Enerji siyasəti - iqtisadi və siyasi uğurun aparıcı qüvvəsi kimi

Bakı:

22 °C

64 %

8 m/s

Əlaqə

AZ RU EN

Ana səhifə / YAP xəbərləri / Enerji siyasəti - iqtisadi və siyasi uğurun aparıcı qüvvəsi kimi

Enerji siyasəti - iqtisadi və siyasi uğurun aparıcı qüvvəsi kimi

04.06.2025 [23:12]

Prezident İlham Əliyev iyunun 2-də Bakı Ekspo Mərkəzində Bakı Enerji Həftəsi çərçivəsində keçirilən 30-cu Yubiley Beynəlxalq Xəzər Neft və Qaz Sərgisi “Caspian Oil and Gas”, 13-cü Xəzər Beynəlxalq Energetika və Yaşıl Enerji Sərgisi “Caspian Power” və 30-cu Yubiley “Baku Energy Forum”un rəsmi açılış mərasimində iştirak edib.

Dövlətimizin başçısı mərasimdə çıxış edərək , ilk neft-qaz sərgisinin 1994-cü ildə təşkil edildiyini, həmin sərgidən dərhal sonra Azərbaycan beynəlxalq neft şirkətləri konsorsiumu ilə sonralar “Əsrin müqaviləsi” adlandırılan, regionda bütün geosiyasi və geoiqtisadi vəziyyəti dəyişdirən sazişi imzaladığını diqqətə çatdırıb. Bunların Prezident Heydər Əliyevin baxışı sayəsində mümkün olduğunu vurğulayan dövlətimizin başçısı qeyd edib ki, Ulu öndər , aydın şəkildə anlayırdı ki, xüsusilə də enerji sahəsində geniş beynəlxalq əməkdaşlıq olmadan - nəzərə alsaq ki, o zaman bizim iqtisadiyyatımızın ən cəlbedici sahəsi məhz enerji idi, Azərbaycan çətinliklərin öhdəsindən gələ bilməyəcək və həqiqi müstəqil dövlət ola bilməyəcək.

Müstəqilliyin ilk illərindəki çətinliklərdən bəhs edən dövlət başçısı, o zaman müəyyən obyektiv səbəbdən Azərbaycanın xarici investorlar üçün riskli ölkə hesab edilirdiyini, iqtisadiyyatın iflic vəziyyətində olduğunu, inflyasiyanın 1000 faizlə ölçülürdüyünü və yoxsulluğun hökm sürdüyünü, bununla yanaşı, ərazilərimizin Ermənistan tərəfindən işğalı nəticəsində 100 minlərlə azərbaycanlı etnik təmizləməyə məruz qaldığını diqqətə çatdırıb.

“Bu gün isə onu görürük ki, bizim enerji siyasətimiz iqtisadi və siyasi uğurumuzun aparıcı qüvvəsidir”, - deyən Prezident İlham Əliyev hal-hazırda Azərbaycanın sabit siyasi sistemə və inkişaf etməkdə olan iqtisadiyyata malik ölkə olduğunu söyləyib. Neft və qazın Azərbaycanın ÜDM-də payı təqribən 30 faizdən artıq olduğunu, iqtisadiyyatımızın özünü təmin etdiyini bildirib. Prezident İlham Əliyev həmçinin ölkənin xarici borcunun səviyyəsi ÜDM-in 7 faizindən az və maliyyə ehtiyatları borcu 14 dəfə üstələdiyini , yoxsulluq səviyyəsinin 5 faizə bərabər olduğunu vurğulayıb.

Dövlət başçısı nitqində Azərbaycanın açıq dənizə çıxışı olmayan ölkə olduğuna baxmayaraq, ölkəmizin Avrasiyanın vacib nəqliyyat qovşaqlarının birinə çevrildiyini bildirib. Prezident İlham Əliyev eyni zamanda əlavə edib ki: “Əlbəttə bir çox digər ölkələrin enerji təhlükəsizliyinə sərmayə yatırmaq Azərbaycanın gesiyasi əhəmiyyətini artırır. Biz anlayırıq ki, bundan sonra da enerji, neft və qaz bir çox ölkənin enerji təhlükəsizliyinin təmin edilməsində əhəmiyyətli dərəcədə rol oynayacaqdır.”

Çıxışında COP29 haqqında danışan ölkə başçısı, bu olduqca əhəmiyyətli tədbirin həqiqətən də uğurlu olduğunu qeyd edib. Tədbiriin “Bakı sıçrayışı” adlandırılması bir çox hədəflərə nail olmağımızla bağlı olduğunu qeyd edib. Cənab Prezident İtki və Zərər Fondunu və inkişafda olan ölkələr üçün nəzərdə tutulmuş yardımın 100 milyard dollardan 300 milyard dollara qədər artırılmasınının, 10 il davam edən müzakirələrdən sonra karbon bazarının da işlək vəziyyətə gətirilməsinin mühüm nailiyyət olduğunu vurğulayıb.

Dövlət başçısı çıxışında bildirib ki, COP29-la bağlı daha bir hədəfimiz Qlobal Cənub və Qlobal Şimal arasında körpünün qurulması idi və biz buna nail ola bildik. Hədəf ətraf mühiti ən çox çirkləndirən ölkələr, inkişaf etmiş ölkələr, və bundan əziyyət çəkən, hətta bəzilərinin mövcudluğuna təhlükə olan inkişafda olan ölkələr arasında etimadın artırılması idi.

İnkişaf etməkdə olan kiçik ada dövlətlərinə yardım paketinin də COP29-da elan edildiyini diqqətə çatdıran Prezident İlham Əliyev qeyd edib ki, Biz köməyimizə ehtiyacı olan ölkələrə dəstək verməyə davam edəcəyik.

Sahib Şükürov,

YAP Göyçay rayon təşkilatının sədri

Paylaş:

Baxılıb: 345 dəfə