Prezident İlham Əliyevin rəhbərliyi ilə Azərbaycan son 10 ildə öz tərəqqisinin zirvəsinə yüksəlib

Bakı:

10 °C

93 %

1 m/s

AZ RU EN

Ana səhifə / YAP xəbərləri / Prezident İlham Əliyevin rəhbərliyi ilə Azərbaycan son 10 ildə öz tərəqqisinin zirvəsinə yüksəlib

Prezident İlham Əliyevin rəhbərliyi ilə Azərbaycan son 10 ildə öz tərəqqisinin zirvəsinə yüksəlib

29.09.2013 [10:36]

Goranboy rayonunun Qazanbulaq, Goranlı, Qazançı və Qırıxlı kəndlərində seçicilərlə görüşlər keçirilib
Yeni Azərbaycan Partiyasının (YAP) prezidentliyə namizədi cənab İlham Əliyevin təbliğat-təşviqat kampaniyası çərçivəsində YAP Goranboy rayon təşkilatı seçicilərlə görüşlərini davam etdirir. Növbəti görüşlər rayonun Qazanbulaq, Goranlı, Qazançı və Qırıxlı kəndlərində keçirilib.
Çıxış edən YAP Goranboy rayon təşkilatının sədri Elçin İsmayılov bildirib ki, Azərbaycan vətəndaşları Prezident İlham Əliyevin namizədliyini dəstəkləməklə son 10 il ərzində Onun rəhbərliyi altında ölkəmizdə həyata keçirilən siyasətin uğurlu nəticələrinə qiymət vermiş olurlar: “Ümummilli lider Heydər Əliyevin müəyyənləşdirdiyi siyasət əsasında Prezident İlham Əliyev 10 il ərzində ölkəmizin iqtisadiyyatını əhəmiyyətli dərəcədə inkişaf etdirə bilib. Azərbaycan dünyada iqtisadi cəhətdən ən dinamik inkişaf tempinə malik olan ölkə imicini qazanıb. Eyni zamanda, Prezident İlham Əliyevin siyasəti nəticəsində əhalinin rifahı yüksəlib, xüsusilə ölkəmizin beynəlxalq miqyasda nüfuzu əhəmiyyətli dərəcədə artıb”.
E.İsmayılov əlavə edib ki, vətəndaşların sabaha inamı cənab İlham Əliyevin həyata keçirdiyi siyasətdən, bu siyasətin uğurlu nəticələrindən qaynaqlanır: “Ona görə də əminəm ki, seçicilərin böyük əksəriyyəti növbəti dəfə Yeni Azərbaycan Partiyasının namizədi cənab İlham Əliyevə səs verəcəklər”.
Daha sonra çıxış edən Azərbaycan Respublikası Kibernetika İnstitutunun direktoru, akademik Telman Əliyev ölkəmizdə Prezident İlham Əliyevin rəhbərliyi ilə köklü iqtisadi islahatların həyata keçirildiyini, bunun nəticəsində bütün sahələrin paralel inkişaf etdiyini vurğulayıb. Akademik Prezident İlham Əliyevin rəhbərliyi ilə reallaşdırılan sosial-iqtisadi siyasətin fonunda ölkəmizin bütün bölgələrinin inkişaf etdiyini bildirib. “Bütün görülən bu işlərin bundan sonra da davam etdirilməsi üçün sizləri 9 oktyabrda keçiriləcək prezident seçkilərində Yeni Azərbaycan Partiyasının namizədi, Ulu öndər Heydər Əliyevin layiqli davamçısı İlham Heydər oğlu Əliyevə səs verməyə çağırıram” - deyə, akademik vurğulayıb.
T.Əliyev əlavə edib ki, Prezident İlham Əliyevin həyata keçirdiyi siyasət xalqa xidmət edir və bu siyasətin əsasında milli maraqlarımız dayanır: “Ona görə də xalqımızın növbəti seçkilərdə də cənab İlham Əliyevə etimad göstərəcəyi şübhəsizdir”.
Qərargah üzvləri Nizami Abdullayev, Şahin Allahverdiyev, Rüstəm Budaqov isə bildiriblər ki, son 10 ildə Prezident İlham Əliyevin rəhbərliyi ilə Azərbaycan öz tərəqqisinin zirvəsinə yüksəlib. Seçkilər ərəfəsində ictimaiyyət nümayəndələrinin böyük ruh yüksəkliyinə malik olduğu diqqətə çatdırılıb. Bildirilib ki, bu ruh yüksəkliyi təsadüfi deyil və xalqın cənab İlham Əliyevin həyata keçirdiyi siyasətə yüksək inamından qaynaqlanır.
Görüşdə çıxış edənlər - Roza Ağakişiyeva, Müseyib Rüstəmov, Şahin Əliyev, Azad Əhmədov, Pənah Zamanov, Hilal Zamanov, Asif Rüstəmov prezidentliyə namizəd cənab İlham Əliyevin yürütdüyü siyasət nəticəsində Azərbaycanın dünya miqyasında yüksək səviyyədə tanınmasından, dünyada öz mövqeyini möhkəmləndirməsindən danışaraq, seçiciləri YAP-nın namizədi cənab İlham Əliyevə səs verməyə çağırıblar. Öz növbəsində seçicilər də 9 oktyabrda ən layiqli namizədə - cənab İlham Əliyevə səs verəcəklərini vurğulayıblar.
Nurlan QƏLƏNDƏRLİ

Paylaş:

Baxılıb: 1076 dəfə