Şəmkirdə Uşaqların Beynəlxalq Müdafiəsi Günü münasibəti ilə şəhid övladları üçün bayram şənliyi təşkil olunub

Bakı:

29 °C

48 %

3 m/s

AZ RU EN

Ana səhifə / YAP xəbərləri / Şəmkirdə Uşaqların Beynəlxalq Müdafiəsi Günü münasibəti ilə şəhid övladları üçün bayram şənliyi təşkil olunub

Şəmkirdə Uşaqların Beynəlxalq Müdafiəsi Günü münasibəti ilə şəhid övladları üçün bayram şənliyi təşkil olunub

02.06.2026 [16:00]

Şəmkir Rayon İcra Hakimiyyətinin və Yeni Azərbaycan Partiyası Şəmkir rayon təşkilatının birgə təşkilatçılığı ilə 1 İyun – Uşaqların Beynəlxalq Müdafiəsi Günü münasibətilə ölkəmizin ərazi bütövlüyü uğrunda canlarından keçmiş qəhrəman şəhidlərimizin övladları üçün bayram tədbiri keçirilib.

Tədbirdə çıxış edən Şəmkir Rayon İcra Hakimiyyətinin başçısı Rəşad Tağıyev şəhid övladlarını bayram münasibətilə təbrik edərək onlara sağlam, firavan və xoşbəxt gələcək arzulayıb. Bildirib ki, Uşaqların Beynəlxalq Müdafiəsi Gününün şəhidlərimizin bizə əmanət qoyduğu övladlarla birlikdə qeyd olunması onların əziz xatirəsinə olan sonsuz ehtiramın və şəhid ailələrinə göstərilən diqqət və qayğının ifadəsidir.

Rəşad Tağıyev vurğulayıb ki, Ulu Öndər Heydər Əliyev uşaqları daim xalqın və dövlətin gələcəyi hesab edib, onların sağlam böyüməsi, yüksək səviyyədə təhsil alması və vətənpərvər ruhda formalaşması istiqamətində mühüm dövlət siyasətinin əsasını qoyub. Qeyd olunub ki, bu siyasət bu gün Prezident İlham Əliyevin rəhbərliyi ilə uğurla davam etdirilir, Birinci vitse-prezident Mehriban xanım Əliyevanın təşəbbüsləri ilə uşaqların rifahının yüksəldilməsi, onların hərtərəfli inkişafı istiqamətində mühüm layihələr həyata keçirilir.

YAP Şəmkir rayon təşkilatının sədri Fəxrəddin Vəliyev şəhid övladlarını 1 İyun – Uşaqların Beynəlxalq Müdafiəsi Günü münasibətilə təbrik edib və qeyd edib ki, şəhid ailələrinin və şəhid övladlarının dövlət qayğısı ilə əhatə olunduğunu xüsusi qeyd edərək bildirib ki, ölkəmizdə şəhid ailələrinin sosial müdafiəsinin gücləndirilməsi, mənzil və sosial təminat məsələlərinin həlli, şəhid övladlarının keyfiyyətli təhsil alması, onların asudə vaxtının səmərəli təşkili və gələcək inkişafı üçün ardıcıl dövlət proqramları icra olunur. Şəhid övladlarının dövlət tərəfindən xüsusi diqqət və qayğı ilə əhatə olunması Azərbaycan dövlətinin öz qəhrəmanlarına və onların ailələrinə göstərdiyi yüksək dəyərin bariz nümunəsidir.

Bayram tədbirində uşaqlar üçün maraqlı səhnəciklər, əyləncəli oyunlar və müsabiqələr təşkil olunub. Şəhid övladları klounların, nağıl qəhrəmanlarının və müxtəlif bədii personajların çıxışlarını maraqla izləyərək xoş anlar yaşayıblar.

Tədbirdən sonra uşaqlar üçün Şəmkir Şəhər Mərkəzi Parkında gəzinti təşkil olunub, onlar müxtəlif attraksionlarda əylənərək bayram sevincini bölüşüblər.

Şəhid ailələri göstərilən diqqət və qayğıya görə ölkə Prezidenti cənab İlham Əliyevə, Birinci vitse-prezident Mehriban xanım Əliyevaya və tədbirin təşkilatçılarına minnətdarlıqlarını ifadə ediblər.

Sonda şəhid övladları ilə xatirə şəkilləri çəkdirilib.

Paylaş:

Baxılıb: 413 dəfə