milli-mənəvi dəyərlərimizin, mədəniyyətimizin bütün dünyada təbliği istiqamətində gördüyü işlər əsl örnəkdir. Ümummilli Lider Heydər Əliyev irsinin təbliği missiyasını yerinə yetirən Heydər Əliyev Fondunun həyata keçirdiyi mühüm layihələr Azərbaycanın ayrı-ayrı sahələrdə davamlı inkişafına böyük töhfədir.

Kiçik dövlət olan ailədə qadının rolu böyükdür. Uşaqların vətənpərvərlik ruhunda tərbiyəsi istiqamətində göstərdikləri səylər daim diqqətdədir. 44 günlük İkinci Qarabağ müharubəsində canları, qanları ilə Zəfər tarixini yazan Vətən övladlarının qəhrəmanlığı, şücaəti bunun bariz nümunəsidir. Onların hər biri yazdıqları qəhəmanlıq dastanı ilə bir daha sübut etdilər ki, torpaq, əgər uğrunda ölən varsa Vətəndir. Belə vətənpərvər, torpağa, Vətənə bağlılıq ruhunda övlad yetişdirən anaların qarşısında baş əyirik.

Qalib, bütövləşən Azərbaycan bu gün həyatının yeni dövrünü yaşayır. Hər kəs ərazi bütövlüyü və suverenliyi tam bərpa olunan qalib Azərbaycanın vətəndaşı olduğu üçün qürurludur. Dövlətimizin başçısı İlham Əliyev belə bir əminliyi ifadə edir ki, Azərbaycan qadınları gənc nəslin Vətənə, milli ideallarımızın təcəssümü olan dövlətçiliyimizə sədaqət ruhunda yetişməsini bundan sonra da xüsusi diqqətdə saxlayacaq, cəmiyyətin yüksəlişinə ahəngdarlıq qazandıran dolğun sosial-mədəni fəaliyyətləri ilə parlaq gələcəyimiz naminə quruculuq işlərində yaxından iştirak edəcəklər.

Paylaş:

Baxılıb: 515 dəfə