Yeni Azərbaycan Partiyası Nərimanov rayon təşkilatının SOCAR üzrə ərazi partiya təşkilatında seçki iclası keçirilib _______________________________________

Bakı:

13 °C

82 %

1 m/s

AZ RU EN

Ana səhifə / YAP xəbərləri / Yeni Azərbaycan Partiyası Nərimanov rayon təşkilatının SOCAR üzrə ərazi partiya təşkilatında seçki iclası keçirilib ________________________________________

Yeni Azərbaycan Partiyası Nərimanov rayon təşkilatının SOCAR üzrə ərazi partiya təşkilatında seçki iclası keçirilib ________________________________________

18.03.2026 [23:11]

Yeni Azərbaycan Partiyası (YAP) Nərimanov rayon təşkilatının “Heydər Əliyev prospekti 121” ünvanı (SOCAR) üzrə ərazi partiya təşkilatında seçki iclası keçirilib.

Tədbirdə ilk öncə Azərbaycan Respublikasının Dövlət Himni səsləndirilib, xalqımızın Ümummilli Lideri, müasir müstəqil Azərbaycanın memarı, YAP-ın qurucusu, ölkəmizin enerji strategiyasının müəllifi Heydər Əliyevin və Vətən uğrunda həlak olan şəhidlərin əziz xatirəsi bir dəqiqəlik sükutla yad edilib.

İclasda Ulu Öndər Heydər Əliyevin həyat və fəaliyyətinə həsr olunmuş sənədli film nümayiş etdirilib.

Tədbirdə YAP Nərimanov rayon təşkilatının “Heydər Əliyev prospekti 121” ünvanı (SOCAR) üzrə ərazi partiya təşkilatının sədri, SOCAR Mərkəzi Arxivinin müdiri Ağaəli Hüseynov hesabat məruzəsi ilə çıxış edərək ötən dövr ərzində görülmüş işlər, həyata keçirilən təşəbbüslər və təşkilatın fəaliyyəti barədə ətraflı məlumat verib.

Daha sonra YAP Nərimanov rayon təşkilatının sədri Elçin Quliyev, YAP İdarə Heyətinin üzvü, Bakı Ali Neft Məktəbinin rektoru Elmar Qasımov, YAP Təştif Komissiyasının üzv, Milli Məclisin deputatı Naqif Həmzəyev, eləcə də YAP üzvü, SOCAR Baş ofisinin Həmkarlar Təşkilatının sədri Nazim Vəliyev çıxış edərək Ulu Öndər Heydər Əliyevin rəhbərliyi ilə təsis olunan Yeni Azərbaycan Partiyasının ötən illər ərzində böyük, şərəfli və uğurlu yol keçərək cəmiyyətin aparıcı qüvvəsi kimi müstəqil ölkəmizin tarixində mühüm rol oynadığını bildiriblər. Ümumxalq partiyasına çevrilən YAP-ın Prezident İlham Əliyevin sədrliyi ilə son 20 il ərzində mühüm nailiyyətlərə imza atdığı, partiyanın fəaliyyətinin müasir tələblərə uyğunlaşdırılması, institusional potensialının gücləndirilməsi istiqamətlərində zəruri işlərin həyata keçirildiyi qeyd olunub.

Sonra YAP Nərimanov rayon təşkilatının “Heydər Əliyev prospekti 121” ünvanı (SOCAR) üzrə ərazi partiya təşkilatının yeni sədrinin və sədr müavininin namizədlikləri irəli sürülüb, səsvermə keçirilib.

Səsvermənin nəticələrinə əsasən, SOCAR Aparatının rəhbəri Hafiz Zeynalov SOCAR üzrə ərazi partiya təşkilatının yeni sədri, şirkətin prezidentinin müşaviri Racu Vəliyev isə sədr müavini seçilib.

Göstərilən etimada görə təşəkkürünü bildirən Hafiz Zeynalov xalqımızın Ümummilli Lideri Heydər Əliyevin ən çətin və məsuliyyətli dövründə böyük uzaqgörənliklə müstəqil Azərbaycanın möhkəm təməlinin qoyulmasını və milli inkişaf strategiyasının formalaşdırılmasını təmin etdiyini vurğulayıb. Bu xüsusda, YAP-ın ölkəmizin davamlı və dayanıqlı inkişafındakı mühüm rolundan bəhs edən Hafiz Zeynalov Prezident İlham Əliyevin sədrliyi ilə partiyanın Azərbaycan vətəndaşlarının ümumi siyasi ideya və məqsəd ətrafında birləşməsinə nail olduğunu bildirib.

Daha sonra partiya sıralarına yeni qəbul olunmuş üzvlərə vəsiqələr təqdim edilib.

Sonda Yeni Azərbaycan Partiyasının Himni səsləndirilib, sonra iclas iştirakçıları Azərbaycan Nefti sərgisi ilə tanış olublar.

Paylaş:

Baxılıb: 373 dəfə