Tarixi ədalətin təcəssümü: Xocalı Soyqırımı Memorialı

Bakı:

17 °C

77 %

4 m/s

Əlaqə

AZ RU EN

Ana səhifə / YAP xəbərləri / Tarixi ədalətin təcəssümü: Xocalı Soyqırımı Memorialı

Tarixi ədalətin təcəssümü: Xocalı Soyqırımı Memorialı

03.03.2026 [14:22]

Tarixin müxtəlif dövrlərində Azərbaycan xalqına qarşı düşmənçilik mövqeyi sərgiləyən qüvvələr yalnız ərazi iddiaları ilə kifayətlənməmiş, eyni zamanda yerli əhalini doğma torpaqlarından zorla çıxarmaqla sistemli etnik təmizləmə siyasəti yürütmüşlər. İşğalçılıq niyyətlərini həyata keçirərkən mülki insanların hədəfə alınması, qadınlara, uşaqlara və yaşlılara qarşı törədilən amansız cinayətlər bu düşmənçi siyasətin mahiyyətini açıq şəkildə ortaya qoymuşdur. Dinc əhaliyə qarşı kütləvi zorakılıq aktları nə hüquqi, nə mənəvi, nə də beynəlxalq normalarla uzlaşmayan ağır cinayətlərdir.

Erməni millətçilərinin törətdiyi kütləvi qırğınlar arasında xüsusi qəddarlığı və miqyası ilə seçilən Xocalı soyqırımı Azərbaycan tarixinin ən faciəli və ağrılı səhifələrindən biri olaraq xalqımızın yaddaşına həkk olunmuşdur. Bu dəhşətli hadisə illər keçsə də unudulmamış, əksinə, milli yaddaşımızda həm böyük bir kədər, həm də ədalətin bərpasına olan sarsılmaz inam kimi yaşamışdır. Qadınlara, uşaqlara və qocalara qarşı misilsiz vəhşiliklə törədilmiş bu soyqırımı xalqımızın yaddaşında silinməz iz buraxmışdır.

Zaman keçdikcə Xocalı faciəsi yalnız hüzn və faciə simvolu kimi deyil, eyni zamanda milli birliyin, həmrəyliyin və mübarizə ruhunun rəmzinə çevrilmişdir. Bu hadisə cəmiyyətimizi sarsıtsa da, xalqımızın azadlıq və ədalətə olan inamını daha da möhkəmləndirmiş, milli şüurun formalaşmasında və vətənpərvərlik hisslərinin güclənməsində mühüm rol oynamışdır.

Tarixi ədalətin bərpası isə 2020-ci ildə baş vermiş Vətən müharibəsi ilə real nəticəsini tapdı. Azərbaycan xalqının illərlə davam edən həsrətinə son qoyan bu haqq mübarizəsi nəticəsində ölkəmizin ərazi bütövlüyü təmin olundu. 44 günlük müharibənin davamı olaraq 2023-cü ildə həyata keçirilmiş antiterror tədbirləri zamanı Xocalı şəhərinin azad edilməsi isə Xocalı qurbanlarının ruhu qarşısında mənəvi borcun yerinə yetirilməsi, xalqımızın qürur və ləyaqətinin bərpası kimi tarixə düşdü.

Bu proseslər bir daha sübut etdi ki, Azərbaycan xalqı öz tarixi yaddaşına sahib çıxır və ədalət uğrunda mübarizədən heç vaxt geri çəkilmir. Müzəffər Ali Baş Komandan, Prezident İlham Əliyevin qətiyyətli iradəsi, Silahlı Qüvvələrimizin rəşadəti, şəhidlərimizin misilsiz fədakarlığı və xalq–ordu birliyi nəticəsində uzun illər davam edən işğala son qoyuldu.

2023-cü il oktyabrın 15-də Prezident İlham Əliyev tərəfindən Xocalı şəhərində Azərbaycan Respublikasının Dövlət Bayrağının ucaldılması mühüm tarixi hadisə olmaqla, ölkəmizin ərazi bütövlüyünün tam bərpa olunduğunu, Xocalının öz doğma sahiblərinə qayıtdığını və xalqımızın illərlə arzuladığı ədalətin təntənəsini simvolizə etdi.

Elvin Əliyev

YAP Babək rayon təşkilatının sədr müavini

Paylaş:

Baxılıb: 440 dəfə