Azərbaycanın “yaşıl enerji”sinin uğuru

Bakı:

22 °C

53 %

2 m/s

Əlaqə

AZ RU EN

Ana səhifə / YAP xəbərləri / Azərbaycanın “yaşıl enerji”sinin uğuru

Azərbaycanın “yaşıl enerji”sinin uğuru

11.03.2024 [12:02]

Bayram Aslanov,

YAP İdarə Heyətinin üzvü, YAP Gəncə şəhər təşkilatının sədri

Qalib Azərbaycan dünyada bir ilkə imza adı və ölkə Prezidenti cənab İlham Əliyevin Sərəncamı ilə 2024-cü ili "Yaşıl dünya naminə həmrəylik ili" elan etdi. Məhz "Yaşıl dünya naminə həmrəylik ili"ndə ölkəmizin COP29-a ev sahibi seçilməsi, Bakıda "Yaşıl Enerji" Məşvərət Şurasının 2-ci iclasının keçirilməsi əslində Azərbaycanın dünyaya nümayiş etdirdi qüdrətinin təsdiqidir.

"Yaşıl enerji" mənbələri ilə zəngin Azərbaycan ənənəvi enerji növlərinə alternativ olaraq "yaşıl enerji"ni uğurla inkişaf etdirir. 230 meqavat gücündə "Qaradağ" Günəş-Elektrik Stansiyası istifadəyə verilməsi, "Masdar"la 10 qiqavatadək həcmdə, quruda sənaye miqyaslı 1 qiqavat gücündə günəş və 1 qiqavat gücündə külək enerjisi, həmçinin 2 qiqavat gücündə dənizdə külək və inteqrə olunmuş "yaşıl hidrogen" istehsalı layihələrinin qiymətləndirilməsi, inkişafı və həyata keçirilməsi ilə bağlı İcra müqavilələrin bağlanması, Neftçalada 390 meqavatlıq günəş, Biləsuvarda 445 meqavatlıq günəş və Qobustanda 200-300 meqavat gücündə külək-elektrik stansiyalarının inşası, "ACWA Power" şirkəti ilə dənizdə və quruda ümumi gücü 2,5 qiqavatadək külək layihəsinin həyata keçirilməsinə dair icra müqavilələri çərçivəsində Batareya Enerji Saxlama Sistemi və quruda 200 meqavat külək layihələri üzrə Yol Xəritəsinin imzalanması bərpaolunan enerji potensialından səmərəli istifadə edilməsinin gösəriciləridir.

Qürurlu haldır ki, gücü 230 meqavat olan Günəş Elektrik Stansiyası 2030-cu ilədək 5 min meqavata qədər, yəni 5 qiqavat günəş və külək enerjisi istehsal etməyi planlaşdırırıq.

" Bizim bərpaolunan enerji ehtiyatları baxımından nəhəng potensialımız var, istər Xəzər dənizində, istərsə də qurudakı potensial olsun. Bildiyimiz kimi, biz "Qara Dəniz Yaşıl Kabel" layihəsi ilə Avropaya "yaşıl enerji"nin önəmli ixracatçılarından biri olmağı nəzərdə tuturuq. Artıq qərara alınıb ki, bu layihə inteqrasiya edilmiş layihə olmaqla Xəzər dənizindəki külək dəyirmanlarından yeni ötürücü xətlərlə Qara dənizin dibi ilə Avropaya gedəcək. Beləliklə, bunlar bizim planlardır. Əlbəttə ki, bərpaolunan enerji mənbələrimiz nə qədər çox olsa, indi elektrik enerjisi istehsalı üçün istifadə etdiyimiz təbii qaza daha çox qənaət etmiş olacağıq". Martın 1-də "Gülüstan" sarayında Cənub Qaz Dəhlizi Məşvərət Şurası çərçivəsində nazirlərin 10-cu və Yaşıl Enerji Məşvərət Şurası çərçivəsində nazirlərin 2-ci iclaslarında çıxışı zamanı Prezident İlham Əliyevin söylədiyi bu fikirlər Azərbaycanın beynəlxalq “yaşıl enerji” mərkəzinə çevrildiyini bir daha təsdiq edir.

Eyni zamanda Cənub Qaz Dəhlizinin keçdiyi marşrut boyunca yerləşən bütün ölkələr arasında əməkdaşlıq regiona, beynəlxaq aləmə enerji təhlükəsizliyi ilə bağlı görülən işlərə töhfəsi danılmazdır. Sözsüz ki, Azərbaycan qazına Avropa ölkələrinin ehtiyacı artdıqca enerji təhlükəsizliyi və əməkdaşlıq layihəsi Cənub Qaz Dəhlizinin fəaliyyət arenası da genişlənəcək. Ən başlıcası Cənub Qaz Dəhlizi layihəsi ölkələr arasında tərəfdaşlıq və əməkdaşlığın qurulmasında mühüm rol oynayır. 44 günlük Vətən müharibəsində qazandığımız şanlı Zəfər Azərbaycanı dünyada güclü dövlət, Qalib Prezident cənab İlham Əliyev tərəfindən aparılan məqsədyönlü siyasət nəticəsində yüksək sosial-iqtisadi inkişaf, ictimai-siyasi sabitliyə malik ölkə kimi tanıtması beynəlxalq səviyyədə nüfuzumuzun günbəgün artmasına səbəb olub.

Azərbaycanın dünyanın ən böyük və mühüm dövlətlərarası tədbirlərindən biri olan COP29-a 2024-cü ildə ev sahibliyi etməsi üçün seçilməsi də Azərbaycanın növbəti təntənəli qələbəsidir.

Cənub Qaz Dəhlizi Məşvərət Şurası çərçivəsində nazirlərin 10-cu və Yaşıl Enerji Məşvərət Şurası çərçivəsində nazirlərin 2-ci iclası qısa müddətdə bərpaolunan enerji məsələlərinin müzakirə edildiyi, görüləcək işlərin müəyyənləşdirildiyi platforma olmaqla yanaşı ölkəmizin bu sahədəki potensialının dəyərləndirilməsinə geniş imkan yaratdı.

Paylaş:

Baxılıb: 537 dəfə