Yeni tədris ilində nələr olacaq?

Bakı:

27 °C

38 %

4 m/s

Əlaqə

AZ RU EN

Ana səhifə / Xəbər lenti / Yeni tədris ilində nələr olacaq?

Yeni tədris ilində nələr olacaq?

15.06.2022 [10:48]

Nazir yeni qaydaları açıqladı

Y.BAYRAMOVA

Təhsil naziri Emin Əmrullayev yeni tədris ilində bir çox yeniliklərin olacağını söyləyib. Nazirin sözlərinə görə, yeni tədris ilində daha çox məktəbə İKT avadanlıqlarının verilməsi və ondan düzgün istifadəyə diqqət yetiriləcək: “Bəzi məktəblərdə bununla bağlı saylar dəqiqləşdirilir. Summativ qiymətləndirmənin, ümumilikdə bütün qiymətləndirmənin elektron qaydada keçirilməsi və valideynlərlə ünsiyyətin, elektron jurnalların artırılması planlaşdırılır”.

Nazir qeyd edib ki, yeni tədris ilində innovativ məktəblərin yaranması da əsas hədəflər arasındadır.

Dərslər 6 günlük olacaq?

E.Əmrullayev yeni tədris ilindən məktəblərin hamısında 6 günlük qrafikə keçiriləcəyi ilə bağlı iddialara münasibət bildirib. Nazir bunun şayiə olduğunu vurğulayıb.

Vahid məktəbli formasına tədricən keçiləcək

Təhsil naziri bildirib ki, məktəbli formalarının olması tənzimləyici qaydadır: “Yəni hər bir məktəb özü daxildə bu qərarı verməlidir. Sadəcə qərarı verəndə qaydada nəzərdə tutulan məktəbli formalarından istifadə etməlidirlər”.

Nazir bildirib ki, qaydanın məqsədi daha çox məktəbli formaları ilə bağlı qərar verdikdə hansısa seçimə şərait yaratmaqdır: “Hesab edirəm ki, vahid məktəbli formasına keçid tədricən olacaq. Təbii ki, əhalinin sosial vəziyyətini nəzərə alırıq və bu istiqamətdə addım-addım getmək istəyirik. Şagirdlərin vahid və müxtəlif çalarları olan məktəbli formasına keçməsi müsbət hal olacaq, eyni zamanda, məktəb daxilində istər müəyyən sosial bərabərsizliklərin görülməsinə, istərsə də davranış dəyişikliklərinə təsirini göstərmiş olacaq”.

Müəllimlərin sertifikasiyası yeni qaydada

E.Əmrullayev müəllimlərin sertifikasiyadan keçirilməsi ilə bağlı bəzi təhsil işçilərinin narazılıqlarına münasibət bildirib. Nazir deyib ki, bununla bağlı bütün detallar yeni tədris qaydalarında öz əksini tapıb: “Yaşından asılı olmayaraq məktəbdə dərs demək istəyən müəllim sertifikasiyadan keçərək öz biliyinin peşəsinin müasir tələblərinə uyğunluğunu göstərməlidir: “Hesab edirəm ki, bu imtahan əksər müəllimlər, eləcə də əməkdar müəllimlər üçün heç bir problem yaratmayacaq. Çünki son dövrlərdə fəxri adların verilməsi zaman ədalət prinsipini qorumuşuq.

Narazı müəllimlərə gəlincə, qeyd edim ki, sertifikasiya imtahanından bir dəfə kəsilən şəxslərə bir il ərzində növbəti şans veriləcək. Bu, kifayət qədər ağlabatan və məntiqli yoldur. Bütün dünyada belə təcrübələr var”.

Məktəblərdə testlərin elektron keçirilməsi gündəmdədir

Tədris ilinin gec başladığını vurğulayan nazirin fikrincə, bu, doğru qərar idi: “Yeni tədris ilində məktəblərdə testlərin elektron vəziyyətdə keçirilməsini çox istərdik. Peşə təhsil formasının da inkişaf etməyi üçün çalışırıq. Həmçinin məktəblərdə olan formalara gəldikdə isə bu, tənzimləyici qaydadır. Hər bir məktəb bunu nəzərdə tutulmuş formalara əsasən müəyyən edir. Bu forma istiqamətində addım-addım irəliləyirik. Məqsədimiz şagirdlərin vahid forma altında birləşməsidir”.

Paylaş:

Baxılıb: 698 dəfə