Milli Birliyin və Qələbənin Bayramı

Bakı:

21 °C

83 %

5 m/s

Əlaqə

AZ RU EN

Ana səhifə / YAP xəbərləri / Milli Birliyin və Qələbənin Bayramı

Milli Birliyin və Qələbənin Bayramı

30.12.2025 [21:46]

Ümummilli Lider Heydər Əliyevin sözləri ilə desək “Dünya azərbaycanlılarının həmrəyliyi gününün dövlət bayramı kimi qeyd edilməsi xalqımızın milli azadlıq mübarizəsinin məntiqi nəticəsi olaraq artıq xoş ənənəyə çevrilmişdir. Qədim və zəngin tarixə malik olan Azərbaycan xalqının dirçəlişini, tərəqqisini və milli birliyini əks etdirən, onu müstəqil dövlətçilik uğrunda müqəddəs və məsuliyyətli mübarizəyə səfərbər edən həmrəylik günü hər bir azərbaycanlı üçün inam və ümid anıdır. Dünyanın müxtəlif ölkələrində milyonlarla soydaşımız yaşayır, işləyir, fəaliyyət göstərir. Buna baxmayaraq, onların milli-mənəvi varlığını yaşadan yeganə bir dövlət var. Bu, müstəqil, suveren Azərbaycan Respublikasıdır. Dünya azərbaycanlılarının birliyi və həmrəyliyi ideyasının əsasını da məhz Azərbaycan dövlətçiliyinə, xalqımızın dilinə, dininə, milli-mənəvi varlığına və ümumbəşəri dəyərlərə hörmət, onların daim qorunmasına, yaşamasına qayğı təşkil edir.” Heydər Əliyev həmrəylik gününü təsis etməklə dünya azərbaycanlılarının təşkilatlanması prosesini diqqət mərkəzində saxladı, xalqın birləşməsinə və ideoloji həmrəyliyinə nail oldu.

Bu bayram Azərbaycan xalqının dirçəlişini, tərəqqisini və milli birliyini əks etdirir. Dünyanın müxtəlif ölkələrində milyonlarla soydaşımız yaşasa da, onların milli-mənəvi varlığını yaşadan yeganə dövlət müstəqil Azərbaycan Respublikasıdır. Həmrəylik ideyası dövlətçiliyə, dilimizə, dinimizə, milli-mənəvi dəyərlərə hörmət üzərində qurulmuşdur.

Prezident İlham Əliyev Dünya Azərbaycanlılarının III Qurultayında vurğulamışdır ki, “Bizim xaricdə yaşayan böyük ailəmiz vardır, bu, azərbaycanlılardır. Onlar öz doğma Vətəninə bağlı olan adamlardır. Bizi fərqləndirən əlamət ondan ibarətdir ki, harada yaşamağımızdan asılı olmayaraq, öz Vətənimizə bağlıyıq. Bura bizim vətənimizdir, hamımızın vətənidir. Müstəqil Azərbaycan bütün azərbaycanlıların vətənidir. Bizim bir vətənimiz var – Azərbaycan! Bizim bir dilimiz var – Azərbaycan dili! Bizim ümumxalq ideologiyamız var – azərbaycançılıq məfkurəsi! Mən arzu edirəm ki, dünyada yaşayan bütün azərbaycanlılar həmişə bir yerdə olsunlar. Həmişə bilsinlər ki, onların arxasında güclü Azərbaycan dövləti dayanır və onlar hər zaman Azərbaycan dövlətinə arxalana bilərlər.

Bu fikirlər bütün azərbaycanlıların harada yaşamalarından asılı olmayaraq Vətənə bağlılığını təsdiqləyir. Güclü Azərbaycan dövləti hər bir soydaşımız üçün dayaqdır. Həmrəylik günü Azərbaycan xalqının milli birliyinin, bərabərliyinin və ideoloji bütövlüyünün simvoludur. Bu gün hər bir azərbaycanlı üçün inam və ümid anıdır.

Prezident İlham Əliyev xaricdə yaşayan azərbaycanlılarla əlaqələrin genişləndirilməsini dövlət siyasətinin mühüm istiqamətinə çevirərək, mövcud sosial-iqtisadi inkişaf şəraitində diaspor quruculuğu sahəsində dövrlə səsləşən genişmiqyaslı tədbirlər həyata keçirir.

Bu gün dövlətimizin diaspor siyasəti yeni inkişaf mərhələsinə qədəm qoymuşdur. Xaricdə yaşayan soydaşlarımızın təşkilatlanması, onların milli maraqlar ətrafında birləşməsi dövlətin güclü dəstəyi ilə daha da möhkəmlənir.

44 günlük Vətən müharibəsi Azərbaycan xalqının birliyini, Prezident və Ali Baş Komandan İlham Əliyevin ətrafında sıx səfərbər olduğunu bir daha nümayiş etdirdi. Bu həmrəylik xalqımızın tarixi Qələbəsini təmin etdi.

Azərbaycan xalqının tarixi Qələbəsi həmrəyliyin, milli birliyin və güclü dövlətçiliyin təntənəsidir. Bu Qələbə bütün dünya azərbaycanlılarını birləşdirən ideoloji rəmz olmuşdur.

Dünya Azərbaycanlılarının Həmrəyliyi Günü artıq xoş ənənəyə çevrilmişdir. Bu gün hər bir azərbaycanlı üçün milli birliyin, azərbaycançılıq məfkurəsinin və dövlətçilik ideyalarının bayramıdır. Həmrəylik günü xalqımızın tarixi Qələbəsi ilə daha da möhkəmlənmiş, diaspor siyasətinin yeni mərhələsi ilə zənginləşmişdir.

Azərbaycan bu gün həm Vətən daxilində, həm də xaricdə yaşayan soydaşlarımız arasında milli birliyin rəmzi olaraq güclü dövlətçiliyin dayağıdır.

Tutu Kamal qızı

YAP Zəngilan rayon təşkilatının sədr müavini

Paylaş:

Baxılıb: 360 dəfə