Prezident İlham Əliyevin rəhbərliyi ilə Azərbaycan bütün istiqamətlərdə uğurla inkişaf edib

Bakı:

26 °C

54 %

3 m/s

AZ RU EN

Ana səhifə / YAP xəbərləri / Prezident İlham Əliyevin rəhbərliyi ilə Azərbaycan bütün istiqamətlərdə uğurla inkişaf edib

Prezident İlham Əliyevin rəhbərliyi ilə Azərbaycan bütün istiqamətlərdə uğurla inkişaf edib

18.09.2013 [10:46]

Tovuz rayon ictimaiyyəti qarşıdakı seçkilərdə YAP-ın namizədi İlham Əliyevə səs verəcək
Dünən Tovuz rayonu Alakol kəndində Yeni Azərbaycan Partiyasının namizədi cənab İlham Əliyevin təşviqat kampaniyası çərçivəsində növbəti görüş keçirilib. Görüşdə çıxış edən YAP Tovuz rayon təşkilatının sədri Məzahir Bayramov Prezident İlham Əliyevin bu seçkilərdə alternativsiz lider olduğunu söyləyib. Son illər Tovuz rayonunda aparılan yenidənqurma işlərindən bəhs edən təşkilat sədri İlham Əliyevin Prezidentliyi dövründə rayonda bir çox sənaye müəssisələrinin, yeni xəstəxanaların, diaqnostika mərkəzlərinin, o cümlədən, məktəblərin istifadəyə verildiyini xatırladıb. Prezidentimizin uğurlu daxili siyasətindən danışan M.Bayramov, əslində, YAP Sədri, Prezidentliyə namizəd İlham Əliyevin təbliğata ehtiyacı olmadığını deyib və son 10 ildə görülən işlərin Azərbaycan xalqının birbaşa sosial yaşamına müsbət təsirindən danışıb: “Prezident İlham Əliyevin o səbəbdən təbliğata ehtiyacı yoxdur ki, apardığı siyasət, gördüyü işlər göz önündədir. Prezident İlham Əliyev regionların inkişafına xüsusi diqqət göstərir. Biz bu siyasətin uğurlu nəticələrini öz rayonumuzun timsalında görürük. Yeni məktəblər açılır, bir sıra təhsil ocaqları təmir olunur, tələbələrin, müəllimlərin təqaüdləri, demək olar ki, ildə iki dəfə artırılır. Eyni zamanda, Prezident İlham Əliyev səhiyyənin inkişafı üçün bütün lazımi addımları atıb. Prezident İlham Əliyev kənd təsərrüfatının inkişafı üçün bir sıra mühüm addımlar atıb, subsidiyalar ayrılıb, bu sahədə çalışan sahibkarlara əlavə yardımlar edilir. Bunlar dövlətimizin başçısın gördüyü çox geniş işlərin sadəcə bir neçəsidir. Prezident İlham Əliyevin rəhbərliyi ilə Azərbaycan bütün istiqamətlərdə uğurla inkişaf edib və biz hər birimiz bu inkişafı öz həyatımızda açıq şəkildə görürük”.
M.Bayramov məhz bu faktları nəzərə alaraq xalqımızın 9 oktyabrda Prezident İlham Əliyevə səs verəcəyini söyləyib.
Daha sonra çıxış edən rayon təşkilatının fəalları, kənd ağsaqqalları - Zirəddin Əhmədov, Mayıl Hümbətov, Eldəniz Vəliyev, Fərman Əliyev, Oqtay İsmayılov və digərləri Prezident İlham Əliyevin ötən 10 ildə gördüyü işləri yüksək qiymətləndirərək Tovuz rayon ictimaiyyətinin qarşıdakı seçkilərdə alternativsiz namizəd İlham Əliyevə səs verəcəyini deyiblər.
AQŞİN

Paylaş:

Baxılıb: 1365 dəfə