“Environmental Protection First” Koalisiyası Ermənistanın Ətraf Mühit Nazirliyinin bəyanatını pisləyib

Bakı:

22 °C

83 %

5 m/s

AZ RU EN

Ana səhifə / Xəbər lenti / “Environmental Protection First” Koalisiyası Ermənistanın Ətraf Mühit Nazirliyinin bəyanatını pisləyib

“Environmental Protection First” Koalisiyası Ermənistanın Ətraf Mühit Nazirliyinin bəyanatını pisləyib

10.08.2023 [12:51]

“Environmental Protection First” Koalisiyası Ermənistanın Cənubi Qafqaz ekologiyasını fəlakət bölgəsinə - “hamı üçün faciə”yə çevirməsi ilə bağlı bəyanat yayıb.

AZƏRTAC xəbər verir ki, bəyanatda yeni yaradılan koalisiyanın Ermənistanın Ətraf Mühit Nazirliyinin Azərbaycan ilə sərhəddə - Arazdəyəndə tikilməkdə olan metallurgiya zavodu ilə bağlı cavab bəyanatı sərt şəkildə qınanılıb. Bildirilib ki, Ermənistan belə böyük metallurgiya zavodunu inşa etməklə beynəlxalq səviyyədə qəbul edilmiş standart və prinsiplərə, xüsusən də Espo Konvensiyasının tələblərinə məhəl qoymur. Espo Konvensiyası ekoloji məsələlərin milli sərhədlərdən kənara çıxdığını qəbul edir və bir çox ölkənin konkret işlərə cəlb edildiyi zaman beynəlxalq dialoqun vacibliyini vurğulayır. Azərbaycan tərəfi ilə qarşılıqlı razılaşma olmadan sərhədboyu ərazidə belə böyük obyektin yaradılması sərhədlərlə bağlı situasiyalarda ətraf mühitə təsirin qiymətləndirilməsinə yönəlmiş Espo Konvensiyasının açıq şəkildə pozulması deməkdir. Həm Azərbaycan, həm də Ermənistan bu Konvensiyanı ratifikasiya ediblər. Həmin Konvensiyaya uyğun olaraq, tikinti ilə bağlı ekoloji qiymətləndirmə hesabatı əraziyə yaxın yaşayan qonşu Azərbaycan vətəndaşları və ekofəallar nəzərə alınaraq, Azərbaycanın müvafiq qurumları tərəfindən araşdırılmalıdır.

Bəyanatda vurğulanıb ki, Ermənistan bu zavodun tikintisi ilə bağlı Azərbaycanın hər hansı qurumu, eləcə də sərhədboyu ərazidə yaşayan və onun təsirinə məruz qala biləcək əhali ilə əlaqə saxlamayıb. Ermənistanın cavabının əməkdaşlıqdan yayınmaq olduğunun vurğulandığı bəyanatda bildirilib ki, Ermənistan tikinti ilə bağlı dialoq aparmaq və qərarların qəbulunda iştirak üçün beynəlxalq QHT-ləri və region ölkələrinin vətəndaş cəmiyyətinin nümayəndələrini bu prosesə cəlb etməlidir. Bundan başqa, ekoloji fəlakətlərlə bağlı çoxsaylı müraciətlərə, etirazlara cavab olaraq, Ermənistanın məsələni siyasiləşdirərək vəziyyətdən yayınması cəhdləri sərt şəkildə pislənilib.

Koalisiya Ermənistanın mədən sənayesinin illər ərzində Azərbaycanın ekoloji mühitinə zərərli təsiri ilə əlaqədar yaranan ictimai narazılığı nəzərə alaraq, ətraf mühitə təsirin qiymətləndirilməsi ilə bağlı məlumatların tam açıqlanmasını tələb edib, bu məlumatların gizlədilməsinin insan hüquqlarına zidd olduğunu bildirib. Bəyanatda yaranacaq təsirə məruz qalan icmaların zavodların fəaliyyəti haqqında məlumat əldə etməsinə, qərarların qəbulu proseslərində iştirak etməsinə və ətraf mühitə dəyən hər hansı zərərin aradan qaldırılması yollarına malik olmasına zəmanət verməklə öhdəliklərini yerinə yetirməsi Ermənistandan tələb olunub.

Paylaş:

Baxılıb: 687 dəfə