Azərbaycanın qaz resursları və ixrac potensialı

Bakı:

11 °C

82 %

9 m/s

Əlaqə

AZ RU EN

Ana səhifə / YAP xəbərləri / Azərbaycanın qaz resursları və ixrac potensialı

Azərbaycanın qaz resursları və ixrac potensialı

10.12.2025 [16:28]

Mansur Quliyev

YAP Ağdam rayon təşkilatının sədri

08 dekabr 2025-ci tarixində Bratislavada keçirilən rəsmi səfər çərçivəsində İlham Əliyev və Peter Pellegrini mətbuata birgə bəyanatlarla çıxış ediblər.

Bu tarix simvolikdir: Azərbaycanın Prezidenti Slovakiyaya ilk rəsmi səfərini həyata keçirir. Bu addım iki ölkə arasındakı əlaqələrin dostluq və strateji tərəfdaşlıq səviyyəsinə yüksəlməsinin yeni mərhələsi kimi qiymətləndirilə bilər. Prezident İlham Əliyevin çıxışında vurğulanan əsas məqamlardan biri Slovakiyanın dinamik inkişafı olmuşdur. Slovakiyanın həm Avropada, həm beynəlxalq aləmdə qazandığı mövqe, onun siyasi müstəqilliyi, iqtisadi irəliləyişi, sənaye və enerji potensialı, bütün bunlar Azərbaycanın baxımından ciddi maraq doğurur. Bu baxımdan, Slovakiyanın uğurlu inkişafı “bizi çox məmnun edir”. Çünki bu, birlikdə daha sıx əməkdaşlıq üçün münbit zəmin yaradır dostluq, qarşılıqlı hörmət və etimada əsaslanan əlaqələr üçün. Prezident İlham Əliyev bəyan edib ki, ötən illər ərzində Slovakiya ilə əməkdaşlıq genişlənib, iqtisadi, enerji, nəqliyyat və digər sahələrdə aktiv addımlar atılır. Xüsusilə enerji sahəsində: Azərbaycan neft-qaz yataqları, enerji resursları sayəsində Avropanın enerji tələbatının vacib tərkib hissəsinə çevrilə bilər. Dövlət başçısı qeyd edib ki, Azərbaycanın qaz resursları və ixrac potensialı Slovakiyanın da gələcək enerji təhlükəsizliyi baxımından əhəmiyyətlidir.

Səfərin rəsmi protokolu fəxri qarovul dəstəsi, dövlət himnləri altında qarşılanma mərasimi, yüksək səviyyəli görüşlər, həm tarixi, həm siyasi baxımdan ölkələrimiz arasında yüksək dostluq və əməkdaşlıq səviyyəsinin yüksələn xətt üzrə inkişaf etməsinin əsasını təşkil edir.

Prezident İlham Əliyev Slovakiyaya səfərin sadəcə rəsmi görüşlərdən ibarət olmadığını, həm də gələcək əməkdaşlıq üçün möhkəm təməl qoyduğunu vurğulayıb.

O, həmçinin Slovakiya Prezidenti Peter Pellegrini-ni gələcəkdə Azərbaycana rəsmi səfərə dəvət edib, bu, ölkələrarası dialoq və əməkdaşlığın daha da gücləndirilməsi üçün açıq çağırışdır. Slovakiyanın uğurlu inkişafı, onun Avropa və beynəlxalq aləmdə artan mövqeyi bizi sevindirir və eyni zamanda gələcəyə ümidi artırır. Bu nailiyyətlər bizə dost-həmkar kimi baxılan ölkələrlə münasibətlərimizi dərinləşdirmək, strateji əməkdaşlığı genişləndirmək üçün yeni imkanlar yaradır.

Qeyd etmək lazımdır ki, bu səfərin nəticəsi olaraq həyata keçiriləcək konkret layihələr enerji, nəqliyyat, müdafiə, investisiya və digər sahələrdə iki ölkənin də rifahı naminə olacaq.

Paylaş:

Baxılıb: 481 dəfə