Əməkdaşlıqda yeni səhifə

Bakı:

31 °C

45 %

4 m/s

Əlaqə

AZ RU EN

Ana səhifə / YAP xəbərləri / Əməkdaşlıqda yeni səhifə

Əməkdaşlıqda yeni səhifə

23.11.2023 [16:30]

İraq ölkəmizin müstəqilliyini 2 yanvar 1992-ci il tarixində tanımış və iki ölkə arasında diplomatik münasibətlər həmin ilin mart ayının 30-da qurulmuşdur. Bundan əlavə, 1992-ci ildə İraqın Bakıdakı diplomatik nümayəndəliyi Baş Konsulluq səviyyəsindən Səfirlik statusuna qaldırılmışdır.

20 may 2011-ci il tarixində Azərbaycan Respublikası Hökuməti və İraq Respublikası Hökuməti arasında Ticarət, iqtisadi, elmi, texniki və mədəni əməkdaşlıq üzrə Hökumətlərarası Birgə Komissiya yaradılmışdır. 2016-cı ilin oktyabr ayında Bağdad şəhərində Azərbaycan Respublikasının səfirliyi fəaliyyətə başlamışdır.18 yanvar 2017-ci il tarixində Azərbaycan Respublikasının Prezidenti cənab İlham Əliyev Davosda keçirilən dünya iqtisadi forumunda iştirakı çərçivəsində İraq Kürdüstan Regional Hökumətinin başçısı cənab M.Bərzani ilə görüşmüşdür.

İraq Respublikasının Prezidenti Əbdüllətif Camal Rəşidin noyabrın 20-də ölkəmizə baş tutan səfəri iki ölkə arasında yeni mərhələnin başlanğıcı olacaq. Səfər çərçivəsində imzalanmış dörd adda sənəd də bunu əminliklə deməyə əsas verir.

İraq Respublikasının Prezidenti Əbdüllətif Camal Rəşidin Azərbaycana səfəri ilə əlaqədar mətbuata verdiyi bəyanatında Prezident cənab İlham Əliyev də vurğuladı ki, bu səfər ölkələrimiz arasında dostluq münasibətlərinin güclənməsinə töhfə verəcək və əməkdaşlığımızda yeni səhifə açacaq. Ölkələrimiz müxtəlif beynəlxalq təsisatlarda hər zaman həmrəylik nümayiş etdirir. İraq və Azərbaycan BMT-də, Qoşulmama Hərəkatında, İslam Əməkdaşlıq Təşkilatında hər zaman bir-birini dəstəkləyir, bir-birinin suverenliyini və ərazi bütövlüyünü müdafiə edir.

Prezident cənab İlham Əliyev İraq Respublikasının Prezidenti Əbdüllətif Camal Rəşidin ölkəmizə səfəri ilə əlaqədar mətbuata verdiyi bəyanatında Azərbaycan həqiqətlərinə xüsusilə diqqət çəkdi və ölkəmizin 30 il ərzində Ermənistanın işğalı ilə üzləşdiyini xatırlatdı. Ölkə başçısı bildirdi ki, 1990-cı illərin əvvəlində Ermənistan Azərbaycana qarşı təcavüzə başladı, bu, Azərbaycanın beynəlxalq səviyyədə tanınmış ərazilərinin təqribən 20 faizinin işğalı ilə nəticələndi, etnik təmizləmə siyasəti həyata keçirdi ki, bu da bir milyondan çox azərbaycanlının keçmiş Dağlıq Qarabağ Muxtar Vilayətinin və ətraf rayonların ərazisindən fiziki qovulması ilə nəticələndi.

Prezident cənab İlham Əliyev beynəlxalq vasitəçiliyin heç bir nəticə vermədiyini və Azərbaycanın beynəlxalq səviyyədə tanınmış ərazilərini döyüş meydanında, hərbi gücdən və BMT Nizamnaməsinin özünümüdafiə hüququna dair 51-ci maddəsi ilə verilmiş qanuni imkandan istifadə edərək işğaldan azad etdiyini bildirdi. Ölkə başçısı Qarabağ bölgəsində keçirilən lokal antiterror tədbirinə də diqqət çəkərək qeyd etdi ki, bu əməliyyat 24 saatdan az davam etdi və mülki əhali arasında itkilər olmadı. Yaxın Şərqdə müşahidə edilənlərə münasibətdə Azərbaycan tərəfindən aparılmış antiterror tədbiri mülki əhali arasında hərbi əməliyyatları itkisiz necə aparmaq lazım olması nöqteyi-nəzərdən Azərbaycan örnək hesab olunmalıdır.

Əlişah Rəcəbov

YAP Ağdaş rayon təşkilatının sədri

Paylaş:

Baxılıb: 706 dəfə