Rediküllərin ənənəvi “strategiyası” - erməni maraqlarının müdafiəsi

Bakı:

26 °C

60 %

3 m/s

Əlaqə

AZ RU EN

Ana səhifə / Xəbər lenti / Rediküllərin ənənəvi “strategiyası” - erməni maraqlarının müdafiəsi

Rediküllərin ənənəvi “strategiyası” - erməni maraqlarının müdafiəsi

19.10.2023 [10:45]

Ermənipərəst mahiyyətin daşıyıcıları

Hər zaman antimilli mövqeyi ilə seçilən radikal müxalifət düşərgəsi yenidən öz ampluasındadır. Belə ki, istər 44 günlük Vətən müharibəsi dövründə, istərsə də müharibədən sonrakı zaman kəsiyində torpaqlarımızın işğaldan azad edilməsinə sevinməyən, əksinə, erməni təbliğat maşınının bir hissəsi kimi çıxış edən dağıdıcı ünsürlərin yeni hədəfi Xankəndidə Azərbaycan bayrağının dalğalanması, ölkəmizin suverenliyinin təmin olunmasıdır. Nə qədər qəribə səslənsə də, antimilli mahiyyətə malik redikül müxalifət ümummilli problemin həllinə sevinmək əvəzinə, bu möhtəşəm qələbəni gözardı etmək, onun miqyasını kiçiltmək uğrunda “mübarizəyə girişib”. Sosial şəbəkələrə nəzər saldıqda bir faktla üzləşirsən - Əli Kərimli və dəstəsi sanki bu qələbənin Azərbaycana “ziyan verəcəyini sübut etməyə” çalışır. Onlar “bundan sonrakı mərhələ” ilə bağlı ağlasığmaz “proqnozlar” verməyə çalışır, sanki yeni “müharibələrin” olacağının anonsunu verirlər. Onların bu mövqeyi isə xaricdəki bəzi dairələr tərəfindən tənzimlənir. Diqqət yetirsək, antiterror tədbirlərindən bu günə qədər ermənipərəst Sevinc Osmanqızının internet kanalında qəribə bir “təbliğat” aparılır - onlar Azərbaycanın bütün məsələlərə nöqtə qoymadığını iddia edir və hansısa “xəyali güc”ün Azərbaycana qarşı “revanş” təşkil edəcəyi ilə bağlı nağıllar, uydurmalar səsləndirilir. Bu davranış isə iki “ehtiyacdan” doğa bilər:

- Ermənipərəst dəstə qələbənin miqyasını kiçiltmək üçün belə bir təbliğata “baş vurub”:

- Özlərinə siyasi daldalanacaq axtarışına çıxıblar.

Əli Kərimli və dəstəsinin davranışları, fikirləri sözün hər bir mənasında əndazəni aşır - adını azərbaycanlı qoyan birisinin bu qədər ermənipərəst xarakter daşıması olduqca qəribədir. Bu insanlar bütün fikirlərində yalnız bir hədəfə köklənirlər - necə edək ki, Azərbaycanın məğlub obrazını yaradaq. Yeri gəlmişkən, son günlərdə xüsusən müşahidə edilən məqamlardan biri Əli Kərimlinin, Gültəkin Hacıbəylinin, Tofiq Yaqublunun sosial şəbəkənin erməni seqmenti ilə eyni tezisləri səsləndirmələridir. Xüsusilə, Tofiq Yaqublunun guya Azərbaycan Ordusunun 44 günlük müharibə dövründə Xankəndidə mülki əhalini bombalaması ilə bağlı yalanı sırf ermənilərin müzakirə predmetidir. Erməniləri başa düşmək olar - Gəncə cinayətlərini, Bərdə qətliamını, Tərtər vəhşiliyini ört-basdır etmək, beynəlxalq aləm qarşısında özünə haqq qazandırmaq üçün belə yalanlara əl atırlar - bəs Tofiq Yaqublu bu yalanı hansı “ehtiyacdan” danışır? Ermənilər ona nə söz veriblər? Axı sosial şəbəkələrdə olsa belə, bu fikri yazmaq xalqına, dövlətinə, millətinə xəyanətdir - bu ermənidən betər ermənilikdir...

MƏNSUR

Paylaş:

Baxılıb: 485 dəfə