YAP Nərimanov rayon təşkilatında 28 May - Respublika Gününə həsr olunmuş tədbir keçirilib

Bakı:

16 °C

77 %

1 m/s

Əlaqə

AZ RU EN

Ana səhifə / YAP xəbərləri / YAP Nərimanov rayon təşkilatında 28 May - Respublika Gününə həsr olunmuş tədbir keçirilib

YAP Nərimanov rayon təşkilatında 28 May - Respublika Gününə həsr olunmuş tədbir keçirilib

28.05.2014 [12:56]

Dünən Nərimanov rayon İcra Hakimiyyəti və Yeni Azərbaycan Partiyası (YAP) Nərimanov rayon təşkilatının birgə təşəbbüsü ilə 28 May - Respublika Gününə həsr olunmuş tədbir keçirilib.
Tədbir iştirakçıları əvvəlcə Azərbaycanın müstəqilliyi uğrunda şəhid olmuş insanların xatirəsini bir dəqiqəlik sükutla yad ediblər. Tədbiri açan Nərimanov rayon İcra Hakimiyyəti başçısının birinci müavini Şahmar İbadov Xalq Cümhuriyyətinin o dövrdə xalqımız üçün ciddi işlər gördüyünü bildirib. O deyib ki, Cümhuriyyət hökumətinin qərarları və parlamentin qəbul etdiyi qanunlar özünün demokratikliyi ilə mühüm əhəmiyyət kəsb edib.
YAP Nərimanov rayon təşkilatının sədri Təmraz Tağıyev çıxışında tarixə nəzər salaraq Azərbaycan Xalq Cümhuriyyətinin yaranma şəraitindən, 23 aylıq fəaliyyəti dövründə əldə etdiyi nailiyyətlərdən söz açıb, cümhuriyyətin yaradılmasını tarixi hadisə kimi səciyyələndirib. Təşkilat sədri bu dövlətin müstəqilliyinin qısamüddətli olduğunu qeyd edərək bununla belə iki il ərzində böyük işlərin gördüyünü, dövlət quruculuğunda qazandığı uğurları, mühüm dövlət strukturlarının və atributlarının yaradıldığını vurğulayıb. T.Tağıyev qeyd edib ki, bugünkü müstəqil Azərbaycan Xalq Cümhuriyyətinin varisdir. Onun sözlərinə görə, müstəqilliyin əldə edilməsi heç də asan olmayıb, onun əldə olunması və qorunub saxlanılması naminə minlərlə qəhrəman Vətən övladları canlarından keçiblər.
Tədbirdə, həmçinin, Nərimanov rayonu Ağsaqqallar Şurasının sədri Mirələm Qasımov, rayon Gigiyena və Epidemiologiya Mərkəzinin direktoru Nurulla Məmmədov və Odlar Yurdu Universitetinin tələbəsi Günay İmanova çıxış ediblər. Çıxışlarda Azərbaycanın 1991-ci ildə bərpa etdiyi müstəqilliyinin ilk illərinin çətin keçdiyindən, həmin dövrdə hökm sürən anarxiya, xaosun ölkəmiz üçün böyük təhlükə yaratdığından bəhs olunub. Yalnız 1993-cü ildə Ümummilli liderimiz Heydər Əliyevin xalqımızın təkidli tələbi ilə hakimiyyətə qayıdışından sonra bütün təhlükələrin aradan qaldırıldığı, dövlətçiliyin əsaslarının formalaşdırıldığı və ölkənin inkişaf strategiyasının müəyyənləşdirildiyi diqqətə çatdırılıb.
Qeyd edilib ki, bu gün Prezident İlham Əliyevin rəhbərliyi ilə beynəlxalq aləmdə dövlətimizin mövqeyi daha da möhkəmləndirilib, regional müstəvidə təsir imkanları artıb və Azərbaycan bütün sahələrdə uğurlar qazanmaqdadır. Tədbirdə, həmçinin, dövlətimizin başçısının yürütdüyü uğurlu daxili və xarici siyasət nəticəsində Azərbaycanın müstəqilliyinin dönməz, sarsılmaz və əbədi olduğuna əminlik ifadə olunub.
Nardar BAYRAMLI

Paylaş:

Baxılıb: 999 dəfə