YAP Nərimanov rayon təşkilatı ərazi partiya təşkilatlarında partiya fəalları ilə görüşlər keçirib

Bakı:

24 °C

94 %

3 m/s

AZ RU EN

Ana səhifə / YAP xəbərləri / YAP Nərimanov rayon təşkilatı ərazi partiya təşkilatlarında partiya fəalları ilə görüşlər keçirib

YAP Nərimanov rayon təşkilatı ərazi partiya təşkilatlarında partiya fəalları ilə görüşlər keçirib

18.03.2024 [14:48]

Yeni Azərbaycan Partiyası Nərimanov rayon təşkilatı tərəfindən ərazi partiya təşkilatlarında partiya fəalları ilə görüşlər keçirilib.

Görüşdə YAP Nərimanov rayon təşkilatının sədr müavini Anar Abbasov, təşkilatın əməkdaşları, ərazi partiya təşkilatının sədri və fəalları iştirak edib.

Görüşlərdə təşkilatın sədr müavini Anar Abbasov çıxış edərək bildirib ki, Azərbaycan daha bir tarixi hadisəyə imza atdı. Xalqımızın bayram əhval - ruhiyyəsi ilə keçirdiyi növbədənkənar prezident seçkiləri müasir tariximizin növbəti şanlı səhifəsinə çevrildi. 7 fevral seçkiləri sıradan bir seçki prosesi deyildi. Müstəqillik tariximizdə ilk dəfə olaraq suveren haqlarını bərpa edərək ərazi bütövlüyünü tam təmin etmiş ölkəmizdə vətəndaşlar növbəti 7 il üçün dövlət rəhbərini seçdilər. Bu baxımdan növbədənkənar prezident seçkiləri 44 günlük Zəfər savaşının və uğurlu antiterror tədbirlərinin xalq iradəsi ilə təsdiqlənəcək möhürü oldu və bu səbəbdən 7 fevral seçkiləri Zəfər seçkisi kimi tarixə yazıldı. Bu seçkilərin tariximizdə analoqu olmayan hadisə sayılmasının daha bir özəlliyi isə qalib Xalq- qalib Lider tandemi idi. Qeyd olunub ki, Prezident seçkiləri bütün ölkə ərazisində olduğu kimi Nərimanov rayonu ərazisində də yüksək seçici fəallığı ilə seçilib. Yeni Azərbaycan Partiyasının müşahidəçiləri də hər bir məntəqədə qanunauyğun şəkildə səsvermə prosesini izləyiblər. Müşahidəçilərimizin verdikləri informasiyalar da onu deməyə əsas verir ki, səsvermə prosesi, bütövlükdə, həm yüksək fəallıq şəraitində, həm də ədalətli şəkildə keçirilib, rayonumuzda heç bir qanun pozuntusu qeydə alınmayıb. Seçkilərin uğurla və ədalətli şəkildə baş tutması Azərbaycan cəmiyyətində mövcud olan ictimai-siyasi sabitliyin ifadəsi idi.

Görüşdə partiya fəallarının fikir və təklifləri dinlənilib, qaldırılan məslələrlə bağlı müzakirələr aparılıb.

Sonra ərazi partiya təşkilatlarında fəallığı ilə seçilən üzvlərə təşkilat adından təşəkkürnamələr təqdim olunub.

ƏPT üzvləri Cənab Prezident İlham Əliyevin yürütdüyü siyasəti dəstəklədiklərini, YAP ətrafında sıx birləşib bundan sonra da dövlətə və dövlətçiliyə sədaqətlə xidmət edəcəklərini, Azərbaycanın gələcək inkişafında partiya üzvü kimi daha da fəal olacaqlarını bildiriblər.

Görüşün sonunda tədbir iştirakçıları göstərilən yüksək diqqət və qayğıya görə Partiyamızın Sədri, Azərbaycan Respublikasının Prezidenti cənab İlham Əliyev və Birinci vitse-prezident Mehriban xanım Əliyevaya öz minnətdarlıqlarını ifadə ediblər.

Paylaş:

Baxılıb: 669 dəfə