Həmrəylik günü milli birlik, Azərbaycana məhəbbət, milli-mənəvi dəyərlərimizə hörmət, Vətənə bağlılıq hislərini özündə təcəssüm etdirir

Bakı:

24 °C

44 %

5 m/s

AZ RU EN

Ana səhifə / YAP xəbərləri / Həmrəylik günü milli birlik, Azərbaycana məhəbbət, milli-mənəvi dəyərlərimizə hörmət, Vətənə bağlılıq hislərini özündə təcəssüm etdirir

Həmrəylik günü milli birlik, Azərbaycana məhəbbət, milli-mənəvi dəyərlərimizə hörmət, Vətənə bağlılıq hislərini özündə təcəssüm etdirir

26.12.2025 [19:14]

31 Dekabr – Dünya Azərbaycanlılarının Həmrəylik Günü xalqımızın milli şüurunun, birlik və bütövlük idealının parlaq ifadəsidir. Bu əlamətdar gün bütün dünya Azərbaycanlılarını vahid məqsəd, vahid kimlik və vahid Vətən anlayışı ətrafında birləşdirən mənəvi körpü rolunu oynayır. Həmrəylik Günü Azərbaycan xalqının tarix boyu yaşatdığı milli-mənəvi dəyərlərin, mədəni irsin və dövlətçilik ənənələrinin qorunmasının rəmzidir.

Həmrəylik anlayışı yalnız coğrafi sərhədlərlə məhdudlaşmır, o, mənsubiyyət hissini, milli kimliyə sədaqəti və Vətənə olan dərin məhəbbəti özündə ehtiva edir. Dünyanın müxtəlif ölkələrində yaşayan azərbaycanlılar bu gün vasitəsilə dilimizə, adət-ənənələrimizə, tariximizə və milli maraqlarımıza bağlılıqlarını bir daha nümayiş etdirirlər. Bu birlik hissi xalqımızın milli ruhunun gücünü və sarsılmazlığını göstərir.

Milli birlik Azərbaycan dövlətinin möhkəmlənməsində və gələcək inkişafında əsas amillərdən biridir. Xalqın birliyi dövlətin gücünü artırır, milli maraqların beynəlxalq müstəvidə müdafiəsinə imkan yaradır. Həmrəylik Günü hər bir Azərbaycanlıya Vətən qarşısında daşıdığı məsuliyyəti xatırladır, milli maraqların qorunmasında fəal mövqe tutmağın vacibliyini ön plana çəkir.

Bu gün eyni zamanda milli-mənəvi dəyərlərimizə hörmət və ehtiram günüdür. Azərbaycan xalqının ailə dəyərləri, qonaqpərvərlik ənənələri, dilə və mədəniyyətə bağlılığı nəsildən-nəslə ötürülərək bu günə qədər qorunub saxlanılmışdır. Həmrəylik Günü bu dəyərlərin gələcək nəsillərə ötürülməsinin zəruriliyini vurğulayır və milli kimliyimizin davamlılığını təmin edir.

Vətənə bağlılıq hissi Həmrəylik Gününün əsas ideoloji sütunlarından biridir. Azərbaycanlı harada yaşamasından asılı olmayaraq, öz Vətəni ilə mənəvi bağını qoruyur və ölkəsinin uğurlarını öz uğuru hesab edir. Bu bağlılıq hissi dövlətçilik maraqlarının müdafiəsində, milli həmrəyliyin möhkəmləndirilməsində mühüm rol oynayır.

Dünya Azərbaycanlılarının Həmrəylik Günü milli birlik ideyasının təntənəsi, Azərbaycan xalqının öz kökünə, tarixinə və dövlətinə sadiqliyinin bariz nümunəsidir. Bu gün hər bir Azərbaycanlının milli kimliyini dərk etməsi, Vətənə məhəbbət hissini daha da gücləndirməsi və milli-mənəvi dəyərlərə sahib çıxması baxımından xüsusi əhəmiyyət daşıyır. Həmrəylik ruhu yaşadıqca Azərbaycan xalqının birliyi və gücü daim möhkəm olacaqdır.

Həmrəylik Günü həm də Azərbaycan gəncliyində milli şüurun formalaşmasına mühüm töhfə verir. Bu gün gənc nəsildə tarixə maraq, milli kimliyə hörmət və vətənpərvərlik hisslərinin güclənməsinə xidmət edir. Dünya Azərbaycanlılarının bir araya gəlməsi informasiya müharibəsi şəraitində milli maraqların müdafiəsini daha effektiv edir. Xaricdə yaşayan soydaşlarımızın təşkilatlanması Azərbaycanın haqq səsinin beynəlxalq ictimaiyyətə çatdırılmasında əhəmiyyətli rol oynayır. Həmrəylik ruhu milli maraqlar uğrunda həmrəy fəaliyyətin əsasını təşkil edir. Bu birlik yalnız bayram günlərində deyil, bütün zamanlarda qorunmalı olan dəyərdir. Milli-mənəvi irsimizin təbliği və qorunması həmrəylik ideyasının ayrılmaz hissəsidir. Hər bir Azərbaycanlının bu ideyaya töhfə verməsi ümummilli məsuliyyətdir. Dövlət və xalq birliyi milli təhlükəsizliyin və sabitliyin əsas təminatçısıdır. Məhz bu birlik sayəsində Azərbaycan öz müstəqilliyini möhkəmləndirərək gələcəyə inamla addımlayır.

Rəhman Ağabalayev

YAP Qusar rayon təşkilatının fəal üzvü

Paylaş:

Baxılıb: 529 dəfə