Azərbaycan mədəniyyəti və incəsənəti dövlətin diqqətində

Bakı:

21 °C

64 %

1 m/s

Əlaqə

AZ RU EN

Ana səhifə / Xəbər lenti / Azərbaycan mədəniyyəti və incəsənəti dövlətin diqqətində

Azərbaycan mədəniyyəti və incəsənəti dövlətin diqqətində

15.12.2023 [10:39]

Onlar təltif edildilər

Ölkəmizdə bütün sahələr kimi mədəniyyətə, incəsənətə də dövlət tərəfindən xüsusi qayğı göstərilir ki, bu siyasətin də əsası Heydər Əliyev tərəfindən qoyulub. Eyni zamanda, İlham Əliyevin dövlət başçısı seçilməsindən bu günə qədər mədəniyyət sahəsinə tükənməz dövlət qayğısı göstərilir. Ümumiyyətlə, Azərbaycan mədəniyyətinin və incəsənətinin inkişafına xidmət edən hər bir fəaliyyət daim Prezident İlham Əliyevin diqqət mərkəzindədir.

Prezident İlham Əliyevin hakimiyyəti dövründə gördüyü işlərin böyük hissəsi məhz mədəniyyət sahəsinin inkişafı ilə bağlıdır. Bu gün çox böyük fəxrlə deyə bilərik ki, zəngin Azərbaycan mədəniyyəti dünyada yüksək səviyyədə, layiqincə təbliğ olunur və maraqla qarşılanır. Azərbaycan mədəniyyətinin çoxəsrlik tarixə malik incilərinin UNESCO-nun bəşəriyyətin nadir inciləri siyahısında yer alması da təsadüfü deyildir. Bütün bu uğurların əldə olunmasında Heydər Əliyev Fondunun reallaşdırdığı layihələrin müstəsna rolu vardır.

Öz çıxışlarında bu məqama toxunan Prezident İlham Əliyev deyir ki, bütövlükdə, mədəniyyət, incəsənət məsələlərinə həmişə olduğu kimi, böyük diqqət göstərilir və göstərilməlidir: “Bu, əvvəlki dövrlərdə də elə olub. Bilirsiniz ki, Ulu öndər Heydər Əliyev sənət adamlarına daim böyük diqqətlə yanaşırdı, onlarla daim ünsiyyətdə idi, onların fəaliyyəti ilə maraqlanırdı. Sovet dövründə onlara ən yüksək mükafatların verilməsində fəal iştirak edirdi. Müstəqillik dövründə yaradıcı insanların fəaliyyəti üçün çox böyük işlər görürdü. Bu gün də bu siyasət davam etdirilir”.

Elə bu günlərdə, yəni dekabrın 13-də Prezident İlham Əliyevin imzaladığı “Azərbaycan Dövlət Mədəniyyət və İncəsənət Universitetinin əməkdaşlarının təltif edilməsi haqqında” Sərəncam da həmin diqqət və qayğının növbəti bariz təzahürüdür. Sərəncama əsasən, Azərbaycan Dövlət Mədəniyyət və İncəsənət Universitetinin 100 illiyi münasibətilə bu universitetin 7 əməkdaşı “Azərbaycan Respublikası Prezidentinin fəxri diplomu”, 3 əməkdaşı 3-cü dərəcəli “Əmək” ordeni, 15 nəfər “Tərəqqi” medalı ilə təltif edilib.

Həmçinin Sərəncama əsasən, Azərbaycanda təhsilin inkişafında xüsusi xidmətlərinə və yüksək peşəkarlığına görə universitetin rektoru Ceyran Mahmudovaya “Əməkdar incəsənət xadimi”, universitetin 9 müəlliminə “Əməkdar müəllim” fəxri adı verilib. Universitetin 4 əməkdaşına Azərbaycanda təhsilin inkişafında uzunmüddətli səmərəli fəaliyyətinə Azərbaycan Respublikası Prezidentinin fərdi təqaüdü verilib.

Təltif olunan mədəniyyət nümayəndələri bildiriblər ki, bu təltif onların yaradıcılığına stimuldur. Onlar mədəniyyətimizlə bağlı görülən işləri yüksək qiymətləndirildiyi və təltiflərə görə Prezident İlham Əliyevə təşəkkürlərini çatdırıblar.

Günel ABBAS

Paylaş:

Baxılıb: 432 dəfə