YAP Abşeron rayon təşkilatında namizədlər üçün treninq keçirilib

Bakı:

27 °C

83 %

3 m/s

Əlaqə

AZ RU EN

Ana səhifə / YAP xəbərləri / YAP Abşeron rayon təşkilatında namizədlər üçün treninq keçirilib

YAP Abşeron rayon təşkilatında namizədlər üçün treninq keçirilib

24.11.2009 [10:58]

Bilman Vəliyev: Əminəm ki, YAP-ın irəli sürdüyü namizədlər rayon əhalisinin böyük əksəriyyətinin etimadını qazanacaq və partiyamızın namizədlərinin çoxu bələdiyyələrdə təmsil olunmaq hüququ əldə edəcək
Yeni Azərbaycan Partiyasının rayon təşkilatları bələdiyyə seçkilərində irəli sürülən namizədlər üçün keçirilən treninqləri davam etdirirlər. Belə treninqlərdən biri də dünən YAP Abşeron rayon təşkilatında reallaşıb.
Rayon təşkilatının irəli sürdüyü namizədlərlə keçirilən görüşdə çıxış edən YAP Abşeron rayon təşkilatının sədri Bilman Vəliyev ilk olaraq bələdiyyə seçkilərinə hazırlıqlarla bağlı həyata keçirilən işlərdən söz açıb.
Bilman Vəliyev söyləyib ki, Milli Məclisdə bələdiyyələrin birləşdirilməsi ilə bağlı qanun qəbul olunduqdan sonra bu sahədə mühüm təkmilləşmə işləri aparılıb: “YAP Abşeron rayon təşkilatı bütün yerlərə öz namizədlərini irəli sürüb. Artıq namizədlərin müvafiq seçki komissiyaları tərəfindən qeydə alınması prosesi uğurla başa çatıb”.
Rayon sakinlərinin dövlətə və dövlətçiliyimizə daim sədaqət nümayiş etdirdiyini vurğulayan Bilman Vəliyev qarşıdan gələn bələdiyyə seçkilərində də bunun təsdiqlənəcəyini söyləyib: “Abşeronlular Azərbaycanın inkişafı, dövlətçiliyimizin möhkəmlənməsi yolunda edilmiş səyləri, atılmış addımları yüksək qiymətləndirir. Ona görə də, rayonumuzun sakinləri YAP-a rəğbət bəsləyir, onu dəstəkləyir”.
YAP-ın bələdiyyə seçkilərinə “Xalqa xidmət naminə” şüarı ilə getdiyini xatırladan Bilman Vəliyev bildirib ki, partiyamız bu seçkilərdə də parlaq qələbə qazanacaq.
Rayon təşkilatının sədri deyib ki, əvvəlki seçkilərlə müqayisədə budəfəki siyasi kampaniyada iştirak edən namizədlərin tərkibində qadınların, gənclərin və ali təhsillilərin sayı xeyli artıb: “Abşeron rayonunda 15 bələdiyyə üzrə 167 namizəddən 35 faizi qadın, eyni sayda gənc var, ümumilikdə 80 faiz namizəd isə ali təhsillidir. Əminəm ki, YAP-ın irəli sürdüyü namizədlər rayon əhalisinin böyük əksəriyyətinin etimadını qazanacaq və partiyamızın namizədlərinin çoxu bələdiyyələrdə təmsil olunmaq hüququ əldə edəcək”.
Natiq bildirib ki, özünüidarəetmə orqanları bir struktur kimi Azərbaycanda 1999-cu ildə yaradılıb və tarix baxımından bu qurumları gənc də hesab etmək olar: “Ona görə də, bəzi hallarda təcrübəsizlik öz sözünü deyib və müxtəlif qüsurlar ortaya çıxıb. Amma son illər ərzində qanunvericilikdə edilən dəyişikliklər və əldə olunmuş təcrübə onu deməyə əsas verir ki, artıq növbəti illərdə bələdiyyələrin daha effektiv fəaliyyətinin şahidi olacağıq”.
Sonda namizədlərin çoxsaylı sualları cavablandırılıb.
Ramil VƏLİBƏYOV

Paylaş:

Baxılıb: 1472 dəfə