Yeni Azərbaycan Partiyasının rəsmi internet saytı yeni versiyada fəaliyyətə başlayıb

Bakı:

23 °C

78 %

10 m/s

Əlaqə

AZ RU EN

Ana səhifə / YAP xəbərləri / Yeni Azərbaycan Partiyasının rəsmi internet saytı yeni versiyada fəaliyyətə başlayıb

Yeni Azərbaycan Partiyasının rəsmi internet saytı yeni versiyada fəaliyyətə başlayıb

18.04.2014 [10:44]

Yeni Azərbaycan Partiyasının (YAP) rəsmi internet saytı olan “www.yap.org.az” yeni versiyada hazırlanaraq fəaliyyətə başlayıb. Saytda ilk olaraq Ümummilli liderimiz, Yeni Azərbaycan Partiyasının qurucusu Heydər Əliyevin “Yeni Azərbaycan Partiyası dünənin, bu günün və gələcəyin partiyasıdır” fikirləri diqqəti cəlb edir.
Saytın yeni versiyasının xəbər manşetində isə Azərbaycan Respublikasının Prezidenti, Yeni Azərbaycan Partiyasının Sədri cənab İlham Əliyevin keçirdiyi görüşlər barədə məlumatlar verilir. Eyni zamanda, internet saytında “Xəbər lenti”, “Gündəm”, “Partiya xəbərləri”, “Müsahibələr”, “Videolent”, “Şəkillər” bölmələri yaradılıb. “Xəbər lenti” bölməsində ölkəmizdə və dünyada baş verən hadisələr haqqında informasiyalar, eləcə də, müxtəlif məsələlərlə əlaqədar mütəxəssislərin fikirləri yer alır. “Gündəm” bölməsində isə günün aktual məsələləri barədə məlumatlar verilir. “Partiya xəbərləri” bölməsində YAP-ın fəaliyyəti, partiyanın keçirdiyi tədbirlər haqqında məlumatlar əksini tapır. “Müsahibələr” bölməsinə gəlincə, burada partiyanın funksionerlərinin, Milli Məclisin deputatlarının, dövlət və hökumət nümayəndələrinin, eləcə də, ölkənin ictimai-siyasi xadimlərinin müsahibələri yerləşdirilir.
Təqdim edilən yeni versiyada Azərbaycan Respublikasının Prezidenti, Yeni Azərbaycan Partiyasının Sədri cənab İlham Əliyevin fəaliyyətini əks etdirən məlumatlar, fotolar və videolentlər də yerləşdirilib.
Saytın yeni versiyasında, həmçinin, YAP-ın rayon və şəhər təşkilatları haqqında ətraflı informasiyalar vardır. Partiyanın rəsmi internet saytında Ermənistan-Azərbaycan, Dağlıq Qarabağ münaqişəsinə xüsusi diqqət yetirilir. Belə ki, “Qarabağ həqiqətləri” bölümündə “Dağlıq Qarabağın tarixi”, “Erməni təcavüzü”, “Xocalı soyqırımı-XX əsrin faciəsi” və “Erməni terrorizmi” başlıqları altında geniş məlumatlar yer alır.
Yeni versiyada Prezident İlham Əliyevin zəngin fəaliyyətini ifadə edən məqamlar - müxtəlif görüşlər, ən müxtəlif obyektlərin açılışları, təməlqoyma mərasimləri, ictimaiyyətin nümayəndələri ilə görüşlər fotolarla oxuculara təqdim olunur. Eyni zamanda, YAP-ın fəaliyyətini əks etdirən fotolar da sayta rəngarənglik verir. Saytda diqqəti cəlb edən digər xüsusi məqam Yeni Azərbaycan Partiyasının Sədri, ölkə Prezidenti cənab İlham Əliyevin dəyərli fikirlərinin Azərbaycanın inkişafını əks etdirən fotoların fonunda öz əksini tapmasıdır.
Eyni zamanda, saytda geniş auditoriya üçün faydalı ola biləcək linklər də yerləşdirilib.
N.BAYRAMLI

Paylaş:

Baxılıb: 2020 dəfə