YAP Binəqədi rayon təşkilatının Şura iclası keçirilib

Bakı:

19 °C

72 %

3 m/s

Əlaqə

AZ RU EN

Ana səhifə / YAP xəbərləri / YAP Binəqədi rayon təşkilatının Şura iclası keçirilib

YAP Binəqədi rayon təşkilatının Şura iclası keçirilib

07.07.2018 [09:29]

İyulun 6-da Yeni Azərbaycan Partiyası (YAP) Binəqədi rayon təşkilatının 2018-ci ilin I yarımilliyi üzrə fəaliyyətinin yekunlarına həsr olunmuş Şura iclası keçirilib. Tədbiri açan YAP Binəqədi rayon təşkilatının sədri Ramiz Göyüşov Şura iclasının gündəliyi haqqında məlumat verib. Çıxışında bu ilin 11 aprel tarixində keçirilən Prezident seçkiləri və dövlət başçısı, YAP-ın Sədri cənab İlham Əliyevin parlaq qələbəsindən bəhs edən rayon təşkilatının sədri bildirib ki, seçkinin nəticələri ölkəmizdə Prezident İlham Əliyevin rəhbərliyi ilə görülən işlərin, həyata keçirilən siyasətin xalq tərəfindən dəstəklənməsinin bariz nümunəsidir. Ramiz Göyüşov daha sonra hesabat dövrü ərzində rayon təşkilatı tərəfindən keçirilən tədbirlər və layihələr haqqında ətraflı məlumat verib.
Şura iclasında çıxış edən YAP Binəqədi rayon təşkilatının baş təlimatçısı Kubra Əliyarlı rayon təşkilatının hesabat dövrü ərzində mətbuat və sosial media sahəsindəki fəaliyyətinə həsr olunmuş hesabat məruzəsini təqdim edib. Bildirib ki, rayon təşkilatı media qurumları ilə əlaqələrinin daha da inkişaf etdirilməsi, tədbirlərinin işıqlandırılması istiqamətində fəaliyyətini uğurla davam etdirir.
YAP Binəqədi rayon təşkilatı Gənclər Birliyinin sədri Fəsli Nəbiyev hesabat dövründə gənclərlə bağlı görülən işlər və keçirilən tədbirlər haqqında danışıb. Qeyd edib ki, dövlətimizin prioritet sahələrin inkişafına hesablanan siyasi istiqamətlərindən biri də gənclər siyasətidir. YAP Binəqədi rayon təşkilatı da Azərbaycanda həyata keçirilən uğurlu gənclər siyasətini əldə rəhbər tutaraq gənclərlə işin yüksək səviyyədə qurulmasını və onların hərtərəfli inkişaf etdirilməsini qarşıda duran əsas məqsədlərdən biri hesab edir.
YAP Binəqədi rayon təşkilatının sədr müavini Vüsar İsmayılov çıxış edərək bildirib ki, rayon təşkilatı 2018-ci ilin I yarımilliyi ərzində öz fəaliyyətini YAP-ın Nizamnamə və Proqramına, rayon təşkilatının müvafiq Fəaliyyət Planına uyğun qurub. Vüsar İsmayılov partiya üzvlərinin bundan sonra da əzmlə çalışacaqlarını, bu uğurlu fəaliyyətin növbəti hesabat dövrlərində də davam etdiriləcəyinə əminliyini ifadə edib.
Hesabat məruzəsi təsdiq edildikdən sonra YAP Binəqədi rayon təşkilatının sədri Ramiz Göyüşov növbəti hesabat dövrü üçün müvafiq Fəaliyyət Planı haqqında danışıb və sənəd səsə qoyularaq təsdiq edilib.
Şura iclası YAP Binəqədi rayon təşkilatının ictimai-siyasi həyatında fəal iştirakına görə fərqlənən bir qrup şəxsin Fəxri Fərmanla təltif edilməsi ilə başa çatıb.

Paylaş:

Baxılıb: 1271 dəfə