Münasibətlərdə yeni müsbət təkan

Bakı:

21 °C

78 %

7 m/s

Əlaqə

AZ RU EN

Ana səhifə / YAP xəbərləri / Münasibətlərdə yeni müsbət təkan

Münasibətlərdə yeni müsbət təkan

04.04.2025 [18:27]

Sahib Şükürov,

YAP Göyçay rayon təşkilatının sədri

Aprelin 2-də Azərbaycan Respublikasının Prezidenti İlham Əliyev ölkəmizdə rəsmi səfərdə olan Almaniya Federativ Respublikasının Prezidenti Frank-Valter Ştaynmayerlə mətbuata bəyanatlarla çıxış ediblər.

Dövlət başçımız çıxışında həm təkbətək görüşdə söhbət əsnasında, həm də nümayəndə heyətlərinin iştirakı ilə aparılan danışıqlarda Almaniya-Azərbaycan əlaqələrinin gələcək inkişafının müzakirə edildiyini bildirib. Bu səfərin iki ölkə arasındakı münasibətlərə yeni müsbət təkan verəcəyinə əminliyini ifadə edib.

“İqtisadi sahədə əldə edilmiş nəticələr bizi təbii olaraq ruhlandırır. Çünki bu ilin yanvar-fevral aylarında bizim ticarət dövriyyəmiz təxminən üç dəfə artıb”- deyən ölkə başçısı bunun əsas səbəbinin Azərbaycandan Almaniyaya ixrac edilən xam neftin həcminin artması olduğunu vurğulayıb.

Prezident İlham Əliyev onu da qeyd edib ki, gələcək illərdə öz ticarət dövriyyəmizin şaxələndirilməsi ilə bağlı daha fəal addımlar atmalıyıq, xüsusilə bərpaolunan enerji sahəsində - harada ki, Almaniya şirkətlərinin çox böyük təcrübəsi var, Azərbaycanın da çox böyük proqramı, planları var. “Biz xarici investorların sərmayəsi hesabına 2030-cu ilə qədər bərpaolunan enerji növlərinin istehsal gücünü 6 giqavata çatdırmaq fikrindəyik və bu, tam realdır, bunun bir hissəsi Avropaya ixrac ediləcəkdir”- deyə ölkə başçısı əlavə edib.

Çıxışında dövlət başçısı Azərbaycanın 2024-cü ildə COP29 beynəlxalq iqlim konfransına ev sahibliyi etdiyini, bu istiqamət üzrə də ölkəmizin Almaniya ilə çox fəal əməkdaşlığı olduğunu bildirib. Ölkə başçısı onu da qeyd edib ki, COP29-da 197 ölkəni təmsil edən 77 mindən çox iştirakçı qeydiyyatdan keçmişdir və bu konfrans böyük, uğurlu nəticələrlə zəngin idi. İştirak etməyən yeganə ölkə Ermənistan olmuşdur.

Prezident İlham Əliyev Bəyanatında bir daha mövcud reallıqları , Azərbaycanın 30 il ərzində erməni işğalından əziyyət çəkdiyini, xalqımızın etnik təmizləməyə məruz qaldığını, bir milyon azərbaycanlının erməni aqressiyasına görə evsiz-eşiksiz qaldığını və torpaqlarımızın təxminən 20 faizi işğal altına düşdüyünü diqqətə çatdırıb. Dövlət başçısı təəssüf hissi ilə beynəlxalq təşkilatların bu məsələ ilə bağlı ciddi addım atmadığını qeyd edib. Azərbaycanın bu münaqişəni və beynəlxalq hüququ özü döyüş meydanında və siyasi müstəvidə həll etdiyini, məhz bu tarixi Zəfərimizin sülh danışıqlarına yol açdığını vurğulayıb. Ölkə başçısı bildirib ki, bu gün Azərbaycan və Ermənistanın sülhün əldə edilməsinə dair mövqeləri bir-birinə kifayət qədər yaxınlaşıb.

Prezident İlham Əliyev sualları cavablandırarkən İkinci Qarabağ müharibəsi başa çatandan sonra məhz Azərbaycanın və şəxsən özünün sülh danışıqlarının başlanmasının təşəbbüskarı olduğunu diqqətə çatdırıb. Azərbaycanın 5 əsas prinsip irəli sürdüyünü və bu prinsiplər əsasında müzakirələrə start verildiyini bildirib. “Danışıqların əsas maneəsi ondan ibarət idi ki, 2024-cü ilin yanvar ayına qədər Ermənistan təkidlə sülh müqaviləsinə dırnaqarası Dağlıq Qarabağ respublikasının taleyini salmaq istəyirdi. Biz isə buna qəti etiraz edirdik. Çünki “Dağlıq Qarabağ” adlı respublika yoxdur. Bu, ancaq Ermənistanın xülyalarında mövcud olub. Azərbaycanın Qarabağ bölgəsi mövcuddur. Bu, bizim daxili işimiz olduğu üçün biz təbii ki, dövlətlərarası müqaviləyə belə bir bəndin salınmasına heç vaxt razı ola bilməzdik”- deyə Prezident İlham Əliyev əlavə edib.

Paylaş:

Baxılıb: 364 dəfə