Seçicilər ölkəmizi inkişafa aparan liderə - cənab İlham Əliyevə səs verəcəklər

Bakı:

26 °C

59 %

3 m/s

Əlaqə

AZ RU EN

Ana səhifə / YAP xəbərləri / Seçicilər ölkəmizi inkişafa aparan liderə - cənab İlham Əliyevə səs verəcəklər

Seçicilər ölkəmizi inkişafa aparan liderə - cənab İlham Əliyevə səs verəcəklər

25.09.2013 [10:13]

Göygöl rayonunun Xəqani, Nadil və Əlimədətli kəndlərində seçicilərlə növbəti görüşlər keçirilib
Dünən YAP Göygöl rayon təşkilatı Yeni Azərbaycan Partiyasının prezidentliyə namizədi cənab İlham Əliyevin təbliğat-təşviqat kampaniyası çərçivəsində Xəqani, Nadil və Əlimədətli kəndlərində seçicilərlə növbəti görüşlərini keçirib.
Öncə çıxış edən YAP Göygöl rayon təşkilatının sədri Turani Əliyev Prezident İlham Əliyevin rəhbərliyi ilə həyata keçirilən inkişaf siyasətinin uğurlu nəticələrindən bəhs edib. Təşkilat sədri qeyd edib ki, son 10 ilin reallıqları göstərir ki, ölkənin iqtisadi inkişafından, neft strategiyasının reallaşmasından və sahibkarlığın inkişafının uğurlu nəticələrindən əldə edilən dividendlər bilavasitə insanların sosial problemlərinin həllinə, vətəndaşların həyat səviyyəsinin yaxşılaşmasına yönəldilir. “Minimum əməkhaqlarının, büdcə təşkilatlarında çalışan ayrı-ayrı vətəndaş kateqoriyalarının məvaciblərinin, pensiya və müavinətlərin, tələbə təqaüdlərinin artırılması, sosial müdafiə sisteminin davamlı şəkildə təkmilləşdirilməsi dövlətin vətəndaşlarına olan diqqət və qayğısının bariz təcəssümüdür. Bu, onu göstərir ki, həyata keçirilən siyasətin mərkəzində məhz Azərbaycan vətəndaşı dayanır” - deyə, YAP Göygöl rayon təşkilatının sədri əlavə edib.
T.Əliyev regionların sosial-iqtisadi inkişafı istiqamətində həyata keçirilən işlərin uğurlu nəticələrindən bəhs edib və nəzərə çatdırıb ki, bölgələrin inkişafı insanların sosial rifah halının yaxşılaşmasında da özünü göstərir. “Bunlarla yanaşı, sahibkarlığın inkişafına əlverişli şəraitin yaradılması da olduqca böyük əhəmiyyət kəsb edir. Bu gün Prezident İlham Əliyevin rəhbərliyi ilə Azərbaycan dövləti sahibkarlığın, xüsusən də, bölgələrdə orta və xırda sahibkarlığın inkişafına maddi və mənəvi dəstək göstərməklə siyasi iradə ortaya qoyur. Dövlət başçısının çıxışlarında mütəmadi olaraq sahibkarların fəaliyyətinə verdiyi önəmi vurğulaması, onların problemlərini dilə gətirməsi və sahibkarlığın inkişafı üçün lazım olan tapşırıqlar verməsi sahibkarlara böyük stimul verir, onları daha böyük səylə çalışmağa ruhlandırır”, - deyən təşkilat sədri əmin olduğunu bildirib ki, bütün bu inkişaf göstəriciləri vətəndaşların 9 oktyabr tarixində keçiriləcək seçkilərdə növbəti dəfə cənab İlham Əliyevin lehinə seçim etmələrini şərtləndirəcək.
YAP Göygöl rayon təşkilatının sədr müavini Vüqar İsayev isə bildirib ki, seçicilər qarşıdan gələn prezident seçkilərinə böyük ruh yüksəkliyi ilə gedirlər: “Əlbəttə, bu, təsadüfi deyil. Çünki cənab Prezident İlham Əliyevin rəhbərliyi ilə həyata keçirilən inkişaf siyasəti nəticəsində vətəndaşların sosial rifah halı daha da yaxşılaşıb, insanlar gələcəyə optimist baxırlar. Bu, ona dəlalət edir ki, insanlar inkişaf siyasətinin davam etməsi tərəfdarıdırlar, ona görə də, məhz cənab İlham Əliyevə səs verəcəklər”.
Daha sonra çıxış edənlər - təbliğat qrupunun üzvü Ayazi Paşayev, seçicilər Nuru Niyazov, İlyas Həsənov, Xasay Mustafayev, Adil Axundov, Güloğlan Rzayev, Rövşən Əhmədov, Zülfiyyə Hüseynova, Aytəkin Əmrahova, Rəna Mehrəliyeva, Ruslan Məhərrəmov, Namiq Umudov, Səbuhi Həsənov və digərləri Prezident İlham Əliyevin rəhbərliyi ilə həyata keçirilən siyasətin uğurlu nəticələrindən bəhs ediblər və Yeni Azərbaycan Partiyasının namizədinin növbəti dəfə əzəmətli qələbə qazanacağına inandıqlarını bildiriblər.
NURLAN

Paylaş:

Baxılıb: 1235 dəfə