Seçicilər Azərbaycanın tərəqqisinə xidmət edən siyasəti dəstəkləyir

Bakı:

10 °C

87 %

6 m/s

Əlaqə

AZ RU EN

Ana səhifə / YAP xəbərləri / Seçicilər Azərbaycanın tərəqqisinə xidmət edən siyasəti dəstəkləyir

Seçicilər Azərbaycanın tərəqqisinə xidmət edən siyasəti dəstəkləyir

22.10.2010 [11:48]

Yeni Azərbaycan Partiyasının 12 saylı Qaradağ-Binəqədi-Yasamal seçki dairəsindən Milli Məclisə namizədi Zabelin Mixail Yurqeviç Korgöz qəsəbəsinin sakinləri ilə görüş keçirib
Yeni Azərbaycan Partiyasının 12 saylı Qaradağ-Binəqədi-Yasamal seçki dairəsindən Milli Məclisə namizədi Zabelin Mixail Yurqeviç Korgöz qəsəbəsinin sakinləri ilə görüş keçirib.
Görüşdə çıxış edən YAP Qaradağ rayon təşkilatının sədri, partiyanın Siyasi Şurasının üzvü Aydın Hüseynov deyib ki, ümummilli liderimiz Heydər Əliyev tərəfindən əsası qoyulan Azərbaycan dövlətinin sosial inkişaf, iqtisadi tərəqqi, beynəlxalq aləmə inteqrasiya siyasəti Azərbaycanı böyük inkişaf yoluna çıxarıb: “Nəticədə Azərbaycan bu gün regionun ən inkişaf etməkdə olan ölkəsinə çevrilib. Azərbaycanın qazandığı nailiyyətlər, əldə olunan uğurlar günü-gündən artır. Əhalinin həyat şəraiti yaxşılaşır, sosial problemlər həll edilir, şəhərlərimizdə geniş abadlıq-quruculuq işləri aparılır. Siyasi, iqtisadi, hüquqi, sosial islahatlar davam etdirilir, Azərbaycanın hərbi qüdrəti artır”.
Sonra natiq namizəd Mixail Zabelinin həyatı və fəaliyyəti barədə görüş iştirakçılarına məlumat verib.
Bildirib ki, Mixail Zabelin hər zaman Vətəni Azərbaycanın maraqlarını sədaqətlə müdafiə edib. O, 1946-cı ildə Bakı şəhərində anadan olub və əmək fəaliyyətinə Azərbaycan Geologiya İdarəsində başlayıb. Mixail Zabelinin qeyri-adi təşkilatçılıq keyfiyyətləri onun keçmiş Lenin rayon partiya komitəsinin, Bakı şəhər partiya komitəsinin təlimatçısı, sonra isə Azərbaycan KP MK-nın təlimatçısı vəzifələrinə irəli sürülməsinə səbəb olub.
Qeyd edilib ki, Mixail Zabelin Azərbaycan KP MK-nın katibi olan Ulu öndər Heydər Əliyevin referenti, Azərbaycan KP MK-nın partiya təşkilatı işi şöbəsinin müfəttişi, Nizami rayon icraiyyə komitəsinin sədri vəzifələrində işləyib.
Aydın Hüseynov deyib ki, Mixail Zabelin Yeni Azərbaycan Partiyasının yaradıcılarından biri olub: “O, Yeni Azərbaycan Partiyasının İdarə Heyətinin üzvüdür”.
Tədbirdə vurğulanıb ki, 1993-cü ildə respublikanın 91 ziyalısının ümummilli lider Heydər Əliyevə ünvanlanan müraciətində Mixail Zabelinin də imzası olub. Mixail Zabelin bu gün Ulu öndər Heydər Əliyevin siyasi kursunun layiqli davamçısı Prezident İlham Əliyevin siyasətini dəstəkləyir.
Mixail Zabelinin Prezident İlham Əliyev tərəfindən 2006-cı ildə “Şöhrət” ordeni ilə təltif olunduğunu diqqətə çatdıran Aydın Hüseynov qəsəbə sakinlərini YAP-ın 12 saylı Qaradağ-Binəqədi-Yasamal seçki dairəsindən namizədi olan Mixail Zabelinə səs verməyə çağırıb.
çıxış edən Yeni Azərbaycan Partiyasının 12 saylı Qaradağ-Binəqədi-Yasamal seçki dairəsindən namizədi Mixail Zabelin son illərdə ölkəmizdə aparılan siyasət nəticəsində bütün sahələrdə böyük inkişaf müşahidə olunur. Bu inkişafdan Qaradağ rayonuna da pay düşdüyünü söyləyən namizəd dövlətimizin başçısının hər zaman rayona qayğı ilə yanaşdığını deyib: “ölkə sürətlə inkişaf edir, dəyişir, insanların yaşayışı yüksəlir. Mən inanıram ki, Azərbaycan inkişaf etdikcə, insanların rifahı bundan sonra daha da yüksələcək. Dövlətimizin məqsədi insanları layiqli həyatla təmin etməkdən ibarətdir”.
Mixail Zabelin sonra seçki platforması barədə danışıb.
Mixail Zabelin qəsəbə sakinlərinin ona səs verəcəyi və deputat seçiləcəyi təqdirdə verdiyi bütün vədlərin həyata keçirilməsinə çalışacağını deyib.
Görüş iştirakçıları isə mövcud problemlər barədə namizədə məlumat verib, təkliflər irəli sürüblər.
Görüşdən razı qalan qəsəbə sakinləri Yeni Azərbaycan Partiyasının 12 saylı Qaradağ-Binəqədi-Yasamal seçki dairəsindən namizədi olan Mixail Zabelinə səs verəcəklərini söyləyiblər.
Ramil VƏLİBƏYOV

Paylaş:

Baxılıb: 1387 dəfə