İdarəetmə və inkişaf modelində yeni mərhələ

Bakı:

29 °C

58 %

11 m/s

Əlaqə

AZ RU EN

Ana səhifə / YAP xəbərləri / İdarəetmə və inkişaf modelində yeni mərhələ

İdarəetmə və inkişaf modelində yeni mərhələ

16.02.2026 [16:27]

Fevralın 11-də Prezident İlham Əliyevin sədrliyi ilə “Azərbaycanın yeni rəqəmsal arxitekturası” adlı vahid fəaliyyət planına həsr olunmuş müşavirə keçirildi. Bu tədbir ölkənin texnologiya ekosistemi üçün mühüm hadisədir, çünki burada rəqəmsallaşma, süni intellekt, kibertəhlükəsizlik və innovasiya kimi müasir dövrün əhəmiyyətli sahələri üzrə bir sıra önəmli məsələlər müzakirə olundu.

Hamıya məlumdur ki, XXI əsrin əsas resursu məlumat, əsas gücü isə süni intellektdir. Bu müşavirə məhz ölkənin inkişaf modelində keyfiyyətcə yeni istiqaməti müəyyənləşdirdi. Bu gün süni intellektin tətbiqi, data mərkəzlərinin yaradılması, rəqəmsallaşma ilə bağlı islahatlar faktiki olaraq ölkələrin gələcək inkişafını müəyyən edir. Bu, sadəcə texnoloji yenilənmə deyil, həmçinin strateji seçimdir.

Muşavirədə çıxış edən Prezident İlham Əliyev qeyd edib ki, rəqəmsal inkişaf məsələsi bizim gələcək inkişafımızı böyük dərəcədə şərtləndirəcək. Dünyada gedən meyillər, trendlər bəllidir. Bu gün süni intellektin tətbiqi, data mərkəzlərinin yaradılması, rəqəmsallaşma ilə bağlı islahatlar faktiki olaraq ölkələrin gələcək inkişafını müəyyən edir. Azərbaycanda bu istiqamətdə müəyyən işlər görülüb. Ən önəmlisi gələcək fəaliyyətimizdə bu məsələni əsas prioritetlər siyahısına daxil etməyimizdir.

İkinci istiqamət dövlət xidmətlərinin vahid mərkəzdən təqdim olunması ilə bağlıdır. Prezident İlham Əliyev vurğuladı ki, bu xidmətlər “mygov” platforması vasitəsilə təqdim olunmalıdır. “Mygov” artıq Azərbaycanın rəqəmsal hökumət platforması kimi fəaliyyət göstərir. Rəqəmsal xidmət təqdim edən qurumlar öz fərdi həllərini yaratmağa davam edə bilər, lakin bu həllər yalnız “mygov” üzərindən vətəndaşlara təqdim olunmalıdır. Beləliklə, vətəndaş bir tətbiq vasitəsilə bütün rəqəmsal xidmətlərdən istifadə edə biləcək. Yəni mövcud rəqəmsal şöbələr və işçilər öz fəaliyyətini davam etdirir, yalnız xidmətlər vahid platformaya inteqrasiya olunur. Bu, vətəndaşyönümlü fəaliyyətin bariz nümunəsidir

Bu gün Azərbaycan özünü bütün əsas enerji mənbələri ilə tam təmin edir, hətta onları dünya bazarlarına da çıxarır. Yerləşdiyimiz bölgədə, geniş bölgədə bu imkanlara malik olan ölkələr ən azı çox deyil və bu gün Azərbaycan özünü bütün əsas enerji mənbələri ilə tam təmin edir, hətta onları dünya bazarlarına da çıxarır. Nəzərə alsaq ki, bizim bərpaolunan enerji növlərinin yaradılması istiqamətində planlarımız göz önündədir, - bu barədə dəfələrlə danışılıb, - gələcəkdə bizim generasiya gücümüz imzalanmış kontraktlar əsasında daha da artacaq.

Həmçinin Prezident İlham Əliyev qeyd edib ki, Ən böyük maliyyə resurslarını idarə edən qlobal fondlarla bizim sıx əlaqələrimiz var. Digər üstünlüyümüz isə ondan ibarətdir ki, biz bu sahədə dünyanın aparıcı şirkətləri ilə artıq təmaslar qurmuşuq. Bir neçə aparıcı şirkətlə danışıqlar aparılıb, ölkəmizin imkanları onlara təqdim edilib. Eyni zamanda, dünyanın böyük və deyə bilərəm ki, ən böyük maliyyə resurslarını idarə edən qlobal fondlarla bizim sıx əlaqələrimiz var. Azərbaycan Dövlət Neft Fondu uzun illərdir bu təsisatlarla əməkdaşlıq edir və o təsisatlar vasitəsilə Azərbaycanın valyuta ehtiyatlarının bir hissəsi idarə olunur. Biz artıq bu təsisatlara vəsait yatırırıq və onlarla bu yaxınlarda aparılmış danışıqlarda, eyni zamanda, bu qurumlardan Azərbaycana investisiyaların cəlb edilməsi məsələləri də qaldırılmışdır və müsbət cavab alınmışdır. Yəni indi konkret layihələr üzərində işləyirik və rəqəmsallaşma, süni intellekt sahələrində aparıcı şirkətlərin səhmlərinin bir hissəsi də dediyim ən böyük Amerika fondlarının sərəncamındadır. Bu, bizim böyük üstünlüyümüzdür. O cümlədən dünən bu binada Amerika Hökuməti ilə Azərbaycan Hökuməti arasında imzalanmış Strateji Tərəfdaşlıq Xartiyası da bu üstünlüyü bizə təmin edir. Bu Xartiya tarixi bir sənəddir. Bu, artıq mətbuatda da dərc edilib, hər kəs görə bilər nədən ibarətdir, o cümlədən data mərkəzləri, rəqəmsallaşma, süni intellekt və bu sahədəki Amerika şirkətləri ilə sıx əlaqələrimiz. Yəni bu da bizim üstünlüyümüzdür.Eyni zamanda, bizim Avropa İttifaqına üzv 10 ölkə ilə strateji tərəfdaşlıq sənədləri var. Təbii ki, Avropa şirkətləri bu sahədə Amerika şirkətləri ilə rəqabət apara bilməzlər, onlardan bəlkə ən azı bir nəsil geridədirlər. Ancaq orada da müəyyən işlər görülür və o ölkələrin şirkətləri ilə də səmərəli əməkdaşlıq təmin edilməlidir.

Prezident İlham Əliyevin “Azərbaycanın yeni rəqəmsal arxitekturası” müşavirəsindəki çıxışı göstərir ki, ölkə idarəetmədə və iqtisadi modeldə keyfiyyətcə yeni mərhələyə daxil olur. Rəqəmsallaşma artıq alternativ deyil, strateji zərurətdir. Bu siyasət dövlətin institusional səmərəliliyini artırır, iqtisadi şaxələndirməni sürətləndirir, beynəlxalq rəqabət qabiliyyətini gücləndirir, vətəndaş məmnuniyyətini yüksəldir və milli təhlükəsizlik sistemini möhkəmləndirir. “Azərbaycanın yeni rəqəmsal arxitekturası” üzrə müşavirə onu göstərdi ki, ölkəmiz artıq rəqəmsallaşmanı ayrı-ayrı xırda layihələr kimi yox, vahid plan və idarəetmə ilə icra etmək mərhələsinə keçir.

Rövlan Heydərov

YAP Naftalan şəhər təşkilatının sədri

Paylaş:

Baxılıb: 766 dəfə