Regional əməkdaşlıqda yeni imkanlar
28.04.2026 [15:39]
Aprelin 25-də Ukrayna Prezidenti Volodimir Zelenskinin Azərbaycana etdiyi rəsmi səfər çərçivəsində Azərbaycan Prezidenti İlham Əliyev ilə baş tutan yüksək səviyyəli görüşlər iki ölkə arasındakı əlaqələrin gələcək istiqamətlərini müəyyən edən əhəmiyyətli siyasi hadisə kimi dəyərləndirildi. Dövlət başçıları mətbuat qarşısında birgə bəyanatla çıxış edərək əməkdaşlığın əsas prioritetlərini açıqladılar. Bildirildi ki, Azərbaycan və Ukrayna münasibətləri qarşılıqlı hörmətə, etimada və beynəlxalq hüququn norma və prinsiplərinə əsaslanır, tərəflər bir-birinin suverenliyini və ərazi bütövlüyünü daim dəstəkləyir.
Çıxışında Prezident İlham Əliyev vurğuladı ki, hər iki ölkə beynəlxalq təşkilatlar çərçivəsində də fəal əməkdaşlıq edir və qarşılıqlı şəkildə mövqelərini müdafiə edir. Bu isə həm regional, həm də qlobal səviyyədə siyasi koordinasiyanın güclənməsinə töhfə verir. İqtisadi əlaqələr də müzakirələrin əsas mövzularından biri olub. Prezident qeyd edib ki, ticarət dövriyyəsinin genişləndirilməsi üçün kifayət qədər imkanlar mövcuddur. Eyni zamanda, enerji sahəsində əməkdaşlığın perspektivlərinə toxunaraq Azərbaycanın Avropanın enerji təhlükəsizliyində mühüm rol oynadığını diqqətə çatdırıb. Enerji sektorunda Ukrayna ilə əməkdaşlığın daha da genişləndirilməsi, xüsusilə neft və qaz tədarükü, eləcə də alternativ enerji layihələri üzrə birgə təşəbbüslərin reallaşdırılması imkanları da xüsusi qeyd olunub.
Prezident İlham Əliyev Azərbaycanın mühüm nəqliyyat və logistika mərkəzinə çevrildiyini bildirərək Şərq-Qərb və Şimal-Cənub nəqliyyat dəhlizləri çərçivəsində Ukrayna ilə əməkdaşlığın artırılmasının vacibliyini vurğulayıb. Həmçinin Xəzər dənizi üzərindən daşımaların genişləndirilməsi, liman infrastrukturlarının inkişafı və tranzit imkanlarının artırılmasının hər iki tərəf üçün iqtisadi baxımdan faydalı olduğu qeyd edilib. Humanitar sahədə əməkdaşlıq da diqqətdən kənarda qalmayıb. Azərbaycan və Ukrayna xalqları arasında uzunmüddətli dostluq əlaqələrinin mövcud olduğu bildirilib, təhsil, mədəniyyət və turizm istiqamətlərində əməkdaşlığın genişləndirilməsinin önəmi vurğulanıb. Tələbə mübadiləsi proqramları, ortaq mədəni layihələr və elmi təşəbbüslər əlaqələrin daha da möhkəmlənməsinə xidmət edən əsas sahələr kimi göstərilib.
Səfər zamanı göstərilən qonaqpərvərliyə görə təşəkkürünü bildirən Volodimir Zelenski qeyd edib ki, Ukrayna Azərbaycanla əlaqələrin inkişafına böyük əhəmiyyət verir və bu səfərin yeni əməkdaşlıq imkanları yaradacağına inanır. O, xüsusilə iqtisadiyyat, enerji və infrastruktur sahələrində əməkdaşlığın genişləndirilməsinə maraqlı olduqlarını vurğulayıb. Bununla yanaşı, mövcud mürəkkəb beynəlxalq şəraitdə tərəfdaş ölkələrlə əlaqələrin gücləndirilməsinin Ukrayna üçün prioritet olduğunu bildirib.
Volodimir Zelenskinin Azərbaycana səfəri və keçirilən görüşlər göstərir ki, Bakı ilə Kiyev arasında münasibətlər strateji tərəfdaşlıq səviyyəsində inkişaf edir. Prezident İlham Əliyevin də qeyd etdiyi kimi, bu səfər ikitərəfli əlaqələrin daha da dərinləşməsinə və yeni layihələrin həyata keçirilməsinə təkan verəcək. Aparılan müzakirələr onu deməyə əsas verir ki, iki ölkə arasında əməkdaşlıq yalnız mövcud istiqamətlərlə məhdudlaşmır, eyni zamanda yeni sahələr üzrə də genişlənmək potensialına malikdir və bu, regionda sabitliyə müsbət təsir göstərə bilər.
Rail Tağızadə
Yeni Azərbaycan Partiyası Naxçıvan şəhər təşkilatının sədr müavini
Xəbər lenti
Hamısına bax
Gündəm
23 Avqust 12:15
İdman
23 Avqust 11:45
Sosial
23 Avqust 11:24
Sosial
23 Avqust 11:23
Xəbər lenti
23 Avqust 11:19
Gündəm
23 Avqust 11:17
Gündəm
23 Avqust 11:11
Dünya
23 Avqust 10:30
Dünya
23 Avqust 09:25
Dünya
23 Avqust 08:18
YAP xəbərləri
23 Avqust 07:59
Dünya
22 Avqust 23:58
Dünya
22 Avqust 23:41
Dünya
22 Avqust 22:58
Dünya
22 Avqust 22:37
Dünya
22 Avqust 21:59
Dünya
22 Avqust 21:34
Gündəm
22 Avqust 21:21
Dünya
22 Avqust 20:58
Dünya
22 Avqust 20:35
Dünya
22 Avqust 19:55
Dünya
22 Avqust 19:15
Sosial
22 Avqust 18:50
İqtisadiyyat
22 Avqust 18:27
İdman
22 Avqust 17:41
İdman
22 Avqust 17:10
Sosial
22 Avqust 16:45
Mədəniyyət
22 Avqust 16:20
Mədəniyyət
22 Avqust 15:35
Sosial
22 Avqust 15:20
İqtisadiyyat
22 Avqust 14:54
Sosial
22 Avqust 14:10
Sosial
22 Avqust 13:57
İdman
22 Avqust 13:37
Siyasət
22 Avqust 12:48
Gündəm
22 Avqust 11:55
Gündəm
22 Avqust 11:30
Gündəm
22 Avqust 11:15
MEDİA
22 Avqust 10:55
İqtisadiyyat
22 Avqust 10:40
İqtisadiyyat
22 Avqust 10:20
Sosial
22 Avqust 09:55
Analitik
22 Avqust 09:45
Elm
22 Avqust 09:30
Mədəniyyət
22 Avqust 09:15
Ədəbiyyat
22 Avqust 08:48
Dünya
21 Avqust 23:57
Dünya
21 Avqust 23:34
Dünya
21 Avqust 22:58
Dünya
21 Avqust 22:32
Dünya
21 Avqust 21:59
Dünya
21 Avqust 21:38
Dünya
21 Avqust 20:57
Dünya
21 Avqust 20:35
Dünya
21 Avqust 19:55
Dünya
21 Avqust 19:35
İdman
21 Avqust 18:58
Mədəniyyət
21 Avqust 18:45
Mədəniyyət
21 Avqust 18:16
İqtisadiyyat
21 Avqust 17:45
İqtisadiyyat
21 Avqust 17:15
Elm
21 Avqust 16:58
Sosial
21 Avqust 16:35
Sosial
21 Avqust 16:15
Elm
21 Avqust 15:55
Gündəm
21 Avqust 15:50
Elm
21 Avqust 15:25
Mədəniyyət
21 Avqust 14:48
Dünya
21 Avqust 13:58
Gündəm
21 Avqust 13:38
