Xalq hər zaman Yeni Azərbaycan Partiyasını dəstəkləyir

Bakı:

26 °C

55 %

2 m/s

Əlaqə

AZ RU EN

Ana səhifə / YAP xəbərləri / Xalq hər zaman Yeni Azərbaycan Partiyasını dəstəkləyir

Xalq hər zaman Yeni Azərbaycan Partiyasını dəstəkləyir

02.12.2009 [10:03]

Yeni Azərbaycan Partiyasının bələdiyyə seçkilərində səlahiyyətli nümayəndələri Hacıqabul rayonunun Nəvahi kəndində görüş keçirib
Bələdiyyə seçkiləri ilə əlaqədar Yeni Azərbaycan Partiyasının (YAP) həyata keçirdiyi təbliğat kampaniyası çərçivəsində seçicilərlə növbəti görüş Hacıqabul rayonunun Nəvahi kəndində baş tutub. Tədbirdə çıxış edən Yeni Azərbaycan Partiyası Hacıqabul rayon təşkilatının sədri Hafiz Bəşirov Azərbaycanda bələdiyyə sisteminin formalaşması tarixindən bəhs edib. H.Bəşirov vurğulayıb ki, 1993-cü ildə xalqın təkidi ilə hakimiyyətə qayıdan ümummilli liderimiz Heydər Əliyevin rəhbərliyi altında formalaşdırılan bələdiyyələr qısa müddət ərzində öz fəaliyyətini genişləndirə bilib.
çıxış edən Yeni Azərbaycan Partiyasının bələdiyyə seçkilərində səlahiyyətli nümayəndəsi, “Yeni Azərbaycan” qəzetinin baş redaktoru Hikmət Babaoğlu Azərbaycan Respublikasında bələdiyyələrin hüquq və vəzifələri ilə bağlı qısa arayış verib və bu vəzifələrin “Bələdiyyələrin statusu haqqında” Azərbaycan Respublikası Qanununa əsasən tənzimləndiyini deyib: “Əsası ümummilli lider Heydər Əliyev tərəfindən qoyulan Yeni Azərbaycan Partiyası hər zaman xalqa xidmət prinsipini prioritet sayıb. Yeni Azərbaycan Partiyası 2009-cu il bələdiyyə seçkisi kampaniyasını da “Xalqa xidmət naminə” şüarı altında aparır. Bu gün bələdiyyə seçkilərində namizədliyi irəli sürülən Yeni Azərbaycan Partiyası üzvləri də məhz xalqa xidmət etmək üçün partiya tərəfindən seçiliblər. Səsləndirilən təkliflər vətəndaşların rahatlığına hesablanıb. Böyük xalq dəstəyinə malik olan partiyamız insanların problemləri ilə yaxından tanış olur, onların həllində rol oynayır. İnanıram ki, Yeni Azərbaycan Partiyası bütün seçkilərdə olduğu kimi dekabrın 23-də keçiriləcək seçkilərdə də inamlı qələbə qazanacaq və formalaşan Azərbaycan bələdiyyələri, Yeni Azərbaycan Partiyasının şüarında qeyd olunduğu kimi, var gücü ilə xalqına xidmət göstərəcək”.
Millət vəkili, Yeni Azərbaycan Partiyasının bələdiyyə seçkilərində səlahiyyətli nümayəndəsi Astan Şahverdiyev də Yeni Azərbaycan Partiyasının müstəqil Azərbaycan tarixindəki yerindən danışıb. Millət vəkili Yeni Azərbaycan Partiyasının daima xalq tərəfindən dəstəkləndiyini deyib. Bunun ən əsas səbəbi isə bu partiyanın ümummilli lider Heydər Əliyev tərəfindən yaradlılmasıdır: “Bununla yanaşı, Yeni Azərbaycan Partiyası hər zaman xalqın inamını işi ilə doğruldub. YAP hər dəfə seçicilərlə görüşə öz yeni proqramları ilə gəlir və problemlərin həllinə çalışır. Təəssüf ki, bəzi siyasi qüvvələr ölkəmizdə yaradılan bu demokratik şəraitdən istifadə etmir. Bunun səbəbi isə həmin qüvvələrin xalqla görüşməyə üzünün olmamasıdır. Mən əminəm ki, seçicilər səs verərkən hər zaman olduğu kimi bu amili yüksək qiymətləndirəcək”.
çıxış edən Yeni Azərbaycan Partiyasının bələdiyyə seçkiləri üzrə səlahiyyətli nümayəndəsi, millət vəkili Əkrəm Abdullayev bələdiyyələrin Azərbaycanda demokratik dövlət və vətəndaş cəmiyyətinin başlıca atributlarından sayıldığını bildirib: “Bələdiyyə sisteminin yaşının az olmasına baxmayaraq bu gün Azərbaycanda bu strukturla bağlı mükəmməl qanun işlənib hazırlanıb. Aparılan son islahatlardan sonra bələdiyyələrin sayı azaldılaraq, 1766-ya endirilib. Bu, bələdiyyələrin işini daha da effektivləşdirəcək. Dekabrın 23-də isə növbəti beşillik üçün bələdiyyələr seçiləcək”.
Daha sonra Nəvahi kənd bələdiyyəsi üzvlüyünə Yeni Azərbaycan Partiyası tərəfindən irəli sürülən namizəd Əldadaş Qədirov çıxış edib. Səlahiyyətli nümayəndələr seçiciləri maraqlandıran sualları cavablandırıblar.

Paylaş:

Baxılıb: 1581 dəfə