Qaz Emalı Zavodunda “Şəhərsalma və Memarlıq İli” çərçivəsində tədbir keçirilib

Bakı:

14 °C

82 %

4 m/s

Əlaqə

AZ RU EN

Ana səhifə / YAP xəbərləri / Qaz Emalı Zavodunda “Şəhərsalma və Memarlıq İli” çərçivəsində tədbir keçirilib

Qaz Emalı Zavodunda “Şəhərsalma və Memarlıq İli” çərçivəsində tədbir keçirilib

22.04.2026 [11:25]

Aprelin 21-də “Şəhərsalma və Memarlıq İli” çərçivəsində Qaradağ rayonunda Yeni Azərbaycan Partiyası (YAP) Qaradağ rayon təşkilatının və Qaz Emalı Zavodunun birgə təşkilatçılığı ilə “Qaz emalı sənayesi: təhlükəsizlik, ekoloji balans və inkişaf” mövzusunda tədbir keçirilib.

Tədbirdə YAP Qaradağ rayon təşkilatının sədr müavini Faiq Qurbanov, Qaz Emalı Zavodunun direktorunun müşaviri Aqşin Paşayev, təşkilatın və zavodun əməkdaşları iştirak ediblər.

Əvvəlcə Qaradağ rayonu məktəblilərinin “Şəhərsalma və Memarlıq İli” mövzusunda hazırladıqları əl işlərindən ibarət sərgiyə baxış keçirilib.

Azərbaycan Respublikasının Dövlət Himninin səsləndirilməsi ilə başlanan tədbirdə Ümummilli Lider Heydər Əliyevin və Azərbaycanın ərazi bütövlüyü uğrunda canlarından keçmiş şəhidlərin əziz xatirəsi bir dəqiqəlik sükutla yad edilib.

Daha sonra “Şəhərsalma və Memarlıq İli”nin əhəmiyyətindən bəhs edən videoçarx nümayiş olunub.

Tədbiri giriş sözü ilə açan Aqşin Paşayev “Şəhərsalma və Memarlıq İli”nin əhəmiyyətindən danışaraq bildirib ki, bu təşəbbüs ölkəmizdə şəhərsalma siyasətinin daha da təkmilləşdirilməsinə, milli memarlıq irsinin qorunmasına və müasir memarlıq meyillərinin inkişafına mühüm töhfə verir. O, Ümummilli Lider Heydər Əliyevin rəhbərliyi dövründə memarlıq və şəhərsalma sahəsində formalaşmış zəngin ənənələrdən və həyata keçirilmiş irimiqyaslı layihələrdən bəhs edib. A. Paşayev çıxışında Azərbaycanın qaz emalı sənayesində ekoloji tarazlığın qorunmasına xüsusi diqqət yetirildiyini və sahənin müasir tələblər səviyyəsində inkişaf etdiyini də vurğulayıb.

Tədbirdə çıxış edən YAP Qaradağ rayon təşkilatı sədrinin müavini Faiq Qurbanov Azərbaycanın qədim ənənələrə malik şəhərsalma modelinin müasir dövrün tələblərinə uyğun inkişafında müstəqil Azərbaycan dövlətinin xilaskarı Heydər Əliyevin böyük rolundan, qloballaşma şəraitində şəhərlərin inkişaf istiqamətlərindən və dayanıqlı şəhərsalma prinsiplərindən geniş bəhs edib. O, “Şəhərsalma və Memarlıq İli” çərçivəsində keçirilən bu kimi maarifləndirici tədbirlərin əhəmiyyətini xüsusi vurğulayaraq milli memarlıq irsinin qorunması və gələcək nəsillərə çatdırılmasının vacibliyini qeyd edib. Eyni zamanda, Prezident İlham Əliyevin rəhbərliyi ilə respublikamızda, o cümlədən işğaldan azad olunmuş ərazilərdə aparılan genişmiqyaslı bərpa və quruculuq işlərini, müasir memarlıq nümunələrinin yaradılmasını, “ağıllı şəhər” və “ağıllı kənd” konsepsiyalarının tətbiqini diqqətə çatdırıb.

Tədbirdə digər çıxış edənlər - 7 saylı qurğunun rəisi Ramiz Namazov və SƏTƏMM və KN şöbəsinin böyük mühəndisi Emil Bilalov işğaldan azad olunmuş ərazilərdə tarixi-mədəni abidələrin bərpası, milli memarlıq irsinin qorunmasının vacibliyi və “Böyük Qayıdış” proqramı çərçivəsində görülən işlər barədə danışıblar.

Paylaş:

Baxılıb: 204 dəfə