“Əbədi müstəqillikdən əbədi suverenliyə” adlı tədbir keçirilib

Bakı:

23 °C

94 %

1 m/s

Əlaqə

AZ RU EN

Ana səhifə / YAP xəbərləri / “Əbədi müstəqillikdən əbədi suverenliyə” adlı tədbir keçirilib

“Əbədi müstəqillikdən əbədi suverenliyə” adlı tədbir keçirilib

17.10.2025 [12:17]

17 oktyabr 2025-ci il tarixində Yeni Azərbaycan Partiyası Kəlbəcər rayon təşkilatı Mingəçevir şəhərində fəaliyyət göstərən Milli Qəhrəman Şahlar Şükürov adına 35 nömrəli Kəlbəcər rayon tam orta məktəbində “Konstitusiya və Suverenlik İli” çərçivəsində 18 oktyabr — Müstəqilliyin Bərpası Günü ilə əlaqədar “Əbədi müstəqillikdən əbədi suverenliyə” adlı tədbir keçirilmişdir.

Ulu Öndər Heydər Əliyevin və şəhidlərimizin əziz xatirəsi bir dəqiqəlik sükutla yad edildi.

YAP Kəlbəcər rayon təşkilatının sədri Həbib Misirov çıxış edərək bildirib ki, Azərbaycanın dövlət müstəqilliyi xalqımızın ən böyük tarixi nailiyyətidir. Sədr vurğulayıb ki, “Əbədi müstəqillikdən əbədi suverenliyə” gedən yol ölkəmizin milli iradəsinin, siyasi qətiyyətinin və xalq–dövlət birliyinin bariz göstəricisidir. Sədr, müstəqilliyin bərpasından bu günə qədər keçilən inkişaf mərhələlərindən, dövlət quruculuğu və suverenliyin möhkəmləndirilməsi istiqamətində görülən işlərdən ətraflı bəhs edərək bildirib ki, Ulu öndər Heydər Əliyevin gərgin əməyi və möhtərəm Prezidentimiz İlham Əliyevin qətiyyətli rəhbərliyi ilə Azərbaycan müstəqilliyini möhkəmləndirmiş, suverenliyini tam bərpa etmişdir. Bu müddət ərzində ölkəmiz “Əbədi müstəqillikdən əbədi suverenliyə” gedən uğurlu yol keçmiş, dövlətçilik ənənələri və milli birliyimiz əbədi zəmin üzərində möhkəmləndirilmişdir.

Bu gün Azərbaycan, möhtərəm Prezident in qətiyyətli rəhbərliyi ilə müstəqil və balanslı xarici siyasət yürüdür, beynəlxalq aləmdə nüfuz sahibi olan güclü və etibarlı dövlət kimi tanınır. Məktəbin direktoru, Ərazi Partiya təşkilatının sədri Elşən Əzim, müəllimlərdən Camal Sarıyev, Samir Şükürov, Mətanət Albəndəyeva və digər çıxış edənlər 18 oktyabr 1991-ci il tarixində qəbul edilən “Müstəqillik haqqında Konstitusiya Aktı”nın Azərbaycanın müstəqilliyinin dönüş nöqtəsi olduğunu vurğulayıblar. Bu gün Azərbaycan xalqı üçün yalnız tarixi qələbə və milli azadlıq günü deyil, həm də dövlətçiliyin möhkəmlənməsinin, suverenliyin qorunmasının və gələcək nəsillərə ötürülməsinin rəmzidir. Natiqlər bildirdilər ki, Ulu Öndər Heydər Əliyevin uzaqgörən siyasəti və bu siyasətin möhtərəm Prezident İlham Əliyev tərəfindən uğurla davam etdirilməsi nəticəsində Azərbaycan dövləti tam suveren, müstəqil və beynəlxalq aləmdə nüfuz sahibi olan güclü bir ölkəyə çevrilib. Çıxışlarda həmçinin Azərbaycanın ərazi bütövlüyünün bərpası, suverenliyin təmin edilməsi və müasir inkişaf mərhələsinə qədəm qoyulması xüsusi vurğulanıb. Bildirilib ki, bu gün gənc nəsil müstəqilliyin, dövlətçiliyin keşiyində sayıq və Vətənə sədaqət ruhunda yetişdirilir.

Sonda YAP sıralarına yeni qəbul olunmuş şəxslərə üzvlük vəsiqələri və bir qrup partiya fəallarına fəxri fərmanlar təqdim edildi.

Paylaş:

Baxılıb: 836 dəfə