Kəndini abad görmək istəyirsənsə, YAP-ın namizədinə səs ver

Bakı:

26 °C

49 %

1 m/s

Əlaqə

AZ RU EN

Ana səhifə / YAP xəbərləri / Kəndini abad görmək istəyirsənsə, YAP-ın namizədinə səs ver

Kəndini abad görmək istəyirsənsə, YAP-ın namizədinə səs ver

16.12.2014 [09:50]

YAP İmişli rayon təşkilatı gənclərlə və ilk dəfə səs verən seçicilərlə görüş keçirib
Yeni Azərbaycan Partiyası (YAP) İmişli rayon təşkilatı bələdiyyə seçkilərinin təbliğat təşviqat kampaniyası çərçivəsində gənclərlə və ilk dəfə səs verən seçicilərlə kütləviliyi ilə seçilən görüş keçirib. Görüşdə YAP Siyasi Şurasının üzvü, “İki sahil” qəzetinin baş redaktoru Vüqar Rəhimzadə və YAP Mərkəzi aparatının məsul əməkdaşı Ramil Mirzəyev iştirak ediblər.
Partiyanın İmişli rayon təşkilatının sədri Səfa Ağayev tədbiri giriş niqti ilə açaraq təbliğat kampaniyası dövründə aparılan işlər barədə ümumi məlumat verib. Bildirib ki, bu seçkilərdə namizədlərin hər birinin qələbəsi üçün təbliğat işinin əhatəsini genişləndirmişik və seçicilər namizədlərlə bağlı geniş informasiyaya malikdirlər. Xüsusən, gənclərin seçkilərdə həm namizəd, həm də seçici kimi fəallıqlarını artmaları namizədlərimizin qələbə qazanmasına kömək edən önəmli faktdır.
Görüşdə çıxış edən YAP Siyasi Şurasının üzvü, “İki sahil” qəzetinin baş redaktoru Vüqar Rəhimzadə bildirib ki, Azərbaycan demokratik inkişaf yolunda irəliləyən aparıcı dövlətlər sırasında mühüm yerini tutmaqdadır. Belə ki, ölkəmizdə istər demokratiya, istərsə də vətəndaş cəmiyyəti quruculuğu kifayət qədər inkişaf etmişdir. Bu önəmli tendensiyalar ölkəmizdə keçirilən bütün seçkilərdə özünü göstərməkdədir.
YAP Mərkəzi aparatının məsul əməkdaşı Ramil Mirzəyev görüşdə çıxış edərək ölkəmizin sosial-iqtisadi yüksəlişində bələdiyyələrin də inkişafa dəstək olduğunu vurğulayıb. Onun sözlərinə görə, YAP ölkədə alternativsiz siyasi qüvvədir: “Məhz bu səbəbdən də bələdiyyə seçkilərində də qələbə bizim namizədlərin olacaqdır. Çünki ötən illərdə keçirilən bütün seçkilərdə YAP-ın üstün qələbəsi hər bir kəsdə bu əminliyi, bu inamı yaratmaqdadır. Eyni zamanda, seçicilərin partiyamıza etimadının davamlı olaraq artması faktı YAP Sədri, Respublika Prezidenti cənab İlham Əliyevin rəhbərliyi ilə ölkəmizin sürətli inkişafından, insanların sosial-rifah halının yüksəlməsindən qaynaqlanır. Bütün sahələrdəki islahatların davamlı şəkildə həyata keçirilməsi və s. bu kimi digər reallıqlar ölkə vətəndaşlarının YAP-a, onun namizədlərinə olan inamını davamlı olaraq artırır. İnanıram ki, İmişli rayonunda seçicilər, xüsusən də gənclər partiyamızın namizədlərinə səs verməklə qəsəbələrinin, kəndlərinin inkişafına səs vermiş olacaqlar”.
Tədbirdə bələdiyyə üzvlüyünə gənc namizəd Rəfael Məmmədov çıxış edərək bildirib ki, İmişli gəncləri bütün seçkilərdə YAP-ın namizədlərini dəstəkləməklə dövlətimizə və möhtərəm İlham Əliyevə öz sədaqətlərini ifadə ediblər. Bu seçkidə də bizim qələbəmiz üçün partiya rəhbərliyi tərəfindən səmərəli təbliğat kampaniyası aparılır. Məhz bu diqqət və qayğıya görə gənclər adından partiya rəhbərliyinə öz təşəkkürlərimizi bildiririk.
Görüşdə çıxış edən seçicilər-Mirsaleh Mirsalehov və Qara Paşayev namizədlərə uğurlar arzulayıb və əminliklə bildiriblər ki, YAP-ın namizədlərinin rayonda alternativləri yoxdur. Ona görə də rayon sakinləri məhz bu namizədləri dəstəkləyəcəklər.

Paylaş:

Baxılıb: 904 dəfə