Türkiyəli hərbi ekspert: “Qarabağ zəfərini qazanan hərbi qüvvənin arxasında dayanan güclü Lider iradəsi idi ”

Bakı:

20 °C

64 %

3 m/s

AZ RU EN

Ana səhifə / Xəbər lenti / Türkiyəli hərbi ekspert: “Qarabağ zəfərini qazanan hərbi qüvvənin arxasında dayanan güclü Lider iradəsi idi ”

Türkiyəli hərbi ekspert: “Qarabağ zəfərini qazanan hərbi qüvvənin arxasında dayanan güclü Lider iradəsi idi ”

24.12.2022 [15:58]

Bu gün Ankarada yerləşən Türkiyə-Azərbaycan Dostluq Əməkdaşlıq və Həmrəylik Fondunda (TADİV) Dünya Azərbaycanlılarının Həmrəylik Günü münasibətilə “Bizə İlham verən Ali Baş Komandanımız” mövzulu tədbir keçirilib.

“Yeni Azərbaycan”ın Ankara bürosunun xəbərinə görə, tədbirdə TADİV rəhbəri Aygün Əttar, Türkiyə Prezidentinin Baş Müşaviri Ayşə Türkmən, Türkiyə-Azərbaycan Parlementlərarası Dostluq Qrupu rəhbəri Şamil Ayrım, digər millət vəkilləri, Azərbaycanın Türkiyədədki səfirliyinin nümayəndələri, elm, media və ictimaiyyət nümayəndələri iştirak ediblər.

Bahçaşehir Universitetinin müəllimi, Türkiyənin təhlükəsizlik üzrə eksperti Abdullah Ağarın tədbirdə İkinci Qarabağ Müharibəsinin qələbə ilə başa çatmasının səbəbləri və bu savaşda Ali Baş Komandan olaraq Azərbaycan Prezidenti İlham Əliyevin rolundan, liderlik xüsusiyyətlərindən bəhs edən çıxışı dinlənilib.

A.Ağar bildirib ki, Qarabağ nüharibəsinin uğurunun səbəblərini araşdırmaq üçün 9 ay Azərbaycanda olub və Cənab İlham Əliyevin razılığı ilə Qarabağ Müharibəsi haqqında ikicildli kitab yazıb. O, yaxın zamanlarda işıq üzü görəcək kitabının hazırlığı üçün müharibədə iştirak edən yüksək səviyyəli hərbiçilərlə görüşdüyünü, müharibə içtirakçıları, qazilər və şəhid ailələrilə ünsiyyətdə olduğunu bildirib.

A.Ağar müharibənin ilk vaxtlarında ermənilərin “yeni savaş, yeni torpaqlar” iddiasında olduğu bir mərhələdə Prezident İlham Əliyevin bir Ali Baş Komandan olaraq çox önəmli bir qərar verdiyini bildirib: “Cənab İlham Əliyev bu gün “Şuşa Bəyannaməsi” adını verdiyimiz, Türkiyə ilə hərbi müttəfiqlik yolunu seçdi. Halbuki İlham Əliyev Rusiyaya üz tutmaqla münaqişəni ən asan yolla həll edə bilərdi, amma o ən çətin yolu seçdi”, deyə hərbi ekspert bildirib.

“Ölümün üzərinə getmək” türkdən başqa bir millətə məxsus olmayan xislətdir. O əsgərlər düşmənin iradəsini ölümün üzərinə getməklə qırdılar. Yəni bu savaşın taleyini müəyyənləşdirən o güclü iradə oldu. O iradənin arxasında isə güclü bir lider dayanırdı”, deyə bildirən natiq onu da əlavə edib ki, İkinci Qarabağ müharibəsi doğru bir zamanda dayandırılıb: “Savaş yalnız hərbi idaretmə ilə idarə olunmur, burada müdrik bir lider qərarı da çox önəmlidir. Ən kritik anda dövlət başçısının müdaxiləsi son dərəcə vacib idi və o qərar verildi. Əlbəttə çox istərdik ki, ermənilərin “Artsax” dediyi Xankəndini o gün alaydıq.

Əlbəttə mübazrəmiz bitmədi, davam edir. Böyük uğurlara imza atılacaq. Biz bütün insanlarla insanlıqda, müsəlmanlarla dində, amma türklərlə qanda qardaşıq. O səbədən qan qardaşlarımızla son damla qanımıza qədər vuruşmağa hazırıq.

A.Ağar Azərbaycanın dövlət başçısı İlam Əliyevi doğum günü münasibətilə təbrik edərək, çıxışına son verib.

Sevil Hilalqızı Ünal, Ankara

Paylaş:

Baxılıb: 484 dəfə