YAP Yasamal rayon təşkilatının

Bakı:

0 °C

86 %

0 m/s

Əlaqə

AZ RU EN

Ana səhifə / YAP xəbərləri / YAP Yasamal rayon təşkilatının

YAP Yasamal rayon təşkilatının

23.10.2009 [09:28]

“Neftqazelmitədqiqatlayihə” ərazi ilk partiya təşkilatı yaradıldı
ARDNŞ strukturlarında aparılan islahatlara uyğun olaraq mövcud baza əsasında yaradılan və daha da təkmilləşdirilən “Neftqazelmitədqiqatlayihə” İnstitutunun akt zalında Yeni Azərbaycan Partiyası (YAP) Yasamal rayon təşkilatının ərazi ilk partiya təşkilatının təsis yığıncağı keçirilib. Yığıncağın gündəliyi barədə məlumat verən “Neftqazelmitədqiqatlayihə” ərazi ilk partiya təşkilatı İdarə Heyətinin üzvü, institutun direktoru Fəxrəddin İsmayılov bildirib ki, Oxşar profilli müəssisələrdə ayrı-ayrılıqda fəaliyyət göstərən Yeni Azərbaycan Partiyası ərazi ilk partiya təşkilatlarının vahid struktur kimi birləşdirilməsi məqsədəuyğun olmaqla tələbatdan yaranan zərurətdir.
Elmi Tədqiqatlar İnstitutu ərazi ilk partiya təşkilatının sədri Xıdır İbrahimov hazırda milyonların partiyasına çevrilən, ölkənin ictimai-siyasi həyatında xüsusi yeri olan YAP-ın yaranma tarixinə, keçdiyi yola nəzər salaraq deyib ki, əhalinin vahid siyasi qüvvə kimi birləşməsini təmin edən, xalqın maraqlarına uyğun fəaliyyət göstərən YAP milli-mənəvi dəyərlərin qorunub təbliğ edilməsi istiqamətində də mühüm işlər görür. “Neftqazlayihə” ərazi ilk partiya təşkilatının sədri Rəhim Daşdiyev hesabat məruzəsində əsasən partiya üzvlərinin siyasi hazırlığı, təşkilatın xətti ilə həyata keçirilən tədbirlər barədə açıqlama verib. YAP Yasamal rayon təşkilatının sədri, Yeni Azərbaycan Partiyası Siyasi Şurasının üzvü, professor Fikrət İsmayılov XX əsrin ən böyük dahisi, ümummilli lider Heydər Əliyevin tarixi xidmətlərindən danışıb: “Yeni Azərbaycan Partiyasının yaradılması Onun xalqının etibarlı sabahı, respublikanın müstəqilliyinin qorunması, dövlətçiliyin möhkəmlənməsi, demokratiyanın inkişafı naminə gördüyü işlərdəndir. Bu partiyanı yaratmaqla Azərbaycana bağlılığını tarixi xidmətləri ilə sübut edən Ulu öndər İlham Əliyev kimi dövlət başçısını yetirməklə bir daha Azərbaycan xalqına sədaqətini göstərdi”.
Yeni Azərbaycan Partiyası ARDNŞ ilk ərazi təşkilatının sədri Aydın Bədəlov hər iki təşkilatın birləşməsini məqsədəuyğun hesab edib. YAP Siyasi Şurasının üzvü, “İki sahil” qəzetinin baş redaktoru Vüqar Rəhimzadə çıxış edərək yeni seçiləcək heyətə uğurlar arzulayıb: “Partiyanın hər bir üzvü ölkənin ictimai-siyasi həyatında fərqlənməklə yenilikçi kimi də tanınır. Siyasi kampaniyalarda partiyanın qələbəsinin təmin edilməsi üçün məsuliyyətlərini dərindən başa düşən fəallar ölkəmizin daha da qüdrətlənməsi yolunda səylərini artırırlar”.
Yığıncağda YAP Yasamal rayon təşkilatı “Neftqazelmitədqiqatlayihə” ilk ərazi təşkilatının yeni İdarə Heyəti seçilib. Açıq səsvermə yolu ilə Xıdır İbrahimov ərazi ilk partiya təşkilatının sədri seçilib.

Paylaş:

Baxılıb: 1472 dəfə