Azərbaycan–Ukrayna münasibətləri: dostluq, əməkdaşlıq və qarşılıqlı hörmətin nümunəsi

Bakı:

20 °C

60 %

5 m/s

Əlaqə

AZ RU EN

Ana səhifə / YAP xəbərləri / Azərbaycan–Ukrayna münasibətləri: dostluq, əməkdaşlıq və qarşılıqlı hörmətin nümunəsi

Azərbaycan–Ukrayna münasibətləri: dostluq, əməkdaşlıq və qarşılıqlı hörmətin nümunəsi

28.04.2026 [12:19]

Azərbaycan və Ukrayna arasında münasibətlər tarixən dostluq, qarşılıqlı hörmət və etibarlı əməkdaşlıq prinsipləri üzərində formalaşmışdır. Hər iki xalqı bir-birinə yaxınlaşdıran yalnız diplomatik əlaqələr deyil, həm də ortaq tarixi məqamlar, milli dəyərlərə bağlılıq və müstəqillik uğrunda aparılan mübarizə ruhudur.

Azərbaycan müstəqilliyini bərpa etdikdən sonra Ukrayna ilə münasibətlərin inkişafına xüsusi önəm vermişdir. Diplomatik əlaqələrin qurulması ilə başlayan bu yol zaman keçdikcə siyasi, iqtisadi, humanitar və strateji tərəfdaşlıq səviyyəsinə yüksəlmişdir. Bu münasibətlər hər iki dövlətin qarşılıqlı maraqlarına xidmət etməklə yanaşı, regional sabitlik və əməkdaşlıq baxımından da mühüm əhəmiyyət daşıyır.

Aprelin 25-də Ukrayna prezidenti Volodimir Zelenskinin Azərbaycana işgüzar səfəri bir çox nüansı özündə birləşdirdi. Dövlətimizin başçısı cənab İlham Əliyev Volodimir Zelenski ilə əvvəlki görüşlərini məmnunluqla xatırladı, Ukrayna Prezidentinin ölkəmizə bu səfərinin ikitərəfli əməkdaşlıq məsələlərinin müzakirəsi üçün yaxşı imkanlar yaradacağına əminlik bildirdi. Ukrayna Prezidenti öz növbəsində bu səfərin müharibə başlayandan sonra Azərbaycana ilk səfəri olduğunu qeyd etdi və göstərilən diqqətə görə Cənab Prezident İlham Əliyevə təşəkkürünü bildirdi.

Xüsusilə enerji sahəsində əməkdaşlıq Azərbaycan–Ukrayna münasibətlərinin əsas istiqamətlərindən biridir. Azərbaycanın zəngin enerji resursları və Ukraynanın Avropa ilə strateji coğrafi mövqeyi bu sahədə qarşılıqlı faydalı əməkdaşlıq üçün geniş imkanlar yaradır. Enerji təhlükəsizliyi məsələsində Azərbaycan hər zaman etibarlı tərəfdaş kimi çıxış etmişdir.

Ticarət əlaqələri də iki ölkə arasında münasibətlərin inkişafında mühüm rol oynayır. Müxtəlif sahələrdə aparılan iqtisadi layihələr, investisiya imkanları və qarşılıqlı biznes forumları əlaqələrin daha da möhkəmlənməsinə xidmət edir. Kənd təsərrüfatı, sənaye, nəqliyyat və logistika istiqamətlərində əməkdaşlıq geniş perspektivlər açır.

Azərbaycan hər zaman dövlətlərin ərazi bütövlüyü və suverenliyinə hörmət prinsipini müdafiə etmişdir. Bu baxımdan beynəlxalq hüququn norma və prinsiplərinə sadiqlik ölkəmizin xarici siyasətinin əsas xəttini təşkil edir. Ukrayna ilə münasibətlərdə də bu prinsip daim ön planda saxlanılmışdır.

Azərbaycan–Ukrayna münasibətləri sadəcə dövlətlərarası əməkdaşlıq deyil, eyni zamanda xalqlar arasında səmimi dostluğun və etibarlı tərəfdaşlığın bariz nümunəsidir. Bu münasibətlərin gələcəkdə daha da inkişaf edəcəyi, yeni layihələr və qarşılıqlı təşəbbüslərlə daha güclü mərhələyə qədəm qoyacağı şübhəsizdir.

Azərbaycan və Ukrayna münasibətləri qarşılıqlı etimad prinsipləri üzərində qurulmuş möhkəm bir əməkdaşlıq modelidir.

David Həsənov

YAP Naxçıvan şəhər təşkilatının əməkdaşı

Paylaş:

Baxılıb: 278 dəfə