Azərbaycan və ABŞ arasında strateji əməkdaşlıqda tarixi addım

Bakı:

13 °C

76 %

2 m/s

Əlaqə

AZ RU EN

Ana səhifə / YAP xəbərləri / Azərbaycan və ABŞ arasında strateji əməkdaşlıqda tarixi addım

Azərbaycan və ABŞ arasında strateji əməkdaşlıqda tarixi addım

12.02.2026 [17:48]

ABŞ-ın Vitse-prezidenti Cey. Di. Vensin Azərbaycana səfəri və Strateji Tərəfdaşlıq haqqında Xartiyanın imzalanması Bakı–Vaşinqton xəttində münasibətlərin məzmun və miqyas baxımından yenilənməsini şərtləndirən mühüm hadisədir. Bu səfər artıq formalaşmış əməkdaşlıq ənənəsinin davamı olmaqla yanaşı, münasibətləri daha sistemli, çoxşaxəli və institusional müstəviyə daşıyan yeni təkan rolunu oynayır.

Cənab Prezident İlham Əliyev mətbuata bəyanatında bu görüşü tarixi hadisə kimi qiymətləndirərək, danışıqların mahiyyətinin və imzalanmış sənədin gələcək əməkdaşlıq üçün geniş perspektivlər açdığını vurğuladı. Dövlət başçısının çıxışında səsləndirilən fikirlərdən aydın görünür ki, tərəflər münasibətləri yalnız cari gündəlik çərçivəsində deyil, uzunmüddətli strateji baxış əsasında inkişaf etdirmək niyyətindədirlər. ABŞ administrasiyasının regionda sülh təşəbbüslərinə verdiyi dəstək və bunun nəticəsində formalaşan yeni əməkdaşlıq mühiti də bu təkanın mühüm elementidir.

İmzalanmış Xartiyanın “İqtisadi Sərmayələr, o cümlədən Süni İntellekt və Rəqəmsal İnfrastruktur” bölməsi münasibətlərin yeni mərhələsinin əsas istiqamətlərini aydın göstərir. Burada süni intellekt tərəfdaşlıqlarının inkişafı, data mərkəzlərinin yaradılması, innovasiya və tədqiqat mexanizmlərinin təşviqi kimi məsələlər yer alır. Bu müddəalar Azərbaycan-ABŞ əlaqələrinin ənənəvi enerji və təhlükəsizlik çərçivəsindən çıxaraq yüksək texnologiyalar və bilik iqtisadiyyatı mərhələsinə keçdiyini təsdiqləyir.

Rəqəmsal infrastrukturun inkişafı və özəl sektorun fəal iştirakı ilə yeni platformaların yaradılması münasibətlərin dayanıqlı əsaslara söykənməsinə xidmət edəcək. Xartiyada dövlət-özəl tərəfdaşlığı mexanizmlərinin vurğulanması isə əməkdaşlığın təkcə hökumətlərarası deyil, biznes və innovasiya ekosistemləri səviyyəsində də genişlənəcəyini göstərir. Bu yanaşma münasibətlərin dərinləşməsini təmin edən real alətlər təqdim edir.

Bununla yanaşı, təhlükəsizlik, müdafiə sənayesi, kibertəhlükəsizlik və humanitar minatəmizləmə sahələrində əməkdaşlığın genişləndirilməsi niyyəti münasibətləri daha kompleks xarakterə çevirir. Beləliklə, tərəfdaşlıq artıq ayrı-ayrı istiqamətlər üzrə deyil, vahid strateji çərçivə daxilində inkişaf edir. Nəticə etibarilə, Vitse-prezidentin səfəri və Strateji Tərəfdaşlıq Xartiyasının imzalanması Azərbaycan-ABŞ münasibətlərinə yeni nəfəs verir. Bu, qarşılıqlı etimada əsaslanan, gələcəyə hesablanmış və regional sabitliyi gücləndirən strateji əməkdaşlıq modelinin formalaşdığını göstərir.

Natiq Quluzadə

YAP Zəngilan rayon təşkilatının sədri

Paylaş:

Baxılıb: 481 dəfə