YAP Binəqədi rayon təşkilatında “Unudulmaz dahi” adlı inşa yazı müsabiqəsi keçirilib

Bakı:

27 °C

47 %

2 m/s

Əlaqə

AZ RU EN

Ana səhifə / YAP xəbərləri / YAP Binəqədi rayon təşkilatında “Unudulmaz dahi” adlı inşa yazı müsabiqəsi keçirilib

YAP Binəqədi rayon təşkilatında “Unudulmaz dahi” adlı inşa yazı müsabiqəsi keçirilib

30.11.2013 [11:05]

Ulu öndər Heydər Əliyevin anım gününə həsr olunmuş müsabiqədə rayonun 32 orta məktəbindən 70 nəfər şagird iştirak edib
Binəqədi rayon İcra Hakimiyyəti, rayon Gənclər və İdman İdarəsi və Yeni Azərbaycan Partiyası (YAP) Binəqədi rayon təşkilatının təşəbbüsü ilə rayonun orta ümumtəhsil məktəblərinin yuxarı sinif şagirdləri arasında Ümummilli lider Heydər Əliyevin anım gününə həsr olunmuş inşa yazı müsabiqəsi keçirilib. YAP Binəqədi rayon təşkilatında keçirilən tədbiri giriş sözü ilə açan Binəqədi rayon Gənclər və İdman İdarəsinin rəisi, partiyanın Binəqədi rayon təşkilatı Gənclər Birliyinin sədri Qüdsi Bayramov bildirib ki, “Unudulmaz dahi” adlı inşa yazı müsabiqəsinin keçirilməsində məqsəd Ümummilli lider Heydər Əliyevin anım gününün qeyd olunması, Ulu öndərin ideyalarının gənclər arasında təbliği, həmçinin, rayonda bacarıqlı və istedadlı gənclərin aşkar edilməsidir.
Çıxış edən YAP Binəqədi rayon təşkilatının Aparat rəhbəri Qabil Qafarov Ümummilli lider Heydər Əliyevin irsinin qorunması istiqamətində həyata keçirilən tədbirlər barədə məlumat verib. O, həmçinin, qeyd edib ki, rayon məktəbliləri arasında inşa müsabiqəsinin keçirilməsi Ümummilli liderin ideyalarının təbliği istiqamətində mühüm addımdır.
Binəqədi rayon İcra Hakimiyyətinin İctimai-siyasi və humanitar məsələlər şöbəsinin baş məsləhətçisi Seymur Hacıyev də deyib ki, inşa müsabiqəsinin məktəb şagirdləri arasında keçirilməsi Ümummilli liderin irsinin təbliği istiqamətində vacib fəaliyyətdir.
Sonra çıxış edən YAP Gənclər Birliyinin sədr müavini, partiyanın Binəqədi rayon təşkilatının baş təlimatçısı Aygün Əliyeva müsabiqə iştirakçılarına uğurlar arzulayıb və bildirib ki, Ümummilli lider Heydər Əliyevin irsi Azərbaycanın ən dəyərli əqli mülkiyyətidir.
Daha sonra Binəqədi rayonu Gənclər və İdman İdarəsinin rəis müavini Sevinc Süleymanova müsabiqə iştirakçısı olan şagirdlərə müsabiqənin əsasnaməsini oxuyub və uğurlar arzulayıb.
Qeyd edək ki, Binəqədi rayon orta ümumtəhsil məktəblərinin yuxarı sinif şagirdləri arasında keçirilən inşa yazı müsabiqəsində rayonun 32 orta məktəbindən 70 nəfər şagird iştirak edib. Müsabiqənin nəticələrinə əsasən I, II, III yerləri tutmuş iştirakçılar Binəqədi rayon İcra Hakimiyyəti tərəfindən mükafatlandırılacaq və şəhər mərhələsinə vəsiqə qazanacaqlar.

Paylaş:

Baxılıb: 1384 dəfə